2 Timoteo 3:6 - Pokomo

⁶ Wangine wao wanadzingiza madzumbani mwa wantu, wakaheka akili za wake wasio musumamo, wazihopfejweo ni mpuha ya nabvise zao na wakit̯awaligwa ni kula aina ya t̯amaa.

2 Timoteo 3:6 ပူးပေါင်းရင်းမြစ်များ

Matayo 11:28

Yesu kagija kunena kamba, “Nzoni kwangu nywinywi nyonse mwiwokuhangaikani na muzihopfejweo ni mizigo, nami namumpa kusoha.

Matayo 23:13

Ela nywinywi Mafarisayo na waalimu wa Sharia mudzawa na d̯ina iyodze na umbiimbii wenu! Nywinywi kuunjia Uhaju wa Mbinguni ntamu haḍya, na hawaḍe weokutsakani kuunjia nao pia mwakuwafungiyani watseunjia!

Matayo 4:24

D̯ubva kula pfantu, wantu waḍabva kunena wemawe, na shad̯umeaye ifika hat̯a ḍyimbo ḍya Siria. Wantu wamuyehea wajwazi weokuwa na nd̯wari za kula namuna. Hangu wantu weokuwa na mpepfo nzuka, weokuwa na vifofo, na hat̯a weohinamfa, wonse wayehegwa kwa Yesu awapfonye, nae kawapfonya wonse.

Marko 4:19

ela mirumiru za huju lumwengu na makulekule ya ujabva na t̯amaa nyinji, zinawalinga na kukishumpanya hichi chuuwo. Ndookomu hichi chuuwo ntakivyae matunda yaḍeyonse maishani mwao.

1 Wakorint̯o 12:2

Mumanya ya kwamba mwipfokuwa walumwengu mwikit̯awaligwa ni miungu ifwiyeyo iyoikimwaarya kut̯wa.

1 Timoteo 5:6

Ela muke muchiwa adzingizie maisha ya kudzitsekeza, huyo kesakufwa, hat̯a ingawa kakuishini.

1 Timoteo 6:9

Ela wantu weokutsakani kuwa majabva, wananjia maḍemoni, Shaat̯ani akawagiza. Anawagiza na hamu nyinji na nyinji nzuka nzuka na za uḍyura, zizonawangiza mananzini na kunangwani-nangwani.

Tito 1:11

Ni had̯i wanyamazwe, kwa kwamba wakunangani faro za madzumba mazima mazima, kwa kuyongweeza haya mayongweezo ya nsuwe yasiyomala kuyongweezwa. Huju huju yutswa wakujuhendani kudzilachia fwedha.

Tito 3:3

Koro swiswi wenye d̯ura hwiiwa wantu maḍyura, husiwomut̯ii Muungu na hwaariyeo. Hwiiwa wahumwa wa t̯amaa zehu za kudzitsekeza na wahumwa wa kula aina ya raha. Maisha yehu yonse yasiiya mazukani na kufwiyanani ḍea; wantu wehukeva naswi hwiiwakeva.

2 Pet̯ero 2:18

Humu manwani mwao, vyuuwo vya kudziona na visivyo maana vinawamba bvaa! Wanakaa na kuwagisa nabviseni hawa wahikiza wanana kwa kuwayongweeza kwamba wakikaa na kudzit̯oseza hizi t̯amaa zao za kimwii.

2 Pet̯ero 3:17

D̯ubva wandugu zangu, kwa dzambo ḍya kwamba haya haya mambo mumayamanya na mapfema, ḅasi chimizani muno ili kwamba haya matsowa ya hawa wantu wazuka weyonahenda, yatsekudzamwaarya yamugise nanywi pia.

Yud̯a 1:16

Hawa hawa waalimu wa nsuwe ao meshi kazi yao ni kuḅuguma-ḅuguma na kualat̯a wantu wangine. Wanakaa na kuuḅa hizi t̯amaa zao nzuka nzuka na kudziona kwinji, na wakashad̯a wantu ili waweze kuonegwa wema.

Yud̯a 1:18

Wamwamba, “Ngera za mwiso kudzawa na wantu weo na baladha weonat̯awaligwa ni t̯amaa zao nzuka nzuka pfasipfo hat̯a kumushooga Muungu.”

Yud̯a 1:4

Nyakunenani hivi kwa kwamba kuna wantu wangine wasiomumanya Muungu wadzinyeezeyeo-nyeezeyeo wakinjia kahi yenu. Hawa hawa wantu wakuyongweezani kwamba, at̯i hunaweza kugija kuishi maisha ya kuuḅa t̯amaa nzuka nzuka za kimwii koro Muungu anahufwiya t̯ei. Hukumu ya hawa hawa wantu iyavigwa hangu kae na kae, koro wamukana huyu Ḅwana jeje heket̯u hwiyenae, yani Yesu Kirist̯o.