2 Timoteo 4:18 - Pokomo

¹⁸ Ḅwana ananipfonya na mazuka yonse, na ananipfiika salama kwa uhaju wakwe wa mbinguni. Ḅwana ashad̯we maishi na maishi! Amina.

2 Timoteo 4:18 ပူးပေါင်းရင်းမြစ်များ

Matayo 13:43

Na hawaḍe weo wahachi, wadzayangaa dza hiḍi dzuwa Uhajuni mwa Baba jwao jwa yuwinguni. D̯ubva huyuḍe awee na masikio nasikiye!”

Matayo 25:34

Makisa kadzanena na hawaḍe weo mukono wakwe wa kuyume kadzawamba, ‘Nywinywi muvodhyejweo ni Baba jwangu, nzoni. Nzoni munjie Uhajuni mwa Muungu muuelekanyizijweo hangu kuumbwa kwa lumwengu.

Matayo 6:13

Nkudzohuyehe pfantu pfa kuḍemwa, ela uhupfonye mazukani. [Koro Uhaju mbwako, na nguvu na marembo, hat̯a pfasipfosia. Amina.’]”

Luka 11:4

Uhuyatsiye nabvise zehu, dzevi hwivyonawayatsiya watsovi wehu. Na nkudzohuyehe pfantu pfa kuḍemwa.’ ”

Luka 12:32

Nywinywi kit̯aro changu kiḍoḍo, namutseshooga, koro ni tsekea ya Baba jwenu kumumpa nywinywi uhajuwe.

Luka 22:29

D̯ubva dza vya Baba animpiyevyo uwezo wa kut̯awala, ndivyo nidzevyomuhendea nanywi.

Yohana 17:15

Mimi sikwakuyombani kwamba uwanuye lumwenguni, ela nyakukuyombani uwachinge na Muzuka Shaat̯ani.

Warumi 11:36

Koro Muungu ndiye aumbiye kula kintu, na ndiye eyenahendeza kula kintu kiwepfo. Na vyonse kaviumba kwa dzambo ḍyakwe. Ndookomu anamala kushad̯wa hat̯a pfasipfosia! Amina.

Warumi 16:27

Ndookomu nahumushad̯eni Muungu koro ndiye Muungu jeje heket̯u. Na ndiye amanyiye kula chicho cha sawa cha kuhenda. D̯ubva kwa dzambo ḍya hivi vya Yesu Kirist̯o ahuhendeeyevyo, hunamala kumushad̯a Muungu maishi na maishi! Amina.

1 Wakorint̯o 1:21

Koro Muungu, kwa mupangowe mwenye, kavihendeza vitsewezakana kwa wantu kumumanya kwa njia ya mvidhyo yao ya kilumwengu. Ishinu, Muungu kahuna kuwapfonya hawaḍe weonahikiza, kwa njia ya haya maagu hwiyonasumwiiya, ya wangine weyonakwamba nza uḍyura.

1 Wakorint̯o 10:13

Haya maḍemo mwiyonapata ni haya yeyonakudzia kula muntu. Ela Muungu ni muhikizika, na nkamuyatse muḍemegwe kuchia chima. Koro mwipfonaḍemegwa, jeje anamuyanga vya kuhenda ili mutsekudzagiswa ni haya maḍemo.

1 Wakorint̯o 15:50

Wandugu, nichokunenani ni kwamba, kiumbijwecho na mwazi na nyama ntakiwezi kuunjia uhaju wa Muungu, na chichonafwa ntakiwezi kuwa na hali ya kutsaafwa.

2 Wakorint̯o 1:10

Kahupfonya na d̯ina za kuhuhwaa ruhu, na hudzikwat̯ya kwamba na huko usoni pia kadzahupfonya. Madzikwat̯yo yehu kwakwe ni kwamba anagija kuhupfonya,

Wagalatia 1:5

Muungu ashad̯we maishi na maishi! Amina.

1 Watesalonike 5:23

Nyakumuyombani Muungu, eyenahupfa naghea, amudherese muwe wadheru kaḅisa! Jeje namuweke maisha yenu yonse, ya mwii na ruhu, yatseewa na t̯amba zuka ḍiḍeḍyonse, hat̯a nsiku ya Ḅwana jwehu Yesu Kirist̯o adzepfouja mweedha wa pfii.

