2 Wakorint̯o 11:31 - Pokomo

³¹ Huyu Muungu, Baba jwa Ḅwana Yesu nashad̯we maishi na maishi! Jeje ndiye amanyiye, kwamba sikwakunenani nsuwe.

2 Wakorint̯o 11:31 ပူးပေါင်းရင်းမြစ်များ

Yohana 10:30

Mimi na Baba hu kintu kimodza.”

Yohana 20:17

Yesu kamwamba, “Sinigije, koro mimi sidzapfaa kwenda kwa Baba. Ela enda kwa hawa wandugu zangu ukawambe ya kwamba, nyakwendani kwa Baba, eye Baba jwenu pia, nyakwendani kwa Muungu jwangu eye Muungu jwenu pia.”

Warumi 1:25

Hi hachi dzuu ya Muungu wanaiperuya ikawa nsuwe. Wanakaa na kuviyomba na kuvihumikia hivi vija vya Muungu aviumbiyevyo, ḅad̯ala ya kumuyomba huyu aviumbiye jeje mwenye! Jeje ni Muungu eyenamala kushad̯wa hat̯a pfasipfosia. Amina.

Warumi 1:9

Hat̯a Muungu mwenye, huyu niyenamuhumikia na mojo wangu wonse kwa kuyasumwiiya haya Maagu Mema dzuu ya huyu Mwanawe, kamanya kwamba nakaa nakumukumbuka nyonse

Warumi 15:6

ili nyonse muweze kuungana pfamodza mukimushad̯a huyu Muungu, eye Baba jwa Ḅwana jwehu Yesu Kirist̯o.

Warumi 9:1

Haya niyokutsakani kunena nza ḍugha, koro mimi ni jwa *Kirist̯o na siwezi kunena nsuwe. Hat̯a haya mat̯aro yangu yeyokuyongojwani ni huyu Ruhu Mudheru, nayo pia yakunimpani uhakika kwamba sikwakunenani nsuwe.

Warumi 9:5

Wabibi zao, (aḍe Iburahimu na wanawe) wewa ni wantu wa Muungu. Na hat̯a huyu Kirist̯o mwenye, kavyajwa dza mwanaad̯amu kuyawa chicho kyeet̯i chao cha Waisiraeli. Jeje ni Muungu eye dzuu ya vyonse na anamala kushad̯wa hat̯a pfasipfosia! Amina.

2 Wakorint̯o 1:23

Muungu ni shaahiḍi jwangu kwamba, sikudza Korint̯o kwa kwamba sikitsaka kumujumuiya d̯ina zingine.

2 Wakorint̯o 1:3

Nahumuyavize ḍuḍa Muungu, Baba jwa Ḅwana jwehu Yesu Kirist̯o, eye Baba mut̯ei na Muungu eyenahuingamaza.

2 Wakorint̯o 11:11

Maana niyokunenani hivi hivi ni? Ni kwa dzambo sikumutsaka? Hat̯a! Koro Muungu mwenye ndiye amanyiye kwamba nimutsaka.

Wagalatia 1:20

Nyakumuyapfiyani usoni kwa Muungu kwamba, haya niyokworani si ya nsuwe, nza ḍugha!

Waefeso 1:3

Nahumushad̯eni Muungu eye Baba jwa Ḅwana jwehu Yesu Kirist̯o, ahuvodhyeye na kula kintu cha kiruhu cha kuyawa mbinguni, kwa kwamba hwaa hariani mwa Kirist̯o.

Waefeso 3:14

Nipfonamamat̯a haya haya yonse ya Muungu ahendeyeyo hat̯a nikyenda nikisa, navunza nkuhi nikamuyomba Muungu Baba jwehu.

Wakolosai 1:3

Husikia namuna mumuhikiziyevyo Kirist̯o Yesu, na namuna muwatsakiyevyo wantu wonse wa Muungu. Ndookomu kula hukwakumuyombeyani, hunamuyaviza ḍuḍa Muungu, Baba jwa Ḅwana jwehu Yesu Kirist̯o.

1 Watesalonike 2:5

Nywinywi wenye mumanya, na Muungu nae ni shaahiḍi, kwamba, hwipfokudza kwenu kumusumwiiya, ntahukumudzia na vyuuwo vya nsuwe ambu vya kumuhalahala hupate kufaiḍi kuyawa kwenu.

1 Timoteo 1:11

Haya haya mayongweezo, yaa humu mwa haya *Maagu Mema nipfegejweyo ni Muungu niyasumwiiye wantu. Ni Maagu Mema dzuu ya Muungu jwa marembo asiyepfungukijwa ni kintu.

1 Timoteo 1:17

Huyu Haju eyenat̯awala maishi na kuunga na yuungo, asiyeonekana, na eye Muungu jeje heket̯u, hunamumpa shad̯u na hila maishi na maishi! Amina.

1 Timoteo 6:16

Jeje heket̯u ndiye eyenaishi maishi. Anaishi kwiko muyanga usioweza kufikika hafufi. Ntaku muntu amuoneye wala adzeyeweza kumuona. Jeje napfegwe shad̯u na agije kut̯awala hat̯a pfasipfosia! Amina.

1 Pet̯ero 1:3

Nahumuyavizeni ḍuḍa Muungu, eye Baba jwa Ḅwana jwehu Yesu Kirist̯o; koro kahufwiya t̯ei muno, hat̯a kahupfa maisha mapfya. Kwa dzambo ḍya kwamba kamufufuya Yesu Kirist̯o kuyawa kwa wafu, kahupfa madzikwat̯yo makuu.