2 Timoteo 2:18 - Pokomo

¹⁸ Hawa wantu wowii waiyatsa hi njia ya hachi, na wakunangani-nangani faro za hawa wahikiziyeo. Wanayongweeza kwamba, hu ufufuo si dzambo ḍidzeḍyohendeka, ela wanakwamba wisakuhendeka.

2 Timoteo 2:18 ပူးပေါင်းရင်းမြစ်များ

Matayo 15:13

Ela Yesu kawambukuya kawamba, “Kula muhi usiot̯orwa ni Baba jwangu jwa mbinguni udzakujwa na miziye.

Matayo 22:29

Yesu kawambukuya kawamba, “D̯ina yenu ni kwamba nywinywi mwaara kwa dzambo ḍya kwamba ntamuyadzi haya matsoro na wala ntamuyadzi mawezo ya Muungu.

Luka 8:13

Mbeju zigwiyezo maweni ni dza hawaḍe weonakisikiiya chuuwo cha Muungu na wakachipfokea na tsekea. Ela kwa kwamba hichi chuuwo ntachikungora myojoni mwao, wanahikiza kwa mweedha t̯u. Na wakipatwa ni maḍemo, iyo saa wanaziyekeza faro zao.

Mahendo 5:39

Ela ikiwa kwamba ni kazi ya Muungu, ntamut̯oweza kuinanga. Mudzarorot̯a kwamba mwakujwanani na Muungu!” Hi gasa ihwaa haya maghaghisa ya Gamalieli.

1 Wakorint̯o 11:19

Hangu d̯ura, ni had̯i kuwe migawikano kahi yenu, ili hawaḍe wahikiza weo na hachi wapate kuonekana.

1 Wakorint̯o 15:12

Sasa, ikiwa kwamba swiswi hwakusumwiiyani kwamba *Kirist̯o kafufujwa kuyawa kwa wafu, wangine wenu wanakwambadze kwamba wafu ntawakwakudzafufujwa?

Wakolosai 3:1

Kwa kwamba mupfegwa maisha mapfya dza vya *Kirist̯o afufukiyevyo na akiwa na maisha mapfya, jwaniani kudzapata haya mema yeyo mbinguni, hukuḍe kwa Kirist̯o akaiyeko mukono kuyume wa Muungu.

1 Timoteo 1:19

na ugije kumuhikiza Kirist̯o na uwe na mojo wa kukuhambwiiza mema na mazuka. Wantu wangine wayatsa kuuḅa mama zao nyema na wainanga hi faro yao.

1 Timoteo 6:10

Koro tsako ḍya kutsaka fwedha, ndiḍyo sina ḍya kula aina ya mazuka. Wantu wangine wapfajwa ni mwori wa kulacha fwedha mumpaka waiyekeza hi faro yao na mwiso wadzingiza sia ya mojo.

1 Timoteo 6:21

Koro wangine wao wambiyeo wana hu huu umanyi, mwiso waiyekeza hi faro yao. T̯ei ya Muungu naiwe pfamodza nanywi nyonse.

2 Timoteo 2:14

Hawa wantuwo, wakumbusye haya mambo. Wakanye kwa sari ḍya Ḅwana, watsekaiya kuḍaat̯ia vyuuwo. Huko kuḍaat̯iana ntakumusaiḍie yuḍejwonse, ishinu kunananga faro za wantu wadzeovisikia.

Tito 1:11

Ni had̯i wanyamazwe, kwa kwamba wakunangani faro za madzumba mazima mazima, kwa kuyongweeza haya mayongweezo ya nsuwe yasiyomala kuyongweezwa. Huju huju yutswa wakujuhendani kudzilachia fwedha.

Waeburania 3:10

Ndiyo maana niyowarejea hawa wantu nikyamba, ‘Hawa ntawasikiye meshi, na wadziza kuziuḅa hizi amuri zangu.’

Yakobo 5:19

Wandugu zanguni, mumodza jwenu akyaara njia, akiiyatsa hi njia ya hachi, kisa yungine adzeamuudzye njiani,

1 Yohana 2:19

Hawa hawa wantu weonamupfinga Kirist̯o wayawa kahi yehu, ela haswa haswa, ntaweewa wantu wa kit̯aro chehu, na ndiyo maana wayawananiyeo naswi. T̯ambere wandeewa mbwa kit̯aro chehu ntawandeyawana naswi. Ela wayawana naswi kuyanga ya kwamba ntaku hat̯a mumodza jwao eyekuwa jwa kit̯aro chehu.