2 Wakorint̯o 11:22 - Pokomo

²² Wakyamba wao ni Waeburania, nami pia ni Mueburania. Wakyamba wao ni Waisiraeli, nami pia ni Muisiraeli. Wakyamba wao ni kivyazi cha Iburahimu, nami pia ni kivyazi cha Iburahimu.

2 Wakorint̯o 11:22 ပူးပေါင်းရင်းမြစ်များ

Matayo 3:9

Na wala namutsedzit̯aria kwamba mu wadheru usoni kwa Muungu kwa kwamba mu kivyazi cha Iburahimu. Koro hachi nyakumwambiani, Muungu anaweza kuyahwaa haya mawe haya, na ayapfyehuze kuwa yuvyee jwa Iburahimu.

Mahendo 22:3

“Mimi ni Muyahud̯i. Nivyajwa T̯ariso, mudzi wa Kilikia. Ela niyejwa hapfa hapfa Yerusalemi dza mwanafund̯i jwa Gamalieli. Niiyongweezwa muno kuit̯ii hi *Sharia ya hawa wabibi zehu weyowakiuḅa. Na niidziyavya muno kumuhumikia Muungu dza hivi vyenu mwivyokuhendani yeo.

Mahendo 6:1

Hichi kit̯aro cha wahikiza chipfogija kukuya, nyumae kujumuka matsowano kahi ya hawaḍe weowakinena Kiyunani na hawaḍe weowakinena Kieburania. Hawa Wayahud̯i weowakinena Kiyunani wamba kwamba wake wachiwa wao ntawekimuud̯amijwa kwa haḍya zao za kula nansiku.

Warumi 11:1

D̯ubva natsaka kumuuza bve, munamba Muungu kawajibat̯a wantuwe wa Isiraeli? Moro sivyo kaḅisa! Mimi mwenye ni Muisiraeli, niyawiyee kivyazi cha Iburahimu, kuyawa kyeet̯i cha Benyamini.

Warumi 9:4

Wao ni Waisiraeli, na ni wantu watsanijweo kuwa wana wa Muungu. Muungu kawayanga namuna aivyo na kahenda maḍamano nao na pia kawapfa hi *Sharia yakwe. Wao wanamuyomba jeje Muungu jwa hachi na ndiwo wapfokeeyeo hizi ahad̯i za Muungu.

Wagalatia 3:16

Muungu kamumpa ahad̯i Iburahimu na kit̯ukut̯ukuche. Haya matsoro ntayakwamba “na vit̯ukut̯ukuvyo,” dza kwamba yakuneneani dzuu ya wantu wenji na wenji, ela yamba “kit̯ukut̯ukucho,” kuyanga kwamba yakuneneani dzuu ya muntu mumodza t̯u, nae ni Kirist̯o.

Wafilipi 3:5

Koro mimi ni Muisiraeli, jwa kyeet̯i cha Benyamini. Ni Mueburania libve na nihinywa nipfokuwa na nsiku nane. Kuhusu kuuḅa *Sharia ya Kiyahud̯i, mimi niwa ni Mufarisayo.