2 Wakorint̯o 11:28 - Pokomo

²⁸ Na zaid̯i ya hayo hayo yonse, nsiku ḅaad̯a ya nsiku, nina muzigo wa kuyamuud̯amia haya matsanganiko yonse.

2 Wakorint̯o 11:28 ပူးပေါင်းရင်းမြစ်များ

Mahendo 15:36

Zipfochia nsiku kadha, Paulo kamwamba Baranaba, “Nahuuje hwende hukawad̯oye wandugu zehu kula mudzi hwendeewohukisumwiiya chuuwo cha Ḅwana, huwamanye waivyo.”

Mahendo 18:23

Epfokaa hukuḍe kwa nsiku kachuchu kagonzowa kawii. Kachia ḍanda za Galatia na Furugia akiwangiza mojo hawa wahikiza.

Mahendo 20:2

Kachia na hiziḍe ḍanda akyenda na kuwangiza mojo muno hawa wantu. Makisa kenda hat̯a Uyunani,

Mahendo 9:31

D̯ubva tsanganiko ḍiwa na ngera ya naghea Yud̯aya, Galilaya na Samaria yonse. Chima cha tsanganiko ḍimuhiliyevyo Ḅwana, ndiyo mala ḍikwiiyevyo na kwongezeka kwa kungizwa mojo ni Ruhu Mudheru.

Warumi 1:14

Nina muzigo wa kuyasumwiiya haya Maagu Mema kwa hawa hawa wantu wonse wa vyeet̯i. Hangu wasit̯aaraḅikiyeo na hat̯a wasiosit̯aaraḅika, wasomeyeo na hat̯a wasiosoma.

Warumi 11:13

Sasa nyakunenani nanywi nywinywi wantu musiokuwa Wayahud̯i. Muungu kanihuma niwe *ntumi kwa wantu wa vyeet̯i. Ndookomu nadzivunia muno hi kazi ya Muungu eyokuhendani kwa kunitumia mimi.

Warumi 15:16

kanimpa hi hii kazi ya kuwa muhumisi jwa Kirist̯o Yesu, kuwahumikia wantu wasikwaa Wayahud̯i. Nami nikwakusumwiiyani haya *Maagu Mema ya Muungu, nawa kwamba nyakuhendani kazi ya kikohani. Nahenda hivi ili wantu wa vyeet̯i vingine nao wakuḅalike usoni kwa Muungu, dza hiviḍe vya Muungu evyonakuḅali mvuugiya ya kutsomwa iyonayavigwa ni *mukohani. Na Muungu anawapfa Ruhu Mudheru jwa kukaa kuzimuni mwao na kuwadheresa.

Warumi 16:4

na hat̯a wewa wayangiza maisha yao hat̯arini kwa dzambo ḍyangu. Hachi nina ḍuḍa nao muno. Kisa simi t̯u niyekuwayaviani ḍuḍa, ela hat̯a haya matsanganiko yonse ya wantu wa vyeet̯i vingine, yana ḍuḍa nao.

1 Wakorint̯o 7:17

Kula muntu naishi haya maisha ya Ḅwana amumpiyeyo kuishi, na akae dza viviḍe evyokuwa Muungu epfomuhana. Hi ndiyo amuri niwekeyeyo kwa matsanganiko yonse.

Wakolosai 2:1

Natsaka mumanye namuna nimumuud̯amiyevyo nywinywi wahikiza mwiwo Kolosai, na wenzenu weo mudzi wa Laodekia, pfamodza na wahikiza wangine wonse husiodzaonana hat̯a na matso.