2 Timoteo 2:16 - Pokomo

¹⁶ Dzit̯anye na vyuuwo visivyo maana, vivyonangiza wantu kuhendani mazuka zaid̯i na zaid̯i.

2 Timoteo 2:16 ပူးပေါင်းရင်းမြစ်များ

1 Wakorint̯o 15:33

Muntu natsemuḍyuurisa, “Kugijana na wantu wazuka kunangiza muntu t̯aḅia nzuka.”

1 Wakorint̯o 5:6

Kudziona kwenu si kwema. Ntamukuumanya au muneno wambiyeo, “Hamira nchuchu inafurisha mukahe muzima.”

1 Timoteo 1:9

Na ni had̯i huimuke ya kwamba, sharia iḍeyonse iyonawekwa, ntaiwekwe kwa dzambo ḍya wantu wahachi hat̯a. Inawekwa kwa dzambo ḍya wavunza sharia na wahenda mazuka, wasiomumanya Muungu, wanabvise wasiokuwa na ḍini, na weo walumwengu. Na pia, inawekwa kwa dzambo ḍya wantu weonayaga wababa zao na wamama zao, na kwa dzambo ḍya wayaji wangine.

1 Timoteo 4:7

Ela nkudzokaiye kusikiiya ngano za nsuwe za kilumwengu. Ishinu dziyongweeze kuishi maisha ya kimuungu.

1 Timoteo 6:20

Timoteo, yat̯unze haya uyapfegejweyo kuyat̯unza. Dzit̯anye na vyuuwo vya kilumwengu na yuḍaat̯o jwa uḍyura, jwa wantu wangine wejonajuhana “umanyi,” kimatsowa.

2 Timoteo 2:14

Hawa wantuwo, wakumbusye haya mambo. Wakanye kwa sari ḍya Ḅwana, watsekaiya kuḍaat̯ia vyuuwo. Huko kuḍaat̯iana ntakumusaiḍie yuḍejwonse, ishinu kunananga faro za wantu wadzeovisikia.

2 Timoteo 2:21

Na muntu akidzidheresa na mazuka yonse, anawa dza kija cha kutumika byeka kwa mambo ya hila. Anatsanigwa ni Muungu na anawa muntu jwa maana kwa Ḅwana, jwa kuhenda kula aina ya kazi nyema.

2 Timoteo 3:13

Ela hawa wantu wazuka na weo na makulekule wanahamat̯a kuwa wazuka, wakikulakula wantu wangine na kukulwakulwa wao wenye.

Tito 1:11

Ni had̯i wanyamazwe, kwa kwamba wakunangani faro za madzumba mazima mazima, kwa kuyongweeza haya mayongweezo ya nsuwe yasiyomala kuyongweezwa. Huju huju yutswa wakujuhendani kudzilachia fwedha.

Tito 1:14

na watsekaiya kusikiiya ngano za nsuwe za Kiyahud̯i na maamuri ya wantu waidziziyeo hi hachi.

Tito 3:9

Ela wewe, dzit̯anye na yuḍaat̯o jwa uḍyura na utsekaiya milongo miyeya miyeya ya masari ya wabibi zenu na wala utsenjia matsowanoni na kuhehani dzuu ya hi *Sharia. Haya ni mambo ya uḍyura na yasiyo maana.

Waeburania 12:15

Manyani muntu atseuja na nyuma aiyekeze hi t̯ei ya Muungu. Na manyani kutsekudzawa muntu eye dza mbeju ya sumu kahi yenu, atsekudzayeha d̯ina na kunanga wangine wenji.

2 Pet̯ero 2:18

Humu manwani mwao, vyuuwo vya kudziona na visivyo maana vinawamba bvaa! Wanakaa na kuwagisa nabviseni hawa wahikiza wanana kwa kuwayongweeza kwamba wakikaa na kudzit̯oseza hizi t̯amaa zao za kimwii.

2 Pet̯ero 2:2

Hat̯a vivyo, wenji wa hawa wantu wahikiziyeo wadzat̯aḅa hi myenendo yao mizuka. Na kwa dzambo ḍya mahendo yao, wantu wadzainenea mazuka hi Njia ya hachi.

Upfenuo wa Yohana 13:14

Na kwa dzambo ḍya haya mamulaka apfegejweyo ya kuhenda mafara ya kumakisa usoni ya huyuḍe binensa jwa d̯ura, huyu huyu binensa jwa pfii kawaarya wantu wonse wa lumwenguni. Kawaamuru kwamba waelekanye sanamu ḍya huyuḍe binensa eyekentwa na mundu akimad̯aiswa vyumuni, ela kisa akitsaafwa.

Upfenuo wa Yohana 13:3

Kisa niona kwamba kitswa kimodza cha huyu huyu binensa kiwa kimad̯aiswa vyumuni, ela hi mad̯a ipfowa! Na kwa dzambo ḍyevihivi, wantu wonse wa lumwengu wanjia kumakani na waḍabva kumuuḅa huyu binensa.