1 Watesalonike 1:9 - Pokomo

⁹ Hao wantu wonse hao, wakunenani namuna muhukaraḅishiyevyo urembo hwipfokudza kwenu. Na wakunenani na namuna muyatsiyevyo kuyomba miungu ya masanamu mukimuperukia huyu Muungu jwa ḍugha eye mojo.

1 Watesalonike 1:9 ပူးပေါင်းရင်းမြစ်များ

Matayo 16:16

Simioni Pet̯ero kambukuya kamba, “Wewe ndiwe huyu *Kirist̯o Mwana jwa Muungu eye mojo.”

Mahendo 14:15

“Nywinywi wantu, kut̯i mwakuhendani hivi? Naswi hu wanaad̯amu dzanywi! Hudzia kumusumwiiya Maagu Mema, muiyatse hi miungu yenu isiyo maana, mumuperukiye Muungu eye mojo, aumbiye yuwingu na nsi, rukanga na vyonse vivyo kuzimuye.

Warumi 9:26

Na pfapfaḍe pfantu niwambiiyepfo, ‘Ntamukwaa wantu wangu,’ ḅasi ndipfo pfantu wadzepfohanigwa, ‘Wana wa Muungu eye mojo.’ ”

1 Wakorint̯o 12:2

Mumanya ya kwamba mwipfokuwa walumwengu mwikit̯awaligwa ni miungu ifwiyeyo iyoikimwaarya kut̯wa.

1 Watesalonike 2:1

Wandugu zangu, hat̯a nywinywi wenye mumanya ya kwamba, hichi charo chehu hudziyecho kwenu ntahukufwa ḅasi.

1 Watesalonike 2:13

Swiswi huna saḅaḅu ya kumuyaviza ḍuḍa Muungu kut̯wa. Na saḅaḅu yehu ni kwamba, hwipfomusumwiiya chuuwo cha Muungu, nywinywi mukihikiza dza chuuwo cha Muungu. Ntamukuchihwaa dza chuuwo cha mwanaad̯amu, ela muchihwaa dza chuuwo cha Muungu ḍugha. Na hichi hichi chuuwo, chakumuhendezani nywinywi muhikiziyeo, muishi maisha mema.

1 Timoteo 4:10

Ndiyo maana hwiyokumuud̯amani na kuhenda kazi na hiḍu kwa kwamba hwakudzimukwat̯yani Muungu eye mojo. Jeje ndiye mupfonya jwa wantu wonse, na haswa jwa hawaḍe wahikiziyeo.

Waeburania 12:22

Ela nywinywi muudzia Murima wa Sayuni, kwiko mudzi wa Muungu eye mojo. Yani, muidzia Yerusalemi ya mbinguni, kwiko maelefu na maelefu ya malaika.

1 Yohana 5:21

Wanangu watsakwa, dzit̯unzeni na miungu ya nsuwe.

Upfenuo wa Yohana 17:2

Kula haju jwa lumwengu kayaa naḍyo. Ḍiwahendeza wantu wonse wa lumwengu wahendeke dza kwamba waruma mvinyo, kwa kuuḅa haya mahendoye machafu machafu.”