1 Watesalonike 4:17 - Pokomo

¹⁷ Makisa naswi hwiwo mojo, husaiyeo, hudzahwajwa mawinguni pfamodza nao, ili humut̯angere Ḅwana hukuḍe dzuu, na ndookomu hunawa pfamodza nae maishi.

1 Watesalonike 4:17 ပူးပေါင်းရင်းမြစ်များ

Matayo 26:64

Yesu kamwambukuya kamwamba, “Kuvinena wewe mwenye. Ela hachi nyakumwambiani, hangu hi hii saasambi mudzaniona mimi Mwana jwa Ad̯amu nikaa mukono kuyume wa hila wa Muungu mwenye nguvu zonse. Na mudzaniona nikisuka na mawingu kuyawa mbinguni dzuu.”

Marko 14:62

Yesu kamwambukuya kamwamba, “Ee Ndimi. Kisa mudzaniona mimi Mwana jwa Ad̯amu nikaa mukono kuyume wa hila wa Muungu mwenye uwezo wonse. Na mudzaniona nikisuka na mawingu kuyawa mbinguni dzuu.”

Yohana 12:26

Yuḍejwonse eyenatsaka kunihumikia ni had̯i aniuḅe mimi, ili hapfaḍe nidzepfowa nae jeje muhumisi jwangu awe hapfo hapfo. Na kula eyenanihumikia, Baba anamukuzya.

Yohana 14:3

Na nikimuelekanyia haya makao nikisa, nauja nidzenimuhwae, ili hapfaḍe nidzepfowa nanywi muwe hapfo hapfo.

Yohana 17:24

Baaba, natsaka hawaḍe uwanimpiyeo wawe pfamodza nami hapfaḍe nidzepfowa, ili wanione maremboni mwangu. Kuningiza humu humu maremboni kwa kwamba wiwa kunitsaka hangu lumwengu ntajudzaumbwa.

Mahendo 1:9

Epfokwisa kunena hivi, huku wakiwa kumuyowani, kahwajwa kwenda mbinguni. Kwa dzambo ḍya wingu ḍimufinikiziyeḍyo ntawakumuona kawii.

Mahendo 8:39

Wepfoyawa nomu madzini, Ruhu jwa Ḅwana kamuhwaa Filipo. Huyuḍe mukuu nkakumuona kawii, ela kagija charoche akiwa na tsekea.

2 Wakorint̯o 5:8

Swiswi ntahufwe mojo meshi, na hunaona ni heri kuiyawa hi nyumba ya hi mii yehu hwende hukakae na Ḅwana.

Wafilipi 1:23

Ndookomu nyakuḍanganikani kwamba, kahi ya haya haya mambo mowii nyambe natsaka ḍi. Nyakut̯amanini kufwa ili ninkakae pfamodza na Kirist̯o, dzambo ḍiḍyo dzema muno kwangu.

1 Watesalonike 3:13

Ḅwana jwehu Yesu namungize nguvu, mupate kuwa wadheru na musiwo na t̯amba zuka ḍiḍeḍyonse usoni kwa Muungu Baba, nsiku ya Ḅwana jwehu adzepfokudza na hawaḍe wonse weo wakwe.

1 Watesalonike 4:15

Hichi hwakumwambiani chuuwo cha kuyawa kwa Ḅwana, ya kwamba, swiswi hudzeokaa mojo hat̯a nsiku ya Ḅwana adzeyouja kawii, ntahuwezi kuwayongowa hawaḍe wafwiyeo humut̯angere Ḅwana d̯ura.

1 Watesalonike 4:18

D̯ubva ngizanani mojo na hivi hivi vyuuwo.

1 Watesalonike 5:10

Jeje Yesu kahufwiya, ili kwamba, adzepfouja mweedha wa pfii, hukiwa mojo ambu hukiwa kwamba hufwa, ahuhwae hwende hukaishi nae.

2 Pet̯ero 3:13

Ela hwakuindiiyani kut̯imiya kwa hivi vya Muungu aahid̯iyevyo, kwamba kudzawa na mbingu mpya na lumwengu yupfya, kudzemokaa wantu wadheru wahupfu.

Upfenuo wa Yohana 1:7

T̯asikiani! Yesu kakudzani! Kakudzani na mawingu na kula dzitso ḍidzamuona. Hat̯a hawaḍe wamusimikiyeo wakimuyaga nao pia wadzamuona. Na vyeet̯i vyonse vimudziziyevyo, vidzasikit̯ika kwa dzambo ḍya kudzakwe. Na ndivyo vidzevyowa! Amina.

Upfenuo wa Yohana 11:12

Kisa hawaḍe mashaahiḍi wowii wasikia saut̯i nkuu kuyawa mbinguni ikiwamba, “Nzoni huku dzuu!” Nao wenda mbinguni na wingu huku nyabva wao wakiwayowa.

Upfenuo wa Yohana 12:5

Huyu muke kadzifunguya mwanamuyume adzeet̯awala vyeet̯i vyonse na nsimbo ya chuma. Ela huyu mwana epfovyajwa t̯u, kapfojwa kapfiikwa mumpaka hapfaḍe pfa Muungu akaiyepfo kitini mwakwe mwa uhaju.