1 Watesalonike 4:4 - Pokomo

⁴ Kula muyume ni had̯i adziyongweeze kudzimiza na t̯amaa za hu mwiiwe, na aishi maisha ya kuhilika na yeyo madheru.

1 Watesalonike 4:4 ပူးပေါင်းရင်းမြစ်များ

Mahendo 9:15

Kenge Ḅwana kamwambia Anania, “Enda t̯u koro nimutsana kwa kazi ya mud̯a, aḍihendeze sari ḍyangu ḍimanyikane kwa wantu wa vyeet̯i na kwa mahaju, na kwa wantu wa Isiraeli.

Warumi 1:24

Ndookomu Muungu kawayatsa nangere wadzihendeye haya mambo yao machafu weyonadzisikia kuhenda. Nao wanakaa na kuhendeana mambo machafu wao na wao.

Warumi 12:1

D̯ubva wandugu zanguni, kwa dzambo ḍya hivi vya Muungu ahufwiiyevyo t̯ei, nyakumuyombani muno kwamba mudziyavye kwakwe kaḅisa kaḅisa. Dziyavyeni kwa Muungu dza mvuugiya nd̯eru iyo mojo na iyonatsakiza usoni kwakwe. Hendani hivi kwa kwamba hi ndiyo njia halisi ya kiruhu ya kumuyomba Muungu.

Warumi 6:19

Nyakumumpani mufaano wa wahumwa na maḅwana zao nangere, kwa dzambo ḍya udhaifu wenu wa kibenaad̯amu. Kae mwiiwa mudziyavya kuwa wahumwa wa mambo machafu na mwikihenda kula aina ya mazuka. Ela sasa dziyavyeni kuwa wahumwa wa kuhenda mambo yeyo ya hachi, ili mugije kuwa wantu wa Muungu ḍugha.

1 Wakorint̯o 6:15

Ntamukumanya hivi hivi kwamba mii yenu ni dza viiriiri vya mwii wa Kirist̯o? D̯ubva, nawezadze kuhwaa kiiriiri cha mwii wa Kirist̯o nikihendeze kiiriiri cha mwii wa shudha? Sivihende meshi!

1 Wakorint̯o 7:2

Ela kwa dzambo ḍya maḍemo yeyonaweza kumungiza uḅarini, kula muyume ni kuwa na mukaziwe mwenye na kula muke ni kuwa na muumewe mwenye.

1 Wakorint̯o 7:9

Ela ikiwa kwamba ntawawezi kudzimiza, d̯ubva ni heri wahwaane. Koro ni heri kuhwaa ambu kuhwajwa kuliko kusia na t̯amaa.

2 Wakorint̯o 4:7

Swiswi hwaa dza nyungu za haka zizonawekwa nkandi ya kiruhu. Hi inayanga kwamba, hizi nguvu nkuu za hi injili ntaziyawe kwehu, zinayawa kwa Muungu.

Wafilipi 4:8

Mwiso wandugu zanguni, ikaani mukit̯aria mambo mema, mambo ya hachi na mambo yasiyohwajwa kuwa mazuka. T̯ariani mambo yeyo ya ḍugha, kuwa na t̯aḅia nyema, mambo ya udheru, mambo ya kutsakiza na mambo yeyo ya hila.

Waeburania 13:4

Ndoa naihilwe ni kula muntu! Ntaku ruhusa ya muke ambu muyume kuyawa nze, maanaye Muungu anawahukumu hawaḍe wonse weo waḅari na wantu wa ranga.

1 Pet̯ero 3:7

Nywinywi wayume nanywi, ikaani na umpowe na wakazenu, mukimanya kwamba wake ni viumbe vidhaifu. Wahileni, koro hi t̯ola ya Muungu ya maisha ya kuunga na yuungo, wanaipfokea pfamodza nanywi. Mukikaa nao dza hivi, ntakuwe na kiḍechonse cha kut̯iidhya mayombo yenu kusikijwa.