1 Watesalonike 5:12 - Pokomo

¹² Wandugu, hwakumuyombani muwahile hawaḍe weonahenda kazi na hiḍu kahi yenu, weonamusumamia dza wayongozi humu matsanganikoni na kumukanya mutseegwa nabviseni.

1 Watesalonike 5:12 ပူးပေါင်းရင်းမြစ်များ

Luka 10:7

Nyumba iḍeyonse mudzeyosukia, ikaani mumo. Ḍyani na kunwa kiḍechonse mudzechopfegwa. Koro nywinywi mu wahenda kazi wangu, na kula muhenda kazi anamala t̯ubvoḍye. Namutsekwenda na kusama-sama madzumba.

Yohana 4:38

Koro mimi nimuhuma mukavune musipfoima. Wangine wesakuihenda hi kazi na nywinywi mwakuvunani kuyawana na hweka ḍyao.”

Mahendo 20:28

Dzit̯unzeni wenye na kuwat̯unza wahikiza wonse wayatsijweo mikononi mwenu ni Ruhu Mudheru. Wani wat̯ikisa wa tsanganiko ḍya Muungu, aḍidzigwiiyeḍyo kwa mwazi wa Mwanawe.

Mahendo 20:35

Nimuyanga na kula njia, kwamba, kwa kuhenda kazi na hiḍu dza hivi nihendeyevyo, ihumala kuwagija hawa wasiodziweza, hukikumbuka hivi vyuuwo vya Ḅwana Yesu mwenye aneneyevyo akyamba, ‘Kuna tsekea zaid̯i kuyavyani kuliko kupfokeani.’ ”

Warumi 16:12

Niyaviani kedhya zingine kwa Tirofena na Tirofosa. Hawa hawa wake wowii wamuhumikia Ḅwana na hiḍu muno. Nikedhyeani na mutsakwa Perisisi. Nae pia ni muke amuhumikiyee Ḅwana na hiḍu nyinji muno.

Warumi 16:6

Nikedhyeani na Maria, huyu muke ahendeye kazi muno kwa dzambo ḍyenu.

1 Wakorint̯o 12:28

Humu tsanganikoni, Muungu katsana wantu. Wa d̯ura ni hawa *ntumi, wa pfii ni hawa weonasumwiiya Maagu ya Muungu, na wa hahu ni hawa waalimu. Kisa kuna na wahenda mambo ya mafara, wakiuḅwa ni hawaḍe weo na mat̯ola ya kupfoza wajwazi na hawaḍe weonaweza kusaiḍia wasiodziweza. Kisa kuna na hawaḍe weo na mat̯ola ya kusumamia wantu na hawaḍe weonaweza kunena na lugha ngeni.

1 Wakorint̯o 15:10

Ela kwa dzambo ḍya t̯ei ya Muungu anifwiiyeyo, nigala hivi niivyo, na hizi mvonize animpiyezo ntazikwenda ḅasi. Koro nihenda kazi na hiḍu kuchia hawa ntumi wangine wonse. Ela haswa haswa simi niihendeye, ni haya mat̯ola ya Muungu animpiyeyo kuihendea hi kazi.

1 Wakorint̯o 16:16

muwat̯ii wantu dza hawa hawa na yungine yuḍejwonse eyenahenda kazi na kuhumika pfamodza nao.

1 Wakorint̯o 16:18

Wao waniingamaza mojo muno dza hiviḍe wevyomuingamaza nanywi. Wantu dza hawa wanamala kuhilwa.

1 Wakorint̯o 3:9

Koro swiswi hu maḅamu hwiwokumuhumikiani Muungu pfamodza, nanywi ndinywi hi nkonde ya Muungu na mambako ya Muungu.

