2 Timoteo 2:24 - Pokomo

²⁴ Na muhumisi jwa Ḅwana ni kutsaawa muntu jwa kuheha. Ni had̯i awe mumpowe kwa wantu wonse, na awe mwaalimu mwema na eyenait̯isa.

2 Timoteo 2:24 ပူးပေါင်းရင်းမြစ်များ

Matayo 12:19

Jeje nkakwakudzaḍaat̯iana na muntu, wala kuḅaa madzwi ambu kusikijwa akinena wekeani.

Yohana 6:52

Hawa wantu kudzasikia hivi vya Yesu aneneyevyo, waḍabva kuḍaat̯iana na ngoro wakyamba, “Ayu muntu ayu, anawezadze kwamba anahupfa hu mwiiwe huuḍye?”

Mahendo 15:2

Paulo na Baranaba waḍaat̯iana nao vyumuni dzuu ya hiḍi dzambo. Ndookomu ihunikana kwamba Paulo na Baranaba pfamodza na wantu wangine wa hiḍi tsanganiko ḍya Antiokia, wende Yerusalemi wakaḍikaiye chihako hiḍi dzambo na hawa *ntumi na wazee.

Mahendo 23:9

Kuholoka chara nkuu, na wangine wa hawa waalimu wa Sharia weokuwa kit̯aro cha Mafarisayo wasumama na wapfinga na nguvu, wamba, “Swiswi ntahukwakuonani tsowa ḍiḍeḍyonse ḍya huyu muntu ahendeyeḍyo! Pfangine kuna ruhu ambu malaika aneneye nae ḍugha!”

Mahendo 7:26

Chamukoche kaona Waisiraeli wawii wakiwa kujwanani, na kaḍema kuwakanya, kawamba, ‘T̯asikiani, ntamukwaa wantu wamodza? Munajwana nywinywi na nywinywi muna?’

2 Wakorint̯o 10:1

Wangine wenu wanakwamba, mimi nipfonawa pfamodza nanywi ni mupfoozi mupfoozi, ela nipfonawa kuye nanywi nahenda mukali. Ela mimi Paulo, nyakunenani nanywi na umpowe na wema dza huḍe wa *Kirist̯o eokuwa nao.

2 Wakorint̯o 10:4

Na hivi vyeera hwivyokujwaniani hivi viha vyehu si vyeera vya kilumwengu, ni vyeera vivyo na nguvu za Muungu, hwizonavunzia-vunzia nkambi za muzuka. Hunananga-nanga kula yuḍaat̯o jwa nsuwe

2 Wakorint̯o 6:4

Ishinu, hunayanga kwamba hu wahumisi wa Muungu kwa kula kintu hwichonahenda. Hunait̯isa muno hukwakukuntiswani d̯ina, hunait̯isa kwa maisha momu momu na kwa kula aina ya d̯ina.

Wagalatia 5:22

Ela huyu Ruhu anavyaza myojoni mwa wantu haya mambo haya: matsako, tsekea, naghea, kuit̯isa, ubalicha, wema, kuhikizika,

Waefeso 4:2

Nywinywi meshi wani wantu wa kutsadziona na muwe wampowe kwa wangine. Wani wantu wa kuit̯isa, na yanganani matsako kwa kutsadhimwana.

Wafilipi 2:14

Hendani kula kintu pfasipfo kuḅuguma wala kushindana

Wafilipi 2:3

Namutsehenda dzambo ḍiḍeḍyonse na umimi ambu kwa kulacha kudziona. Ela wani na myojo ya umpowe, mukiwahwaa wangine kuwa ḅora zaid̯i kumuchia nywinywi wenye.

Wakolosai 3:13

Namutsedhimwa kuit̯isia wenzenu. Wani wantu wa kuyatsiana dza vya Ḅwana amuyatsiiyevyo nywinywi.

