1 Watesalonike 2:2 - Pokomo

² Nywinywi wenye, mumanya namuna ya wantu wa mudzi wa Filipi wahukuntisiyevyo d̯ina na kuhuhendea mambo mazuka mazuka. Ela hat̯a vivyo, Muungu kahupfa mojo wa kudza kwenu hudzehumusumwiiye haya maagu yakwe mema, hat̯a ingawa huku kwenu nako kwiwa upinzani mukali.

1 Watesalonike 2:2 ပူးပေါင်းရင်းမြစ်များ

Mahendo 14:3

Hawa *ntumi wakaa hukuḍe kwa muḍa muyeya wakisumwiiya dzuu ya Ḅwana pfasipfo oga. Nae Ḅwana kayanga ya kwamba haya weyowakinena dzuu ya t̯eiye nza ḍugha. Kaviyanga kwa kuwapfa nguvu za kuhenda mambo ya kumakisa na vihambwiizo.

Mahendo 14:5

Makisa wangine wa hawa wantu wa vyeet̯i na Wayahud̯i, pfamodza na wakuu wao, wahuna kuwahendea mambo mazuka hawa ntumi na kuwabiga na mawe.

Mahendo 16:12

Hukinuka na hapfo hwenda Filipi, mudzi wa d̯ura wa ḍyimbo ḍya Makedonia, na ḍiiwa ḍikit̯awaligwa ni Warumi. Hukaa humuḍe mudzini kwa nsiku kachuchu.

Mahendo 16:19

Hawa wenye wepfoona ya kwamba madzikwat̯yo yao ya kupata fwedha yasiya, wamugija Paulo na Sila wawaḅaa fururyo hat̯a gasani, kwa hawa wakuu wa mudzi.

Mahendo 16:37

Kenge Paulo kawambukuya hawa asikari kawamba, “Swiswi ntahwiiwa na tsowa ḍiḍeḍyonse, ela hubigwa nyambahi kacha ya wantu, naswi hu wanansi wa Kirumi. Makisa hungizwa gerenzani. Ne saasambi wakutsakani kuhugonzoza na mfitso. Ntaviwe! Ni had̯i hawa wakuu wadze wahufunguye wao wenye.”

Mahendo 17:1

Wagija kwenda na charo chao wachia na Amfipoli na Apolonia hat̯a wafika Tesalonike, kwipfokuwa na *sunagogi ḍya Wayahud̯i.

Mahendo 17:17

Ndookomu kaḍaat̯iana na hawa Wayahud̯i na hawa wantu wa vyeet̯i vingine weonamuyomba Muungu, humuḍe sunagogini na wantu waḍewonse weowakyenda hapfaḍe gasani.

Mahendo 19:8

Kwa muḍa wa myezi mihahu, Paulo ekyenda *sunagogini na kunena na hawa wantu pfasipfo oga. Kaḍaat̯iana nao na kuḍema kuwahenda waserefat̯e kwamba haya eyoakinena dzuu ya Uhaju wa Muungu nza ḍugha.

Mahendo 4:13

Hawa wazee we bokoli wepfomusikia Pet̯ero na Yohana wakwakunenani pfasipfo oga na wepfororot̯a kwamba wewa wantu wasiosoma muno, wamaka. Wahambuya kwamba katsi wekikaa na kugijana na Yesu.

Mahendo 4:20

Koro ikwaakwamba ndiswi, ntahut̯oweza kuyatsa kunena haya huoneyeyo na kusikia swiswi wenye.”

Mahendo 4:31

Wepfokwisa kuyomba, hapfa pfantu wat̯ut̯aiyepfo pfasukusika. Wonse wadzajwa ni Ruhu Mudheru na waḍabva kusumwiiya chuuwo cha Muungu pfasipfo oga.

Mahendo 5:41

Hawa ntumi wanuka hapfaḍe gasani wakiwa na tsekea nkuu, ya kwamba Muungu kawatsana wakuntiswe d̯ina kwa dzambo ḍya sari ḍya Yesu.

Warumi 1:1

Mimi Paulo, niiye muhumisi jwa *Kirist̯o Yesu, nyakumworeani nywinywi wantu wa Rumi mwiwo wahikiza. Muungu kanitsana dza *ntumi jwa Kirist̯o na kanimpa kazi ya kusumwiiya *Maagu Mema yakwe.

2 Wakorint̯o 3:12

Kwa dzambo ḍya kwamba huna haya haya madzikwat̯yo, hunanena pfasipfo oga.

Wakolosai 2:1

Natsaka mumanye namuna nimumuud̯amiyevyo nywinywi wahikiza mwiwo Kolosai, na wenzenu weo mudzi wa Laodekia, pfamodza na wahikiza wangine wonse husiodzaonana hat̯a na matso.

1 Watesalonike 1:5

Swiswi ntahukumusumwiiya injili ya vyuuwo vihupfu, ela huhenda na mambo ya kumakisa kwa nguvu za huyu Ruhu Mudheru, hukiwa na uhakika myojoni mwehu kwamba hwakusumwiiyani injili ya hachi. Na pia mumanya namuna huishiyevyo kahi yenu hupate kumuyanga namuna ya kuishi maisha mema.

2 Timoteo 1:12

Ndiyo maana niyokukuntani d̯ina dzevihivi. Ela sidzafwa mojo, koro huyu nimuhikiziye nimumanya ya kwamba ni ga. Nina uhakika wa kwamba, ana uwezo wa kuyamia haya animpiyeyo, mumpaka nsiku ya mwiso.

Yud̯a 1:3

Watsakwa, gula ninkitsaka muno kwamba nimworeye dzuu ya hu mupfonyo huupatiyeo hwonse. Ela niona kwamba ni urembo nimworeye kwamba muyaheheye haya *Maagu Mema muyahikiziyeyo. Hi hachi ya haya haya Maagu Mema, Muungu kaiyavya kwa hawaḍe wonse weo wakwe na ntaiperuke meshi.