1 Yohana 4:17 - Pokomo

¹⁷ Maana ya matsako ya Muungu kungoreswa kuzimuni mwehu, ni kwamba, hutsekudzawa na oga nsiku ya kuhukumigwa wantu. Na ntahukudzawa na oga kwa kwamba haya maisha yehu humu lumwenguni, yaa dza haya maisha ya Kirist̯o.

1 Yohana 4:17 ပူးပေါင်းရင်းမြစ်များ

Matayo 10:15

Nami hachi nyakumwambiani, nsiku ya hukumu idzepfofika, Muungu anawafwia t̯ei zaid̯i wantu wa midzi ya Sod̯oma na Gomora, kuliko wantu wa huo huo mudzi!”

Matayo 10:25

Si viwi kwa mwanafund̯i kupata hayaḍe yeyonamupata mwaalimuwe. Na pia si viwi kwa muhumwa kupata hayaḍe yeyonamupata huyu ḅwana jwakwe. Koro ikiwa kwamba mimi muyongozi jwenu t̯u wanihana, ‘*Belizebuli,’ ehe fat̯i nywinywi wanafund̯i wangu wadzamumpa masari mazuka yeyodze!

Matayo 11:22

Hachi nyakumwambiani, nsiku ya hukumu idzepfofika, Muungu kadzawafwia t̯ei zaid̯i wantu wa midzi ya Turo na Sidoni kuliko nywinywi!

Matayo 11:24

Ela hachi nyakumwambiani, nsiku ya hukumu idzepfofika, Muungu anawafwia t̯ei zaid̯i wantu wa Sod̯oma kuliko nywinywi!”

Matayo 12:36

Hachi nyakumwambiani, nsiku ya mwiso mudzayavya hesaḅu ya kula chuuwo kisicho maana muneneyecho.

Yohana 15:20

Aviḍe nivyomwambia munavikumbuka? Niwa nimwamba, ‘Muhumwa si mukuu kumuchia huyu ḅwana jwakwe.’ Ikiwa kwamba mimi wanikuntisa d̯ina, ḅasi hat̯a nanywi wanamukuntisa d̯ina. Ela kwa kwamba wangine wao wayagija haya mayongweezo yangu, ḅasi hat̯a haya mayongweezo yenu pia, wangine wao wanayagija.

Yohana 17:22

Haya marembo unimpiyeyo mimi, ndiyo yangu nami niwapfiyeyo wao, ili waweze kuwa kintu kimodza dza hivi vyangu nawe huivyo.

Warumi 8:29

Koro hawaḍe wa Muungu awatsaniyeo iiḍe na iiḍe, pia kawapangia kwamba wawe dza huyu Mwanawe, ili kwamba jeje awe ndiye huyu ndugu yao hangafa.

Waeburania 9:27

Mwanaad̯amu korejwa kufwa mweedha mumodza t̯u, kisa adzeasumame hukumuni.

Yakobo 2:13

Koro muntu asiyekuwa mut̯ei kwa wangine, Muungu nae nkawezi kuwa mut̯ei kwakwe nsiku ya hukumu. Na muntu mut̯ei kwa wangine, nkawezi kuwa na oga wa kuhukumigwa.

Yakobo 2:22

Kwakuonani? Iburahimu ewa kamuserefat̯a Muungu chima cha kwamba, ewa t̯ayari kuhenda kiḍechonse cha Muungu amwambiiyecho. Ndookomu hi faroye ikamilika na haya mahendoye.

2 Pet̯ero 2:9

D̯ubva haya yonse yanahuyanga namuna ya Muungu amanyiyevyo kuwayavya mad̯inani hawaḍe weonamuhila. Na pia kamanya namuna ya kuwaadhiḅu wantu wazuka, hali wakwakuindiiyani hi nsiku halisi ya hukumu.

2 Pet̯ero 3:7

Kwa chicho chuuwo kimodza cha Muungu, hizi mbingu na huju lumwengu jwa yeo vyakuwekwani kudzanangwa na moho nsiku ya hukumu. Judzanangwa pfamodza na wantu wonse wasiomumanya Muungu.

1 Yohana 2:28

Ndivyo, wanangu watsakwa, ikaani kuzimuni mwakwe ili adzepfokudza mupate kuwa na ujangina wa kusumamia usoni yakwe pfasipfo yutswa.

1 Yohana 2:5

Ela yuḍejwonse agijiye chuuwoche, matsako ya Muungu yangora hachi mojoni mwakwe! Na kwe hi njia ndipfo hwipfonamanya kwamba hwakuishini Muunguni.

1 Yohana 2:6

Yuḍejwonse ambiye kakuishini Muunguni, ni had̯i aishi dza viviḍe vya Yesu Kirist̯o aishiyevyo.

1 Yohana 3:1

T̯ayowani namuna ya huyu Baba ahutsakiyevyo! Matsakoye ni makuu hat̯a hunahanwa wana wa Muungu. Na ndivyo, hu wana wa Muungu ḍugha! Hawa walumwengu ntawahuimuke, kwa dzambo ḍya kwamba ntawadzamumanya Muungu.

1 Yohana 3:3

Kula muntu eyekudzikwat̯yani kumuona Kirist̯o, anadziweka udheruni, dza vya Kirist̯o aivyo Mudheru.

1 Yohana 3:7

Wanangu, muntu natsemukulakula! Yuḍejwonse eyenahenda yeyo ya hachi, ni muhachi dza vya Kirist̯o aivyo muhachi.

1 Yohana 4:12

Gula ntaku amuoneye Muungu meshi. Ela hukitsakana swiswi na swiswi, Muungu anawa na haria naswi na wangine wanaona matsakoye kuchiiya na kwehu.