1 Watesalonike 2:7

Gula, kwa dzambo ḍya kwamba hu *ntumi wa Kirist̯o, t̯ambere hutsakiye kudziyanga mamulaka hwiyonayo kwenu, hundevihenda. Ela hwipfokudza kwenu, humuhwaa na umpowe dza hiviḍe vya muke evyonakwamusa na kut̯unza wanawe.

1 Timoteo 6:11

Ela wewe Timoteo, wiye muntu jwa Muungu, dzit̯anye na hayo hayo mambo yonse. Jwania kuwa muntu jwa kuhenda miro ya Muungu. Jwania kuwa muntu mudheru, muntu jwa faro, muntu jwa matsako, muntu jwa kuit̯isa, na muntu mumpowe.

Tito 1:1

Mimi Paulo, muhumisi jwa Muungu na *ntumi jwa Yesu *Kirist̯o, nyakukworeani wewe Tito. Nihumigwa niwambake faroni watsanwa wa Muungu na niwayongoze kuimanya hi hachi iyonayongweezwa ni ḍini yehu.

Tito 1:7

Na kwa kwamba muyongozi jwa tsanganiko ni muntu jwa kusumamia kazi ya Muungu, nka ruhusa ya kuwa na t̯amba zuka. Na ni had̯i atseewa muntu jwa kudziona, atseewa muntu jwa ngoro za mpuyani, atseewa muntu jwa kuruma, atseewa muntu mundwani ambu muntu muhamile jwa kudzilachia fwedha.

Tito 1:9

Ni had̯i akigije gu hichi chuuwo chichonahikizika dza viviḍe chivyoyongweezwa. Na kwehii namuna anawangiza mojo na wantu wangine kwa haya mayongweezo ya hachi na kuwakanyera hawaḍe weokuyapfingani haya mayongweezo.

Tito 3:2

Nawatsekaiya nyano na kuwa wantu wasio na naghea, ela nawawe wantu wa kusikiana, na meshi wawe wampowe kwa kula muntu.

Yakobo 1:1

Mimi Yakobo, niiye muhumisi jwa Muungu na jwa Ḅwana Yesu *Kirist̯o, nyakumworeani nywinywi wahikiza mwiwo wa vyeet̯i kumi na viwii vya Wayahud̯i mut̯amisaiyeo nsi garagara. Nyonse nimukedhya nto! Ntamu untu?

Yakobo 3:17

Ela hi mvidhyo iyonayawa kwa Muungu, nguzi d̯ura inamumpa muntu kuishi maisha yasiyo t̯amba zuka ḍiḍeḍyonse. Kisa, inamumpa kutsaka kuishi na wantu na naghea, inamumpa kut̯aria wenziwe na inamumpa mojo wa kusikiiya na kuhwaa vyuuwo vya wangine. Mvidhyo ya Muungu inamumpa muntu kufwia t̯ei wenziwe na kuwahendea mema kut̯wa, na nkawezi kuwa na uḅaguzi wala umbiimbii.

Yakobo 4:2

Munat̯amani musivyokuwa navyo, ela ntamuvipate. Ndookomu mwaa t̯ayari hat̯a kuyaga. Munamiiya mahe vya wantu, ela ntamuvipate. Ndookomu munanjia kutsowanani nywinywi na nywinywi na kujwana. Na maana musiyopata hikiḍe mwichonatsaka, ni kwa kwamba ntamudzakimuyomba Muungu.

1 Pet̯ero 3:8

Mwiso nyakumwambiani nywinywi nyonse mwiwo Wakirist̯o, ikaiyanani urembo, mukifwiyana t̯ei na kutsakana dza ndugu. Wani wampowe kahi yenu nywinywi na nywinywi.

Yud̯a 1:3

Watsakwa, gula ninkitsaka muno kwamba nimworeye dzuu ya hu mupfonyo huupatiyeo hwonse. Ela niona kwamba ni urembo nimworeye kwamba muyaheheye haya *Maagu Mema muyahikiziyeyo. Hi hachi ya haya haya Maagu Mema, Muungu kaiyavya kwa hawaḍe wonse weo wakwe na ntaiperuke meshi.