1 Watesalonike 3:6 - Pokomo

⁶ Ela sasa myojo ihuingamaa, maanaye Timoteo kahuyehea maagu ya kwamba, amaale mugija kusumama faroni na mutsakana nywinywi na nywinywi. Na kahwamba kwamba, amaale mwakuhukumbukani muno, na muna kaja muno ya kuhuona kawii dza hivi vyehu hwivyo na kaja nkuu ya kumuona.

1 Watesalonike 3:6 ပူးပေါင်းရင်းမြစ်များ

Mahendo 16:1

Paulo kenda Dabe makisa kenda Lusitira, kwikokukikaa mwanafund̯i ahanijwe Timoteo. Ewa mwana jwa muke Muyahud̯i muhikiza, kenge ise ewa Muyunani.

Mahendo 18:1

Makisa Paulo kanuka na Atene kenda Korint̯o.

Mahendo 18:5

Sila na Timoteo wepfokudza kuyawa Makedonia, d̯ubva Paulo kagija kazi ya kusumwiiya chuuwo t̯u, akiwayanga hawa Wayahud̯i ya kwamba Yesu ndiye huyu *Masiya.

1 Wakorint̯o 11:2

Nyakumushad̯ani, kwa dzambo ḍya kwamba mwakunikumbukani kut̯wa na mwakuuḅani haya mayongweezo nimuyongweezeyeyo.

1 Wakorint̯o 13:13

Dza viivyo haya mambo mohahu, yani faro, madzikwat̯yo na matsako, ntaya mwiso. Na dzambo kuu ḍya mwiso ni matsako.

Wagalatia 5:6

Koro kuzimuni mwa Kirist̯o Yesu, kuhinywa ambu kutsahinywa kwa muntu ntaku maana yaḍeyonse. Cha mud̯a ni serefano yehu kwa Kirist̯o iyonaonekana kuchiiya na kwa haya matsako hwiyonayo.

Wafilipi 1:8

Hat̯a Muungu mwenye kamanya kwamba nyakunenani hachi, nikyamba nimutsaka na tsako dza hiḍiḍe ḍya Kirist̯o Yesu mwenye.

Wakolosai 4:18

Mimi Paulo nyakumworeani hi hii kedhya na mukono wangu mwenye. Namutsekwaarerwa kuniyombea hivi niivyo gerenzani. T̯ei ya Muungu naiwe pfamodza nanywi. Ikaani naghea.

1 Watesalonike 1:3

Hunakaa hukimuyombea kwa Muungu Baba jwehu, hukimuhadzia wema wenu mwiwohenda kwa dzambo ḍya kuhikiza kwenu. Hunakaa hukamuhadzia namuna ya matsako yenu yamumpiyevyo kuhenda kazi na hiḍu, na namuna mugijiyevyo kuwa na madzikwat̯yo ya kwamba Ḅwana jwehu Yesu Kirist̯o anauja kawii.

1 Watesalonike 2:17

Wandugu zangu, hwipfohendezwa hukit̯ana nanywi na nguvu, hut̯ana hi mii t̯u kwa muḍa, ela mat̯aro yehu yonse yewa yaa kwenu. Mwiihungiza udhuma mukali muuno, naswi huḍema kula njia hudzehumut̯embeeye kawii.

1 Watesalonike 2:9

Nywinywi wenye, wandugu, mumanya namuna huhendeyevyo kazi na hiḍu muno! Koro hwipfohukisumwiiya chuuwo cha Muungu kwenu, hufwa kudzihendea kazi siku na musikahi ili hutseewa muzigo kwenu.

1 Watesalonike 3:7

D̯ubva wandugu, na d̯ina zehu zonse hupatiyezo na hukuntisijwezo, haya maagu huyeheejweyo ni Timoteo, kwamba amaale mugija kuhikiza, yahungiza mojo.

2 Watesalonike 1:3

Wandugu zangu, swiswi hunamala kumuyaviza ḍuḍa Muungu kut̯wa kwa dzambo ḍyenu. Ni hachi kwehu kuhenda hivi, kwa dzambo ḍya kwamba faro yenu igija kukuya zaid̯i na zaid̯i na mwakugijani kutsakana zaid̯i na zaid̯i.

1 Timoteo 1:5

Na maana ya hi hii amuri ni kuhuhendeza swiswi na swiswi hutsakane na mojo mumodza. Ni had̯i hutsakane na myojo iyo na faro ya ḍugha na iyonahuhendeza humanye yeyo mema na mazuka.

2 Timoteo 1:3

Nyakumuyavizani ḍuḍa Muungu, niyekumuhumikiani na mojo mumodza, dza viviḍe vya wabibi zangu wevyowakihenda. Kula nikwaakuyombani, namuyaviza ḍuḍa siku na musikahi kwa dzamboḍyo.

Filemoni 1:5

koro nakaa na kusikia namuna umuhikiziyevyo Ḅwana Yesu, na namuna uwatsakiyevyo wantu wonse wa Muungu.

Waeburania 13:3

Wamuud̯amiyeni hawaḍe weo gerenzani, dza kwamba nanywi mufungwa pfamodza nao. Wamuud̯amiyeni na hawaḍe weokukuntiswani d̯ina, dza kwamba hizi d̯ina mwakuzikuntiswani nywinywi.

Waeburania 13:7

Wakumbukeni hawa wayongozi wenu weomusumwiiya chuuwo cha Muungu. Yowani namuna wevyoishi na namuna wadzevyowakifwa, nanywi mut̯aḅe hi faro yao.

1 Yohana 3:23

Eyokuhuamuruni huhende ni kwamba, humuhikize Yesu Kirist̯o, huyu Mwanawe, na hutsakane dza vya Kirist̯o ahuamuriyevyo.