2 Timoteo 1:4 - Pokomo

⁴ Nyakukumbukani mitsozi iyokubiga ḅagwi, hwipfohukiḍamana, nami nyakut̯amanini kukuona muno, nipate kudzajwa ni tsekea.

2 Timoteo 1:4 ပူးပေါင်းရင်းမြစ်များ

Yohana 16:22

Na hat̯a nanywi, hi hii saasambi muna masikit̯iko. Ela nidzamuona kawii na mudzawa na tsekea muno, na wala ntakuwe jwa kuimutsovya hiyo hiyo tsekea.

Yohana 16:24

Mumpaka saambi, ntamudzayomba kiḍechonse kwa sari ḍyangu. Nywinywi yombani, nanywi munapfegwa ili myojo yenu ipate kudzaa tsekea.

Mahendo 20:19

Nikimuhumikia Ḅwana na ununu, na nipfonikihenda kazi yangu dza muhumisi jwa Ḅwana nikihendezwa nikaiya. Niikunta d̯ina kwa dzambo ḍya njama nzuka za Wayahud̯i wangine wahendeyezo.

Mahendo 20:31

Manyani d̯ubva, na mukumbuke kwamba nikimufunda na tsungu mwinji, kula mumodza jwenu, siku na musikahi kwa myaka mihahu.”

Warumi 1:11

Nina hamu ya kuonana nanywi muno ili niweze kudzamumpa mvoni ya kiruhu idzeyokumiiza hizi faro zenu.

Wafilipi 1:8

Hat̯a Muungu mwenye kamanya kwamba nyakunenani hachi, nikyamba nimutsaka na tsako dza hiḍiḍe ḍya Kirist̯o Yesu mwenye.

Wafilipi 2:26

Nyakumuhumani kwenu, kwa dzambo ana hamu muno ya kudzamuona nyonse. Jeje kakuhangaikani kwamba mumupata maagu kwamba ni mujwazi.

1 Watesalonike 2:17

Wandugu zangu, hwipfohendezwa hukit̯ana nanywi na nguvu, hut̯ana hi mii t̯u kwa muḍa, ela mat̯aro yehu yonse yewa yaa kwenu. Mwiihungiza udhuma mukali muuno, naswi huḍema kula njia hudzehumut̯embeeye kawii.

2 Timoteo 4:21

Ḍema kula njia, udze sika asidzaḍabva. Ebulo, Pudeni, Lino, Kilaudia na hawa wandugu wangine wonse, wamukedhya nto.

2 Timoteo 4:9

Ḍema kula udzevyoweza udze huku haraka huonane.

1 Yohana 1:4

Hwakumworeani hivi, ili kwamba mukiviuḅa, myojo yehu inapata kutsaika.

Upfenuo wa Yohana 21:4

Na Muungu anawafuta mitsozi yao yonse. Ntakuwe vifo kawii wala masikit̯iko. Na wala ntakuwe chiiyo kawii ambu tsungu uḍewonse, koro ya kae yesakuchia.”

Upfenuo wa Yohana 7:17

Koro huyu Mwana Mbuzi eyenakaa kahikahi ya hiki kiti cha kihaju, anawa ndiye huyu mut̯unga jwao. Nae anawapfiika kuntu kwa matsana ya madzi ya mutsangani kuzimu yeyonapfa wantu maisha. Nae Muungu anawafuta mitsozi yao yonse.”