2 Wakorint̯o 10:13 - Pokomo

¹³ Swiswi ntahuwezi kudzishad̯a na kintu husichokuwa na hachi ya kukidzishad̯ia. Chehu t̯u cha kudzishad̯ia, ni hi kazi ya Muungu ahupfiyeyo huihende, na ikihuyeha hat̯a kwenu.

2 Wakorint̯o 10:13 ပူးပေါင်းရင်းမြစ်များ

Matayo 25:15

na kamugawia kula mumodza kuuḅana na uwezowe. Mumodza kamumpa t̯alant̯a nsano za fwedha, yungine kamumpa t̯alant̯a mbii na huyu jwa hahu kamumpa t̯alant̯a modza. Makisa jeje kanuka kagonzowa.

Warumi 10:18

Ehe awa Wayahud̯i, munamba ntawadzayasikia hat̯a aya maagu? Gula kuyasikia wayasikia kaḅisa. Dza vya matsoro yambiyevyo: “Madzwi ya hawa wahumijweo kwendasumwiiya haya maagu, yasikijwa lumwengu yuzima. Na hivi vyuuwo vyao waneneyevyo, visikijwa hat̯a mwiso wa lumwengu.”

Warumi 12:3

Kwa kwamba Muungu kanifwiya t̯ei na kanihendeza niwe *ntumi jwakwe, nyakumwambiani nyonse kwamba mutsedzihwaa kuchia chima. Ela ni mukidzihwaa dza viviḍe muivyo, kula mumodza akidzipima jeje mwenye kuuḅana na hi faro ya Muungu amumpiyeyo.

Warumi 12:6

Ndookomu kwa kwamba Muungu kahupfa t̯ola garagara, ni had̯i huzitumiye kuuḅana na namuna ahuvodhyeyevyo. Muntu eye na t̯ola ya kuyavya maagu ya Muungu, ni akikaa na kuyayavya haya maagu akiwa na faro yonse kwamba kayapfegwa ni Muungu ḍugha.

Warumi 15:20

Ami meshi natsaka haya Maagu Mema nikiyasumwiiya kuntu kwa wantu wasiodzasumwiijwa dzuu ya Kirist̯o, kuliko kuyasumwiiya pfantu pfaḍabvisijwepfo tsanganiko ni muntu yungine d̯ura. Koro nikihenda hivi, nawa dza muntu eyekumbakani dzuu ya musinji wa muntu yungine.

1 Wakorint̯o 12:11

Na hizi hizi zonse, ni kazi za yuyo Ruhu mumodza. Kula muntu anamumpa t̯ola yakwe dza evyonatsaka mwenye.

Waefeso 4:7

Kula mumodza jwehu kapfegwa t̯ola ya kivyakwe kuuḅana na hiviḍe vya *Kirist̯o atsakiyevyo kumumpa.

1 Pet̯ero 4:10

Kula mumodza ni had̯i awahumikie wangine na haya mat̯ola ya kiruhu apfegejweyo ni Muungu. Haya haya mat̯ola garagara muyapfokeeyo kwa t̯eiye ni had̯i muyatumie urembo.