2 Watesalonike 3:3

Ela Ḅwana jeje ni muhikizika. Anamungiza nguvu na kumuchinga na mazuka ya Shaat̯ani.

1 Timoteo 1:17

Huyu Haju eyenat̯awala maishi na kuunga na yuungo, asiyeonekana, na eye Muungu jeje heket̯u, hunamumpa shad̯u na hila maishi na maishi! Amina.

1 Timoteo 6:16

Jeje heket̯u ndiye eyenaishi maishi. Anaishi kwiko muyanga usioweza kufikika hafufi. Ntaku muntu amuoneye wala adzeyeweza kumuona. Jeje napfegwe shad̯u na agije kut̯awala hat̯a pfasipfosia! Amina.

2 Timoteo 1:12

Ndiyo maana niyokukuntani d̯ina dzevihivi. Ela sidzafwa mojo, koro huyu nimuhikiziye nimumanya ya kwamba ni ga. Nina uhakika wa kwamba, ana uwezo wa kuyamia haya animpiyeyo, mumpaka nsiku ya mwiso.

2 Timoteo 4:1

Kwa dzambo ḍya kudza kwa *Kirist̯o Yesu dza haju, nyakukuamuruni usoni kwa Muungu na kwa Yesu Kirist̯o, adzeewahukumu weo mojo na wafwiyeo:

Waeburania 11:16

Ela hivi viivyo ni kwamba, wekit̯amani nsi iyo nyema zaid̯i, yani nsi ya mbinguni. Na Muungu nkaone viwi wakimuhana Muungu jwao, koro kesakuwambakia mudzi wao wa kukaa.

Waeburania 12:22

Ela nywinywi muudzia Murima wa Sayuni, kwiko mudzi wa Muungu eye mojo. Yani, muidzia Yerusalemi ya mbinguni, kwiko maelefu na maelefu ya malaika.

Waeburania 13:21

Nyakumuyombeani kwamba, huyu Muungu eyenangiza naghea, amumpe kula kintu chema mwicho na t̯uri nacho mupate kuhenda miroye. Na nyakuyombani kwamba, kuchiiya na kwa Yesu Kirist̯o, Muungu ahende hayaḍe yeyonamutsakiza kuzimuni mwehu. Na Yesu ashad̯we maishi na maishi, Amina.

Yakobo 2:5

Wandugu zangu watsakwa, nisikiiyani! Muungu katsana hawa weonahwajwa kuwa wantu makowesa wa huju lumwengu na kawahendeza kuwa majabva ya faro. Na ndiwo wadzeouḍala uhajuwe aahid̯iiyeo hawaḍe wonse wamutsakiyeo.

1 Pet̯ero 1:5

Kwa dzambo ḍya kumuserefat̯a kwenu, Muungu kakumwamiani na uwezowe, hat̯a saa kudzepfokudza hu mupfonyo wiwo hafufi kuyanganywa kwenu ngera za mwiso.

1 Pet̯ero 5:11

Muungu ndiye mwenye uwezo wonse, sasa na hat̯a pfasipfosia. Amina.

2 Pet̯ero 1:11

Ndookomu nanywi mudzapfokejwa urembo, muunjie hu uhaju wa kuunga na yuungo, wa Ḅwana na mupfonya jwehu Yesu Kirist̯o.

2 Pet̯ero 3:18

Ela gijani kudzikwat̯ya t̯ei ya Ḅwana na mupfonya jwehu Yesu *Kirist̯o na mugije kumumanya jeje zaid̯i na zaid̯i. Ḅwana napfegwe shad̯u hangu hi hii saasambi, na hat̯a pfasipfosia. Amina.

Yud̯a 1:1

Mimi Yud̯a ndugujwe Yakobo, niye muhumisi jwa Yesu *Kirist̯o, nyakumworeani nywinywi nyonse muhanijweo ni Muungu Baba muwe wantuwe. Jeje kamutsaka muno na mwakwamijwani ni Yesu Kirist̯o.