1 Watesalonike 1:8 - Pokomo

⁸ Koro hichi chuuwo musumwiiyecho dzuu ya Ḅwana, kihandaiya Makedonia nzima pfamodza na Akaya. Na si hivyo t̯u, ela hat̯a haya maagu dzuu ya namuna mumuserefat̯iyevyo Muungu yahandaiya kula pfantu. Ndookomu ntaku haḍya iḍeyonse kwehu kunena dzuu yenu amaale.

1 Watesalonike 1:8 ပူးပေါင်းရင်းမြစ်များ

Mahendo 18:12

Ngera za Galio epfowekwa haju jwa ḍyimbo ḍya Akaya, Wayahud̯i wangine wadziana pfamodza, wamugija Paulo na wamupfiika hukumuni usoni ya huyu haju.

Warumi 1:8

Nguzi cha d̯ura namuyaviza ḍuḍa Muungu jwangu kwa dzambo ḍyenu nyonse, kuchiiya na kwa Yesu Kirist̯o. Koro faro yenu mwiyonayo kwa Yesu Kirist̯o yakusumwiijwani lumwengu yuzima.

Warumi 15:26

Koro hawa wahikiza weo ḍyimbo ḍya Makedonia na ḍyimbo ḍya Akaya, waona vyema wao wenye kwamba, wayavye mvuugiya ya ugijo kwa hawaḍe wantu masikini wa Muungu weo hukuḍe Yerusalemi.

Warumi 16:19

Nitsekea kwa dzambo ḍyenu muno kwa kwamba kula muntu kamanya namuna mwivyonamut̯ii Kirist̯o. Ela hat̯a vivyo natsaka muimanye hi hachi na muhende yeyo mema, ili mutsekudzanjia kuhendani mazuka.

1 Wakorint̯o 14:36

Ambu munamba mwakut̯arani ya kwamba achi Chuuwo cha Muungu ndinywi muchiyeheyeo? Mwakut̯arani ya kwamba kimudzia nywinywi heket̯u?

2 Wakorint̯o 2:14

Ela Ḅwana ashad̯we! Swiswi hwiwo hariani mwa Kirist̯o, Muungu kahuweka dza maheka wa Kirist̯o. Kahuhendeza humuuḅe Kirist̯o dza maheka akwakuyangani ushindi wakwe. Muungu kakuhutumiani swiswi kusumwiiya haya maagu dzuu ya Kirist̯o kula pfantu, yakad̯achaa dza manunkanto.

2 Wakorint̯o 3:4

Hwakunenani hivi kwa dzambo ḍya serefano hwiyonayo kwa Muungu kuchiiya na kwa Kirist̯o.

Wakolosai 3:16

Hichi chuuwo cha Kirist̯o nachikae myojoni mwenu meshi. Yongweezanani na kufundana na mvidhyo. Ikaani mukimuyaviza ḍuḍa Muungu kwa kumukwimbia meya ya zaburi na meya yangine ya kumushad̯a.

2 Watesalonike 1:4

Ndiyo maana naswi, hunadziona nanywi kwa wantu wa matsanganiko yangine ya Muungu. Hunakaa hukiwasumwiiya namuna mugijiyevyo kumuserefat̯a Muungu na kuit̯isa, hat̯a ingawa mwakukuntiswani d̯ina muno kwa dzambo ḍya faro yenu.

2 Watesalonike 3:1

Wandugu zangu, zaid̯i ya yonse, hwakumuyombani mugije kuhuyombea, ili hichi chuuwo cha Ḅwana kipate kud̯achaa haraka. Gijani kuhuyombea ili hawaḍe hudzeowasumwiiya wakihikize hichi chuuwo dza hivi vyenu mukihikiziyevyo.

1 Timoteo 2:8

D̯ubva, kula saa ya mayombo, natsaka hawa wayume wadziyaviyeo kwa Muungu wawe ndiwo wa kuyomba. Na wepfonanwiiya dzuu mikono yao kuyomba, nawatseewa na ngoro ambu ngongea.

2 Timoteo 2:9

Na kwa dzambo ḍya haya haya Maagu Mema niyonasumwiiya, nyakukuntiswani d̯ina, na ninjia hat̯a kufungwani minyoro dza kwamba niwa muhenda mazuka. Ela chuuwo cha Muungu ntakiwezi kufungwa minyoro.

3 Yohana 1:12

Wantu wonse wakunenani wema wa Demetirio. Na hat̯a namuna eyonakigija hichi chuuwo cha hachi, vinayanga kwamba ni muntu mwema. Naswi hwakwongezani na ushaahiḍi wehu, nawe mwenye kumanya ya kwamba hwichokunenani swiswi ni ḍugha.

Upfenuo wa Yohana 14:6

Kisa niona malaika yungine eyeakiguuka huku yuwinguni dzuu. Ewa ekiwalalabvia wantu wonse wa lumwenguni *Maagu Mema yasiyo na mwiso. Kawalalabvia wantu wonse wa kuyawa kula nsi, na kula kyeet̯i na kula lugha.

Upfenuo wa Yohana 22:17

Huyu Ruhu na huyu Ḅiḅi Harusi wamba, “Nzoo!” Na yuḍejwonse avisikiiye hivi hivi nambe, “Nzoo!” Yuḍejwonse eye na nchiu nadze! Atsakiye madzi yeyonapfa wantu maisha yasiyosia, nadze anwe ḅure!