2 Wakorint̯o 1:17 - Pokomo

¹⁷ Nipfoiperuya ai mipango yangu, muniona dza muntu jwa mbiimbii? Ambu ai mipango yangu, naihenda dza muntu asiye musumamo jwa kwamba iyo saa nakwamba, “Ndivyo,” na iyo saa nikamba, “Sivyo?”

2 Wakorint̯o 1:17 ပူးပေါင်းရင်းမြစ်များ

Matayo 1:19

Na kwa kwamba Yusufu muumewe Maria ewa ni muntu atsakiye kuhenda yeyo ya hachi, nkakutsaka kumuajaisa Maria. Ndookomu kahuna kumuyatsa na siri.

Matayo 5:37

Kenge ukwakuwekani ahad̯i, nena t̯u kwamba, ‘Ee navihenda,’ ambu wambe, ‘Moro sivihende,’ hiyo it̯osa. Ela kiḍechonse zaid̯i ya hapfo kinawa kwamba kiyawa kwa Muzuka Shaat̯ani.”

Yohana 8:15

Nywinywi munayayowa mambo kiwanaad̯amu na mukadzinihukumia ḅasi. Ela mimi sikudzia kuhukumu muntu.

2 Wakorint̯o 1:12

Hwichonadziona nacho na hwicho na uhakika nacho ni kwamba, maisha yehu humu lumwenguni na uhusiano wehu nanywi, wiwa mbwa kuhikizika na wa kwambiana dza vya Muungu evyonatsaka. Hivi hivi huvihenda kwa nguvu za matsako ya Muungu, na wala si kwa mvidhyo ya kibenaad̯amu.

2 Wakorint̯o 11:18

Ela kwa dzambo kuna wenji weonadziona na mambo ya kilumwengu, nami pia nahenda dze vyao.

Wagalatia 1:16

kumunipfenwiiya huyu Mwanawe ili nipate kusumwiiya haya *Maagu Mema dzuuye, kwa wantu wa vyeet̯i. Akimamunipfenwiiya Mwanawe akisa, sikulacha maghaghisa ya mwanaad̯amu yuḍejwonse,

Wagalatia 2:2

Nyenda kwa dzambo ḍya kwamba Muungu ewa kayanga kwamba nyende. Na nipfokwenda, niwaimusya hawa wayongozi wamanyikaniyeo t̯u hi Injili niyonasumwiiya kwa wantu wa vyeet̯i. Nihenda hivi ili kwamba haya niyokuhendani na hayaḍe niyohenda, yatsekudzatsovyegwa maana.

1 Watesalonike 2:18

Hwiiwa na hamu muno ya kuuja huko kwenu kawii. Mimi Paulo mwenye, niḍema kudza zaid̯i ya mweedha mumodza, ela Shaat̯ani kavihendeza vyumu kwehu kudza.

Yakobo 5:12

Ela zaid̯i ya vyonse wandugu zangu, mukwakunenani namutseyapfa kwa sari ḍya Muungu, kwa kulamba mutsanga ambu kwa njia ingine iḍeyonse. Mukyamba, “Ndivyo,” naiwe ndivyo, na mukyamba, “Sivyo,” naiwe sivyo, ili mutsekudzahukumigwa.