1 Watesalonike 2:3 - Pokomo

³ Swiswi kusumwiiya kwehu ntahukumusumwiiya mambo ya nsuwe, wala ntahwiiwa na nia nzuka ambu hutsake kukulakula muntu.

1 Watesalonike 2:3 ပူးပေါင်းရင်းမြစ်များ

Mahendo 13:15

Hawa wakuu wa hiḍi sunagogi wepfokwisa kusoma chuoni mwa *Sharia za Musa na matsoro ya manabii, wawahumia muntu Paulo na Baranaba wawamba, “Wandugu, hunatsaka munene na hawa wantu ikiwa kwamba muna vyuuwo vya kuwafunda.”

Mahendo 4:36

Kwiwa na Mulawi jwa kuyawa Kupuro eyeakihanwa Yusufu. Hawa ntumi wekimuhana Baranaba. (Maana ya Baranaba ni muntu eyenangiza mojo.)

2 Wakorint̯o 11:13

Hao hao wantu si ntumi wa ḍugha, mbwa nsuwe. Kazi yao nza makulekule na kudzihendeza dza ntumi wa Kirist̯o.

2 Wakorint̯o 2:17

Swiswi ntahukwaa dza wangine wenji na wenji weonahwaa kusumwiiya chuuwo cha Muungu dza kwamba ni bit̯i t̯u ya kudzilachia maisha. Ishinu, swiswi hunasumwiiya na myojo midheru usoni kwa Muungu, kwa kwamba ndiye ahuhumie na hu wahumisi wa Kirist̯o.

2 Wakorint̯o 4:2

Mambo ya yutswa yeyonahendwa kisiri-siri, swiswi huyadziza. Ntahukwaa wantu wa makulekule wala wantu weonakiperuya chuuwo cha Muungu kinene nsuwe. Swiswi hi hachi ya haya *Maagu Mema, hunainena wekeani tswee na Muungu akiwa shaahiḍi. Hunahenda hivi, hukidzikwat̯ya kwamba kula muntu anaona kwamba haya hwiyokuhendani ni mambo ya sawa.

2 Wakorint̯o 4:5

Haya hwiyokusumwiiyani si dzuu yehu swiswi, ela hwakusumwiiyani dzuu ya Yesu Kirist̯o kwamba ni Ḅwana, na kwamba swiswi hu wahumisi wenu kwa dzambo ḍya Yesu.

2 Wakorint̯o 6:8

Wantu wangine wanahunenea mema na wangine wakahunenea mazuka; wangine wanahuḍya na wangine wakahushad̯a. Hunakwambigwa hu wansuwe na huku hwakunenani hi ya hachi.

2 Wakorint̯o 7:2

Huyangeni haya matsako yenu. Swiswi ntahukumutsowea muntu yuḍejwonse, wala ntahukunanga faro ya muntu, ambu huhwae cha yuḍejwonse na makulekule.

1 Watesalonike 2:11

Nywinywi wenye mumanya kwamba swiswi hwikimuhwaa dza hiviḍe vya babajwe muntu evyonawahwaa wanawe.

1 Watesalonike 4:7

Koro Muungu nkakuhuhana huishi maisha ya kuhenda uḅari, ela kahuhana huishi maisha ya udheru.

2 Watesalonike 2:11

D̯ubva Muungu nae anawahendeza wakulwekulwe viwi muno, wapate kuhikiza mambo ya nsuwe.

2 Pet̯ero 1:16

Hwipfomwambia dzuu ya uwezo wa Ḅwana jwehu Yesu Kirist̯o na kudza kwakwe yupfii, ntahukumwambia mambo ya kamba na ambigwa hat̯a. Huyaona maremboye na matso yehu swiswi wenye.