2 Wakorint̯o 11:23

Wakyamba wao ni wahumisi wa Kirist̯o, mimi ni muhumisi mwema zaid̯i kuwachia wao. Gula nyakunenani dza muntu jwa mat̯are, ela ikiwa kwamba ni kazi nyumu nyumu, nizihenda kuchia chima. Ikiwa kwamba ni kungizwa gerenzani, ningizwa myeedha minji kuchia chima. Ikiwa kwamba ni kubigwa na lucha, nibigwa myeedha minji zaid̯i kuwachia wao. Na ikiwa kwamba ni kusaa kuyagwa, nisaa kuyagwa myeedha minji zaid̯i kuwachia wao.

2 Wakorint̯o 5:9

Ela hwichonaona cha muhimu cha mwiso, ni kwamba, hukiwa nyumbani hapfa hapfa ambu hukuhukuḍe hunatsaka humutsakize jeje.

2 Wakorint̯o 6:1

Swiswi hu wahenda kazi pfamodza na Muungu, ndookomu hwakumuyombani mutseyayatsa haya matsako ya Muungu amuyangiyeyo, yende ḅasi.

Wagalatia 4:11

Vyakunishoogesani kwamba, kazi yonse nihendeyeyo kwa dzambo ḍyenu, itseewa kwamba yenda ḅasi.

Wafilipi 2:16

huku mukikigija gu hichi chuuwo chichonawapfa wantu maisha. Mukihenda dza hivi, ndipfo nami nsiku ya Kirist̯o adzeyokudza nawa na saḅaḅu ya kudzivunia, koro idzayanga tswee kwamba hi kazi nihendeyeyo sikufwa ḅasi.

Wafilipi 2:19

Nyakuyoweeyani kwamba, Ḅwana akitsaka, namuhuma Timoteo kwenu si hat̯a kae ili kwamba niweze kunjia mojo nidzepfopata maagu dzuu yenu.

Wakolosai 1:29

Ndiyo maana hi hii kazi nyakuihendani na hiḍu muno. Nyakujwanani kuihenda na nguvu zangu zonse za Kirist̯o animpiyezo.

1 Watesalonike 2:9

Nywinywi wenye, wandugu, mumanya namuna huhendeyevyo kazi na hiḍu muno! Koro hwipfohukisumwiiya chuuwo cha Muungu kwenu, hufwa kudzihendea kazi siku na musikahi ili hutseewa muzigo kwenu.

1 Watesalonike 4:1

D̯ubva wandugu zangu, zaid̯i ya yonse, hwakumuyombani na kumuriria kwa sari ḍya Ḅwana jwehu Yesu, muishi maisha ya kumutsakiza Muungu dza humuyongweezeyevyo. Gula humanya ya kwamba ndivyo mwivyokuishini, ela hunatsaka mumutsakize Muungu zaid̯i na zaid̯i.

1 Watesalonike 5:14

Wandugu, hwakumuyombani muno muwakanye hawaḍe weonadzikaiya ḅasi, wasiotsaka kuhenda kazi. Wangizeni mojo hawaḍe wafwiyeo mojo, na muwagijiije hawaḍe wasiodzangora faro zao. Na pia wani wampowe kwa wantu wonse.

1 Timoteo 5:1

Nkudzomubuse muntu mukuu, ela nena nae na umpowe dza kwamba kwakunenani na babajo. Hawa wayume waḍoḍo wahwae dza wanduguzo,

1 Timoteo 5:20

Ela hawa wazee weonahenda nabvise, wabuse wekeani tswee, ili hawa wangine nao wanjie oga.

2 Timoteo 2:6

Dza vivyo, muntu jabva jwa kuima ndiye eyenamala kupata haya mavuno ya d̯ura.

Tito 1:3

Muungu mupfonya jwehu kayahuyanga haya haya *Maagu Mema kwa wakati mwema. Kayanimpa haya haya Maagu Mema niyasumwiiye, nami ndivyo nivyokuhendani.

Tito 1:5

Nikuyatsa Kirete upate kuyaelekanya hayaḍe mambo yeyokuwa tsonso na utsane wazee wa matsanganiko kula mudzi. Yaweke akilini haya nikuḍamiyeyo:

Tito 2:15

Haya ndiyo haya mambo wiyonamala kuyongweeza. Na kwa uwezo wako wonse wiwo nao, wafunde na kuwabusa hawa weonakusikiiya. Dziza muntu jwa kukubalifa.

