1 Watesalonike 4:16 - Pokomo

¹⁶ Vinawa hidzaa: Ḅwana mwenye anasuka kuyawa mbinguni, anayavya amuri na saut̯i nkuu. Saut̯i ya huyu malaika mukuu jwa Muungu nayo inasikika na t̯arumbet̯a inabigwa. Na hawaḍe wafwiyeo wakiwa wamuhikiza *Kirist̯o wanafufuka d̯ura.

1 Watesalonike 4:16 ပူးပေါင်းရင်းမြစ်များ

Matayo 16:27

Mimi Mwana jwa Ad̯amu nidzakudza na marembo ya Baba na malaikawe wonse. Na nidzamuhukumu kula muntu kuuḅana na mahendoye.

Matayo 16:28

Ela hachi nyakumwambiani, wangine wenu wasumamiyeo hapfa ntawakudzafwa mumpaka wadzepfoniona mimi Mwana jwa Ad̯amu nikwakudzani kut̯awala dza Haju.”

Matayo 25:31

Yesu kanena kamba, “*Mwana jwa Ad̯amu adzepfokudza na maremboye dza Haju pfamodza na malaikawe wonse, kadzakaa kiti chakwe cha kihaju.

Matayo 26:64

Yesu kamwambukuya kamwamba, “Kuvinena wewe mwenye. Ela hachi nyakumwambiani, hangu hi hii saasambi mudzaniona mimi Mwana jwa Ad̯amu nikaa mukono kuyume wa hila wa Muungu mwenye nguvu zonse. Na mudzaniona nikisuka na mawingu kuyawa mbinguni dzuu.”

Mahendo 1:11

Wawauza wawamba, “Wantu wa Galilaya, kut̯i musumama hapfa mukwakuḍabvani nd̯ulu yuwinguni dzuu? Huyu Yesu ahwaijwe kwenu kwenda mbinguni, anauja dza viviḍe mumuoneyevyo akiwa kwendani mbinguni.”

1 Wakorint̯o 15:18

Na vindeewa na maana ya kwamba, hawaḍe wafwiyeo wakiwa wamuhikiza Kirist̯o, wao waara.

1 Wakorint̯o 15:20

Ela viivyo ni kwamba, Kirist̯o kafufujwa kuyawa kwa wafu dza hakikisho kwamba hawaḍe wafwiyeo wadzafufujwa.

1 Wakorint̯o 15:23

Kula muntu anafufujwa na waaḍye. Kirist̯o kafufujwa d̯ura, kisa adzepfokudza, hawaḍe wonse weo wakwe nao wanafufujwa.

1 Watesalonike 1:10

Na pia, wakunenani namuna mwivyokumuindiiyani huyu Mwana jwa Muungu, yani Yesu, adze kuyawa mbinguni. Na huyu huyu Yesu ndiye jwa Muungu amufufwiiye kuyawa kwa wafu na ndiye ahupfonyeye na ngoro ya Muungu idzeyokudza.

1 Watesalonike 3:11

Hwakumuyombani Muungu Baba na Ḅwana jwehu Yesu Kirist̯o, ahufungwiiye njia ya kudzaonana nanywi kawii.

2 Watesalonike 1:7

Makisa swiswi nanywi kadzazihunwiiya hizi hizi d̯ina na hunapata kusoha. Haya yadzahendeka ngera za Ḅwana jwehu Yesu adzepfot̯upuka kuyawa mbinguni. Jeje na malaikawe wenye nguvu, wadzasuka kuyawa dzuu

2 Watesalonike 2:1

Wandugu, hunatsaka kumuimusya zaid̯i dzuu ya kuuja yupfii kwa Ḅwana jwehu Yesu *Kirist̯o na kutsanganika kwehu kuwa pfamodza nae. Hunamuyomba

2 Pet̯ero 3:10

Nsiku ya Ḅwana ya kudza, anakudza dza hiviḍe vya mwivi evyonakudza pfasipfo kuḍama. Hiyo hiyo nsiku, hizi mbingu zinakwaara na kisindo chikuu, na vyonse vivyo kuzimu yakwe vinapfya moho wa bvibvibvibvi. Hat̯a huju lumwengu na vyonse vihendejwevyo kuzimuye, navyo pia vinatsomwa.

Yud̯a 1:9

Ḅela Mikaeli eye mumodza jwa hawa malaika wakuu t̯u, nkakusuḅut̯u kumutsola Shaat̯ani epfoakiḍaat̯iana nae dzuu ya hu mwii wa Musa. Ishinu kamwamba, “Ḅwana nakuhukumu!”

Upfenuo wa Yohana 1:10

Nsiku modza ya Ḅwana, niwa Ruhuni. Nisikia saut̯i nkuu nyuma yangu iyokuwa dza saut̯i ya t̯arumbet̯a.

Upfenuo wa Yohana 1:7

T̯asikiani! Yesu kakudzani! Kakudzani na mawingu na kula dzitso ḍidzamuona. Hat̯a hawaḍe wamusimikiyeo wakimuyaga nao pia wadzamuona. Na vyeet̯i vyonse vimudziziyevyo, vidzasikit̯ika kwa dzambo ḍya kudzakwe. Na ndivyo vidzevyowa! Amina.

Upfenuo wa Yohana 14:13

Kisa nisikia idzwi kuyawa mbinguni ḍikinyamba, “Vyore hivi vyuuwo hivi: Hangu hi hii saasambi wadzawa na tsekea iyodze hawaḍe wonse wadzeofwa wakiwa kwamba wamuhikiza Ḅwana.” Kisa huyu Ruhu kamba, “Wadzawa na tsekea ḍugha! Koro ḅaad̯a ya hizi d̯ina zonse wakuntiyezo, wadzapata kusoha kwa kwamba haya mahendo yao mema yanauḅana nao!”

Upfenuo wa Yohana 8:13

Kisa nikidzanikihea matso, niona chalikoko kakuguukani humu angani dzuu. Na nimusikia akinena na saut̯i nkuu akyamba, “Waa d̯inani, waa d̯inani, waa d̯inani! Saa ya hawa malaika wohahu wasaiyeo wadzepfozibiga hizi t̯arumbet̯a zao, wantu weokuishini lumwenguni wanawa d̯inani!”

Upfenuo wa Yohana 8:2

Niwaona hawaḍe malaika wakuu wofungahe, weonasumama usoni kwa Muungu, wakipfegwa t̯arumbet̯a mfungahe.