1 Watesalonike 2:19 - Pokomo

¹⁹ Maana yehu ya kutsaka kuuja kawii huko kwenu, ni kwamba, huna madzikwat̯yo makuu ya kwamba, Ḅwana jwehu Yesu adzepfouja mweedha wa pfii, nywinywi munasumama usoni kwakwe, pfasipfo yutswa. Ndookomu munahupfa kutsekea na kudziona kwa dzambo ḍyenu.

1 Watesalonike 2:19 ပူးပေါင်းရင်းမြစ်များ

Matayo 16:27

Mimi Mwana jwa Ad̯amu nidzakudza na marembo ya Baba na malaikawe wonse. Na nidzamuhukumu kula muntu kuuḅana na mahendoye.

Marko 8:38

Yuḍejwonse adzeenionea yutswa mimi na mayongweezo yangu, usoni ya hichi hichi kivyazi cha nabvise na kisichohikiza, nami mimi Mwana jwa Ad̯amu, nidzamuonea yutswa muntu dzae, nidzepfokudza maremboni mwa Baba pfamodza na malaika wadheru.”

Yohana 21:22

Yesu kamwambukuya kamwamba, “Ae ikiwa kwamba nitsaka akae mojo hat̯a nidzepfouja, hayo hayo yakumud̯a na? Wewe niuḅa mimi t̯u!”

1 Wakorint̯o 15:23

Kula muntu anafufujwa na waaḍye. Kirist̯o kafufujwa d̯ura, kisa adzepfokudza, hawaḍe wonse weo wakwe nao wanafufujwa.

1 Wakorint̯o 4:5

D̯ubva, namutsemukizia muntu hukumu ngeraye isidzafika. Ḅwana ndiye adzeeyavya hukumu nsiku adzeyokudza. Kadzayayavya wekeani tswee hayaḍe yafitsijweyo kizani, na kadzaziyavya nze tswee hizi t̯amaa za myojo ya wanaad̯amu. Kisa kula muntu, Muungu mwenye kadzamumpa hi shad̯umeaye eyonamala kupfegwa.

Wafilipi 2:16

huku mukikigija gu hichi chuuwo chichonawapfa wantu maisha. Mukihenda dza hivi, ndipfo nami nsiku ya Kirist̯o adzeyokudza nawa na saḅaḅu ya kudzivunia, koro idzayanga tswee kwamba hi kazi nihendeyeyo sikufwa ḅasi.

Wafilipi 4:1

D̯ubva wandugu zangu watsakwa, gijani kumuserefat̯a Ḅwana dzevyo. Mimi nina kaja ya kumuona muno! Munakaa na kunitsekeza muno na nakaa na kudzihonga nanywi muno!

1 Watesalonike 2:20

Nanywi hakika, ndinywi wantu wa kuhupfa kutsekea na kudziona!

1 Watesalonike 3:13

Ḅwana jwehu Yesu namungize nguvu, mupate kuwa wadheru na musiwo na t̯amba zuka ḍiḍeḍyonse usoni kwa Muungu Baba, nsiku ya Ḅwana jwehu adzepfokudza na hawaḍe wonse weo wakwe.

1 Watesalonike 4:15

Hichi hwakumwambiani chuuwo cha kuyawa kwa Ḅwana, ya kwamba, swiswi hudzeokaa mojo hat̯a nsiku ya Ḅwana adzeyouja kawii, ntahuwezi kuwayongowa hawaḍe wafwiyeo humut̯angere Ḅwana d̯ura.

1 Watesalonike 5:23

Nyakumuyombani Muungu, eyenahupfa naghea, amudherese muwe wadheru kaḅisa! Jeje namuweke maisha yenu yonse, ya mwii na ruhu, yatseewa na t̯amba zuka ḍiḍeḍyonse, hat̯a nsiku ya Ḅwana jwehu Yesu Kirist̯o adzepfouja mweedha wa pfii.

2 Watesalonike 1:4

Ndiyo maana naswi, hunadziona nanywi kwa wantu wa matsanganiko yangine ya Muungu. Hunakaa hukiwasumwiiya namuna mugijiyevyo kumuserefat̯a Muungu na kuit̯isa, hat̯a ingawa mwakukuntiswani d̯ina muno kwa dzambo ḍya faro yenu.

2 Watesalonike 1:7

Makisa swiswi nanywi kadzazihunwiiya hizi hizi d̯ina na hunapata kusoha. Haya yadzahendeka ngera za Ḅwana jwehu Yesu adzepfot̯upuka kuyawa mbinguni. Jeje na malaikawe wenye nguvu, wadzasuka kuyawa dzuu

2 Watesalonike 2:1

Wandugu, hunatsaka kumuimusya zaid̯i dzuu ya kuuja yupfii kwa Ḅwana jwehu Yesu *Kirist̯o na kutsanganika kwehu kuwa pfamodza nae. Hunamuyomba

Tito 2:13

huku hukiindiiya hiyo Nsiku ya tsekea hwiyokuieghat̯ani. Hiyo hiyo Nsiku, marembo ya Muungu jwehu mukuu na mupfonya jwehu Yesu *Kirist̯o yanaonekana.

Yakobo 5:7

Wandugu zanguni, nywinywi it̯isani huku mukwakuyoweeyani kudza yupfii kwa Ḅwana. T̯ayowani namuna ya wantu weonaima wevyonait̯isa mumpaka wakavuna makonde yao. Wao wanait̯isa mumpaka hi mvuya ya kuivyaza hi mimea ikanya, na wakapata bvaro.

Yakobo 5:8

Nanywi pia, namutseefwa mojo, it̯isani, koro nsiku ya kuuja kwa Ḅwana ntaikwaa kuye.

1 Pet̯ero 5:4

Makisa ngera ya huyu Mut̯ikisa Mukuu adzeyokudza, munapfegwa t̯ubvo ḍya d̯aha ḍisiḍyonangika maishi.

2 Pet̯ero 1:16

Hwipfomwambia dzuu ya uwezo wa Ḅwana jwehu Yesu Kirist̯o na kudza kwakwe yupfii, ntahukumwambia mambo ya kamba na ambigwa hat̯a. Huyaona maremboye na matso yehu swiswi wenye.

2 Pet̯ero 3:4

na kumwamba, “Ḅwana nkakumuahid̯i kwamba anakudza kawii? Mani d̯ubva kaku? T̯ahwaa hawa wababa zehu wamaafwa, ela kula kintu chaa dza viviḍe chivyokuwa hangu kuumbwa kwa lumwengu!”

1 Yohana 2:28

Ndivyo, wanangu watsakwa, ikaani kuzimuni mwakwe ili adzepfokudza mupate kuwa na ujangina wa kusumamia usoni yakwe pfasipfo yutswa.

Yud̯a 1:24

Na sasa Muungu ashad̯we. Jeje ndiye eyenaweza kumut̯unza mutsekudzagwa nabviseni na anamungiza maremboni mwakwe mukiwa na tsekea nkuu muno, koro munawa kwamba ntamu hat̯a kat̯amba ka nabvise.

Upfenuo wa Yohana 1:7

T̯asikiani! Yesu kakudzani! Kakudzani na mawingu na kula dzitso ḍidzamuona. Hat̯a hawaḍe wamusimikiyeo wakimuyaga nao pia wadzamuona. Na vyeet̯i vyonse vimudziziyevyo, vidzasikit̯ika kwa dzambo ḍya kudzakwe. Na ndivyo vidzevyowa! Amina.

Upfenuo wa Yohana 22:12

Kisa Ḅwana Yesu kamba, “T̯ayowani, nyakudzani si hat̯a kae! Na nidzamuipfa kula mumodza kuuḅana na mahendoye.