2 Timoteo 3:11 - Pokomo

¹¹ Kumanya namuna nionesejwevyo tsungu na kukuntiswa d̯ina nipfokuwa Antiokia, Ikonio na Lusitira. Yewa mad̯ina mazuka muno niit̯isiyeyo! Ela Ḅwana kaniyavyanya na haya haya mad̯ina yonse.

2 Timoteo 3:11 ပူးပေါင်းရင်းမြစ်များ

Mahendo 13:14

Ae Baranaba na Paulo wanuka na Paga na wenda mudzi wa Antiokia wiwo Pisidia. Nsiku ya *Sabato, wenda wanjia *sunagogini wakaa chihako.

Mahendo 13:45

Kenge hawa Wayahud̯i wepfokiona hichi kit̯aro cha hawa wantu, wanjijwa ni wivu. Wamushindana na kumutsola Paulo.

Mahendo 14:8

Kwiwa muntu kihewi eyeakikaa Lusitira. Maguuye yemuhinamfa hangu kuvyajwani kwakwe na nkeweza kwenenda.

Mahendo 20:19

Nikimuhumikia Ḅwana na ununu, na nipfonikihenda kazi yangu dza muhumisi jwa Ḅwana nikihendezwa nikaiya. Niikunta d̯ina kwa dzambo ḍya njama nzuka za Wayahud̯i wangine wahendeyezo.

Mahendo 23:10

Huku kuheha kuhenda kukali hat̯a huyu mura kanjia oga wa kwamba Paulo andehararujwa na kahi. Ndookomu kawaamuru hawa asikariwe wende wakamuhwae na nguvu Paulo na humuḍe kit̯aroni na wanjie nae humu nkambini.

Mahendo 26:17

Nidzakupfonya na hawa wantu wa Isiraeli na wantu wa vyeet̯i vingine, nidzeokuhuma kwao.

Mahendo 26:22

Kenge Muungu kanigija hat̯a hiḍi hiḍi yeo, ndookomu nami nisumama hapfa, kuyavya ushaahiḍi wangu kwa wantu wonse, kwa hangu wantu wakuu hat̯a waḍoḍo. Haya niyokunenani ni yayaḍe ya Musa na manabii waneneyeyo kwamba nzakudzahendeka:

Mahendo 9:16

Na mimi mwenye namuyanga menji yadzeyomumala kukuntiswa d̯ina kwa dzambo ḍyangu.”

Warumi 15:31

Niyombeani kwamba Muungu anipfonye kuyawana na hawa Wayahud̯i wa ḍyimbo ḍya Yud̯aya wasiotsaka kut̯ii, ili watseweza kunihenda dzambo zuka ḍiḍeḍyonse. Na pia niyombeani kwamba hawa wantu wa Muungu weo Yerusalemi waweze kuukuḅali hu ugijo niokuwapfiikiani.

2 Wakorint̯o 1:5

Swiswi hwakukuntani d̯ina dza vya Kirist̯o akuntiyevyo d̯ina nyinji na nyinji. Na dza vya Kirist̯o aingamazijwevyo, naswi kwa njia ya Kirist̯o hunaingamazwa ni Muungu.

2 Wakorint̯o 1:7

Madzikwat̯yo yehu kwenu ni makuu, ntayasukusike. Koro humanya ya kwamba, hivi mukuntiyevyo d̯ina dza hivi vyehu, ndivyo mudzevyoingamazwa dzaswi.

2 Wakorint̯o 12:10

Ndookomu natsekea kukunta d̯ina kwa dzambo ḍya Kirist̯o. Sione viwi nikiwa mudhaifu ambu nikihendejwa mazuka, ninkiwa na t̯uri ambu nikiteswa na kukuntiswa d̯ina. Koro nipfonasiijwa ni nguvu zangu ndipfo nipfonapata nguvu za Kirist̯o.

2 Timoteo 4:7

Dza vya muntu jwa mbio, nihenda kula niwezeyecho na hizi mbio nizid̯arama nizisa, na faro yangu sikuiyekeza.

2 Pet̯ero 2:9

D̯ubva haya yonse yanahuyanga namuna ya Muungu amanyiyevyo kuwayavya mad̯inani hawaḍe weonamuhila. Na pia kamanya namuna ya kuwaadhiḅu wantu wazuka, hali wakwakuindiiyani hi nsiku halisi ya hukumu.