1 Yohana 5:8 - Pokomo

⁸ nao ni huyu Ruhu, haya madzi, na hu mwazi. Na wonse wohahu wayanga ushaahiḍi unjiiyananiyeo, kwamba Yesu kadza dza mwanaad̯amu.

1 Yohana 5:8 ပူးပေါင်းရင်းမြစ်များ

Matayo 28:19

D̯ubva endani kwa wantu wa vyeet̯i vyonse mukawahendeze kuwa wanafund̯i wangu, mukiwat̯opya kwa sari ḍya Baba na Mwana na Ruhu Mudheru.

Marko 14:56

Wenji waḍema kuyavya ushaahiḍi wa nsuwe dzuu ya Yesu, ela ushaahiḍi wao ntaukunjiiyana.

Yohana 15:26

Mimi namuyehea Mugijiija kuyawa kwa Baba. Jeje ni huyu Ruhu jwa kumuyanga hi ya hachi dzuu ya Muungu. Na adzepfokudza, kadzamushuhuḍia dzuu yangu.

Yohana 19:34

Ishinu mumodza jwa hawa asikari, kamusimika fumo ḍya mbavu na pfapfo kayawa mwazi na madzi.

Mahendo 15:15

Hivi vyuuwo vya hawa Manabii viingana ḍa na haya. Dza vya matsoro yaneneyevyo yakyamba,

Warumi 8:16

Ndookomu huyu Ruhu jwa Muungu pfamodza na hizi ruhu zehu vyakuyavyani ushaahiḍi kwamba hu wana wa Muungu ḍugha.

2 Wakorint̯o 1:22

na kahungiza gubva ya kuyanga kwamba hu wakwe, na kamuhungiza huyu Ruhu jwakwe myojoni mwehu, dza hakikisho ḍya haya adzeyohuhendea.

Waeburania 13:12

Ndiyo maana Yesu nae, kafwa nze ya hu mudzi apate kuwadheresa wantu nabvise zao kwa mwaziwe mwenye.

Waeburania 6:4

Ntaiwezekane kuwaudzya njiani hawaḍe weoimanya hi hachi kisa wakiiyekeza hi faro yao. Wao weet̯at̯a t̯ubvo ḍya Muungu na kupfokea Ruhu Mudheru pfamodza na wantu wangine.

1 Pet̯ero 3:21

Haya madzi ye zuruwa yayanga mufaano wa kut̯opyegwa kwenu kwa hizi hizi ngera. Kut̯opyegwa si kudheresa nongo ḍya mwii hat̯a; ela ni hukuḍe kuahid̯i na mojo mumodza kudziyavya kwa Muungu. Huku kut̯opyegwa kunamupfonya kuchiiya na kufufuka kwa Yesu Kirist̯o.

1 Yohana 5:9

Ikiwa kwamba ushaahiḍi wa wantu hunauhikiza, ḅasi ushaahiḍi wa Muungu una nguvu zaid̯i. Nao hu ushaahiḍi wakwe ni hu ayaviyeo dzuu ya Mwanawe.