Waeburania 13:17

Wat̯iini wayongozi wenu na muuḅe hivi wevyonamwambia. Wao wakudzitsovyani nsoho kwa dzambo ḍya kumumuud̯amia nywinywi, maanaye ni had̯i wadzewamuyange Muungu hi kazi yao wahendeyeyo. Wat̯iini wapate kuihenda kazi yao na tsekea. Mukitsawat̯ii, kazi yao inawa nyumu na wanaihenda na tsungu, ndookomu hi kazi yao ntaimufaiḍi na kintu.

Waeburania 13:7

Wakumbukeni hawa wayongozi wenu weomusumwiiya chuuwo cha Muungu. Yowani namuna wevyoishi na namuna wadzevyowakifwa, nanywi mut̯aḅe hi faro yao.

Upfenuo wa Yohana 1:20

Na siri ya hiziḍe nyoha mfungahe uoneyezo nikizigija na mukono wangu wa kuyume na hiḍe mihi mifungahe ya dhahaḅu ya kupfatsikia hizi tsaa ni hii: Hizi nyoha zomfungahe ni malaika wa haya matsanganiko mafungahe. Na hi mihi myofungahe ya hizi tsaa, ni haya matsanganiko mafungahe.”

Upfenuo wa Yohana 2:12

Huyu eyekuwa dza Mwana jwa Ad̯amu kagija kunena nami kanyamba, “Kwa huyu malaika jwa tsanganiko ḍya Pagamo, mworeye umwambe, ‘Huyu eye na yupfanga jwijo na makai kuwii, kamba hivi:

Upfenuo wa Yohana 2:18

Kisa huyu eyekuwa dza Mwana jwa Ad̯amu kanyamba, “Kwa huyu malaika jwa tsanganiko ḍya Thiatira, mworeye umwambe, ‘Huyu Mwana jwa Muungu, eye na matso yeyo dza maḅiliḅili ya moho na eye na maguu yeyonangara dza shaḅa ikolejweyo, kamba hivi:

Upfenuo wa Yohana 2:3

Nimanya namuna mwivyokuit̯isani mad̯inani pfasipfo kudhimwa kwa dzambo ḍyangu.

Upfenuo wa Yohana 2:8

Kisa huyu eyekuwa dza Mwana jwa Ad̯amu kanyamba, “Kwa huyu malaika jwa tsanganiko ḍya Simirina, mworeye umwambe, ‘Huyu eye ḍabvu na mwiso, na afwiye kisa akifufuka, kamba hivi:

Upfenuo wa Yohana 3:1

Huyu eyekuwa dza *Mwana jwa Ad̯amu kagija kunena nami kanyamba, “Kwa huyu malaika jwa tsanganiko ḍya Saridi, mworeye umwambe, ‘Huyu eye na hizi ruhu mfungahe za Muungu na hizi nyoha mfungahe, kamba hivi: Mimi nimanya mahendo yenu yonse. Munaonekana dza wantu mwiwo mojo, katsi huku mufwa.

Upfenuo wa Yohana 3:14

Yesu kagija kunena nami kanyamba, “Kwa huyu malaika jwa tsanganiko ḍya Laodekia, mworeye umwambe, ‘Huyu eyenahanwa Amina, eye shaahiḍi muhikizika jwe hachi na ambaye kula kintu kiumbwa kuchiiya na kwakwe, kamba hivi:

Upfenuo wa Yohana 3:7

Kisa huyu eyekuwa dza Mwana jwa Ad̯amu kanyamba, “Kwa huyu malaika jwa tsanganiko ḍya Filadelifia, mworeye umwambe, ‘Huyu eye Mudheru na Muhikizika, eye na yufunguo jwa D̯aud̯i na ambaye kwamba akifunguya muḍyango ntaku eyenaweza kuufunga na akifunga muḍyango ntaku eyenaweza kuufunguya, kamba hivi: