2 Wakorint̯o 1:19 - Pokomo

¹⁹ Koro Yesu Kirist̯o Mwana jwa Muungu, huyu humumusumwiyee mimi, na Sila na Timoteo, si muntu jwa kwamba iyo saa anakwamba, “Ndivyo,” na iyo saa akamba, “Sivyo.” Ishinu jeje ndiye hi “Ndivyo” ya Muungu.

2 Wakorint̯o 1:19 ပူးပေါင်းရင်းမြစ်များ

Matayo 17:5

Ela asidzakwisa kunena, kudza wingu dzeupe ḍiwafinikiziyeḍyo. Makisa kuyawa idzwi na humu winguni ḍikyamba, “Huyu ni Mwanangu mutsakwa, nitsakizijwee nae muno. Musikiiyeni jeje.”

Matayo 24:35

Mbingu na nsi vinasia, ela vyuuwo vyangu ntavinasia meshi.”

Matayo 27:40

Wamwamba, “Dzaambia nkukwamba unaweza kuikomoa ai Hekalu na uimbake na nsiku ntahu? Haya ikiwa kwamba wewe u Mwana jwa Muungu ḍugha, hunatsaka kuviona! Suka na hapfo muhini mwa mpatsa na udzipfonye!”

Matayo 27:54

Huyu mukuu jwa asikari na hawaḍe wonse weowakimwamia Yesu, wepfoona hu muhehemo wa nsi pfamodza na hayaḍe yonse yahendekeeyo, wanjijwa ni oga muno na wamba, “Hachi huyu ewa ni Mwana jwa Muungu ḍugha!”

Matayo 3:17

Makisa kusikika idzwi kuyawa yuwinguni ḍikyamba, “Huyu ni mwanangu mutsakwa, nitsakizijwee nae muno.”

Matayo 4:3

D̯ubva Shaat̯ani kamwendea kamwamba, “Ikiwa kwamba wewe u Mwana jwa Muungu ḍugha, yaamuru haya mawe haya yawe mikahe.”

Marko 1:1

Haya ni *Maagu Mema dzuu ya Yesu *Kirist̯o, Mwana jwa Muungu.

Luka 1:35

Huyu malaika kamwambukuya kamwamba, “Ruhu Mudheru kadzakusukia, na nguvu za Muungu awee dzuu zinakufinikiza dza kivwii. Na huyu mwana adzeyevyajwa anawa mudheru, na anahanwa Mwana jwa Muungu.

Yohana 1:34

Nami haya haya yonse niyaona na matso yangu mwenye, na nyakumushuhuḍiani ya kwamba huyu muntu ni Mwana jwa Muungu.”

Yohana 1:49

Natanaeli kamwamba, “Mwaalimu, hakika wewe u Mwana jwa Muungu ḍugha! Wewe u Haju jwa Isiraeli!”

Yohana 19:7

Nao hawa wantu wamwamba, “Swiswi huna *Sharia iyonakwamba, muntu akimukufuru Muungu ni had̯i ayagwe. Na huyu kakukufuruni, koro kakudzihanani kwamba jeje ni Mwana jwa Muungu.”

Yohana 20:28

Nae Tomasi kamwamba, “Wewe u Ḅwana jwangu na Muungu jwangu!”

Yohana 20:31

Ela haya yorejweyo, yoregwa ili mupate kuhikiza kwamba Yesu ni Mwana jwa Muungu na ndiye huyu *Masiya. Yoregwa ili kwamba, kwa kumuhikiza jeje muweze kuwa na maisha ya kuunga na yuungo.

Yohana 3:16

Koro Muungu kajutsaka lumwengu hat̯a kamuyavya Mwanawe madiani, ili kula amuhikiziye atsekwaara, ela awe na maisha ya kuunga na yuungo.

Yohana 6:69

Swiswi humanya na huhikiza ya kwamba wewe ndiwe huyu Mutsanwa jwa Muungu.”

Yohana 8:58

Nae Yesu kawambukuya kawamba, “Hachi nyakumwambiani, hangu Iburahimu nkadzavyajwa mimi niiwapfo!”

Mahendo 15:22

D̯ubva, hawa ntumi na wazee, pfamodza na tsanganiko ḍyonse, wahuna kutsana wantu kahi yao wa kuwahuma Antiokia pfamodza na Paulo na Baranaba. Ndookomu wamutsana Sila na Yud̯a ahanijwe Barisaba. Hawa wantu wowii wewa wayongozi kahi ya hawa wandugu.

Mahendo 16:1

Paulo kenda Dabe makisa kenda Lusitira, kwikokukikaa mwanafund̯i ahanijwe Timoteo. Ewa mwana jwa muke Muyahud̯i muhikiza, kenge ise ewa Muyunani.

Mahendo 18:5

Sila na Timoteo wepfokudza kuyawa Makedonia, d̯ubva Paulo kagija kazi ya kusumwiiya chuuwo t̯u, akiwayanga hawa Wayahud̯i ya kwamba Yesu ndiye huyu *Masiya.

Mahendo 8:36

Wepfokuwa charoni amaale, wenda wakumpwiiya pfantu pfepfo na kibwola cha madzi. Na huyuḍe mukuu kamba, “Hayano madzi. Ni kintu ga cha kunit̯iidhya nitset̯opyegwa?”

Mahendo 9:20

Nkakukawa, kaḍabva kusumwiiya masunagogini akyamba, “Yesu ni Mwana jwa Muungu.”

2 Wakorint̯o 1:1

Mimi Paulo, *ntumi jwa *Kirist̯o Yesu kwa miro ya Muungu, pfamodza na ndugu yehu Timoteo, hwakworani kwenu nywinywi tsanganiko ḍya Muungu ḍiiḍyo Korint̯o na kwa wantu wonse wa Muungu weo ḍyimbo ḍya Akaya.

1 Watesalonike 1:1

Mimi Paulo, pfamodza na Sila na Timoteo, hwakumworeani nywinywi wantu wa tsanganiko ḍya Muungu Baba na Ḅwana jwehu Yesu *Kirist̯o, ḍiḍyo Tesalonike. Hwakumuyombeani Muungu amuvodhye na kumumpa naghea nto.

2 Watesalonike 1:1

Mimi Paulo, pfamodza na Sila na Timoteo, hwakumworeani nywinywi wantu wa tsanganiko ḍya Muungu Baba na Ḅwana jwehu Yesu *Kirist̯o, ḍiḍyo Tesalonike.

1 Timoteo 3:16

Na ya kwamba hi ngadzi ye faro yehu ni nkuu, hayo hayo ntaya kajela. Kirist̯o kadza lumwenguni dza mwanaad̯amu, na kayanganywa ni huyu Ruhu kwamba ni muhachi. Kaonegwa ni malaika, na nsumwiizi dzuuye zisumwiijwa kwa vyeet̯i vingine vyonse. Kahikizwa ni wantu wa lumwengu yuzima, na kahwajwa kwenda kwa Muungu mbinguni dzuu.

Waeburania 1:11

Vyonse ntavikudzawapfo kawii. Koro vidzaḅaika-ḅaika dza vit̯ani. Ela wewe unawapfo maishi na maishi.

Waeburania 13:8

Koro Yesu *Kirist̯o nkadzaperuka. Ni yuyuḍe jwa dzana, yeo, na hat̯a pfasipfosia.

1 Pet̯ero 5:12

Nyakumworeani hi hii ḅaruwa mfufi kwa ugijo wa Sila, nimuserefat̯ie dza ndugu. Nyakumworeani kumungiza mojo na nikishuhuḍia kwamba haya ndiyo matsako ya ḍugha ya Muungu. D̯ubva yagijeni na nguvu.

2 Pet̯ero 1:17

Koro saa ya Muungu Baba jwehu epfomuhendeza Yesu ayangae na marembo na akimuyanganya kwamba ni mukuu, swiswi wenye hwiiwa pfamodza nae hapfaḍe dzuu ya hu murima mudheru. Husikia idzwi kuu kuyawa mbinguni ḍikyamba, “Huyu ni Mwanangu mutsakwa, nitsakizijwee nae muno.”

1 Yohana 1:3

Na haya huoneyeyo na kusikia, hwakuyamusumwiiyani nanywi. Hwakuyamusumwiiyani mupate kuwa wamodza naswi hariani mwa Baba na Mwanawe Yesu *Kirist̯o.

1 Yohana 5:20

Na pia humanya ya kwamba huyu Mwana jwa Muungu kadza, na kahupfa kuimuka hupate kumumanya huyu Muungu jwa ḍugha. Naswi hwakuishini kuzimuni mwa huyu Muungu jwa ḍugha, koro hwaa kuzimuni mwa huyu Mwanawe, Yesu Kirist̯o. Na huyu ndiye huyu Muungu jwa ḍugha na ndiye eye na haya maisha ya kuunga na yuungo.

2 Yohana 1:9

Yuḍejwonse eyenayawa nze ya mayongweezo ya Kirist̯o, akavuka mimpaka, huyo nka haria na Muungu. Ela yuḍejwonse eyenakaa kuzimuni mwa haya mayongweezo, ana haria na huyu Baba na huyu Mwana.

Upfenuo wa Yohana 1:11

Hi saut̯i inyamba, “Haya wiyokuyaonani, yore uyapfiike kwa haya matsanganiko mafungahe yeyo ḍyimbo ḍya Asia. Yapfiike kwa tsanganiko ḍya Efeso, Simirina, Pagamo, Thiatira, Saridi, Filadelifia na Laodekia.”

Upfenuo wa Yohana 1:17

Mimi nipfomuona, nimugwiya maguuni pfakwe, na nikaa dza muntu afwiye. Ela jeje kaniweka mukono wakwe wa kuyume na kanyamba, “Nkudzoshooge! Mimi ndimi ḍabvu na mwiso.

Upfenuo wa Yohana 1:8

Ḅwana Muungu mwenye nguvu zonse, jeje eyekuwapfo, eyepfo na adzeyekudza, kamba, “Mimi ndimi Ḍabvu na Mwiso. Ndimi niyenaḍabvisa mambo yonse na ndimi niyenayesa.”

Upfenuo wa Yohana 2:18

Kisa huyu eyekuwa dza Mwana jwa Ad̯amu kanyamba, “Kwa huyu malaika jwa tsanganiko ḍya Thiatira, mworeye umwambe, ‘Huyu Mwana jwa Muungu, eye na matso yeyo dza maḅiliḅili ya moho na eye na maguu yeyonangara dza shaḅa ikolejweyo, kamba hivi: