1 Watesalonike 1:3 - Pokomo

³ Hunakaa hukimuyombea kwa Muungu Baba jwehu, hukimuhadzia wema wenu mwiwohenda kwa dzambo ḍya kuhikiza kwenu. Hunakaa hukamuhadzia namuna ya matsako yenu yamumpiyevyo kuhenda kazi na hiḍu, na namuna mugijiyevyo kuwa na madzikwat̯yo ya kwamba Ḅwana jwehu Yesu Kirist̯o anauja kawii.

1 Watesalonike 1:3 ပူးပေါင်းရင်းမြစ်များ

Yohana 14:15

Yesu kawamba wanafund̯iwe, “Ikiwa kwamba nywinywi munitsaka, munahenda hivi nimuamuriyevyo.

Yohana 15:10

Mimi nizigija amuri za Baba nae kagija kunitsaka. Dza vivyo, nanywi mukizigija amuri zangu munagija kuyaona matsako yangu.

Mahendo 10:31

na kanyamba, ‘Koronelio, Muungu kasikia mayombo yako, na kapfokea mvuugiyazo kwa masikini.

Mahendo 3:19

D̯ubva pfyehuzani mama, na mumuujie Muungu, ili apate kumuyatsia nabvise zenu.

Warumi 12:12

Tsekeani muno kwa dzambo ḍya haya madzikwat̯yo ya Muungu amumpiyeyo. Mwipfonapatwa ni mad̯ina, nywinywi it̯isani, na saa zonse mukae mukiyomba.

Warumi 15:13

D̯ubva Muungu eyenamumpa madzikwat̯yo, namudzaze tsekea na kumumpa naghea muno huku mukigija kumuserefat̯a jeje. Na kwehii njia munagija kuwa na madzikwat̯yo makuu kwa nguvu za huyu Ruhu Mudheru huku mukiindiya kut̯imizwa kwa hizi ahad̯i za Muungu.

Warumi 15:4

Yonse yorejweyo matsoroni hangu kae na kae, yoregwa kuhuyongweeza swiswi. Haya haya matsoro yanahungiza mojo ili hugije kuindiiya hayaḍe ya Muungu ahuahid̯iyeyo, huku hukiit̯isa mad̯inani.

Warumi 16:26

Dza vya matsoro ya manabii yat̯aḅiriyevyo hangu kae na kae, sasa haya haya maagu yapfenujwa ili kula mumodza aweze kuyasikia na kuyaimuka. Huyu Muungu eyenaishi maishi na maishi, kahuamuru swiswi ntumi wakwe huyawasumwiiye wantu wa vyeet̯i vyonse, ili kula muntu aweze kumuhikiza na kumut̯ii Yesu Kirist̯o.

Warumi 16:6

Nikedhyeani na Maria, huyu muke ahendeye kazi muno kwa dzambo ḍyenu.

Warumi 2:7

Hawaḍe weonagija kuhenda mema na kulacha kwamba Muungu awakuzye na kuwahendeza wapfegwe hila na kuwa na maisha yasiyosia; wantu dzao, Muungu anawapfa maisha ya kuunga na yuungo.

1 Wakorint̯o 13:13

Dza viivyo haya mambo mohahu, yani faro, madzikwat̯yo na matsako, ntaya mwiso. Na dzambo kuu ḍya mwiso ni matsako.

1 Wakorint̯o 15:58

D̯ubva wandugu watsakwa, sumamani kiyume na mutset̯et̯eleka. Dziyavyeni kuihenda kazi ya Ḅwana kut̯wa, mukimanya ya kwamba hweka ḍyenu kwa kazi ya Ḅwana ntaḍiwezi kuhika ḅasi.

2 Wakorint̯o 2:17

Swiswi ntahukwaa dza wangine wenji na wenji weonahwaa kusumwiiya chuuwo cha Muungu dza kwamba ni bit̯i t̯u ya kudzilachia maisha. Ishinu, swiswi hunasumwiiya na myojo midheru usoni kwa Muungu, kwa kwamba ndiye ahuhumie na hu wahumisi wa Kirist̯o.

Wagalatia 1:4

Kirist̯o kadziyavya maishaye kahufwiya, apate kuhunwiiya nabvise zehu ili ahupfonye na mazuka ya wantu wa huju huju lumwengu. Hivi kavihenda kuuḅana na miro ya Muungu, eye Baba jwehu.

Wagalatia 5:13

Nywinywi, wandugu, muhanwa mupate kuishi maisha ya wantu weo huru. Ela hu huu uhuru nautseewa kipfangizo cha kuyatsa t̯amaa zenu za kimwii zimut̯awale. Ishinu humikianani na matsako,

Wagalatia 5:6

Koro kuzimuni mwa Kirist̯o Yesu, kuhinywa ambu kutsahinywa kwa muntu ntaku maana yaḍeyonse. Cha mud̯a ni serefano yehu kwa Kirist̯o iyonaonekana kuchiiya na kwa haya matsako hwiyonayo.

Wagalatia 6:9

Nahutsetsoka kuhenda mema, koro hukitsaafwa mojo, nsiku idzakudza hudzepfovuna mema.

1 Watesalonike 3:6

Ela sasa myojo ihuingamaa, maanaye Timoteo kahuyehea maagu ya kwamba, amaale mugija kusumama faroni na mutsakana nywinywi na nywinywi. Na kahwamba kwamba, amaale mwakuhukumbukani muno, na muna kaja muno ya kuhuona kawii dza hivi vyehu hwivyo na kaja nkuu ya kumuona.

2 Watesalonike 1:11

D̯ubva naswi, hunamuyombea kwa Muungu kut̯wa, apate kumuhwaa dza wantu muishiyeo haya maisha amuhaniiyeyo muishi. Na pia, hunamuyombea ili Muungu kwa nguvuze amuwezese kuhenda kula dzema mwiḍyonatsaka kuhenda kwa dzambo ḍya kumuserefat̯a Ḅwana Yesu.

2 Watesalonike 1:3

Wandugu zangu, swiswi hunamala kumuyaviza ḍuḍa Muungu kut̯wa kwa dzambo ḍyenu. Ni hachi kwehu kuhenda hivi, kwa dzambo ḍya kwamba faro yenu igija kukuya zaid̯i na zaid̯i na mwakugijani kutsakana zaid̯i na zaid̯i.

1 Timoteo 1:14

Ḅwana kanifwiya t̯ei muno na kaniyanga kwamba kanitsaka. Kanihendeza nimuhikize na mojo na kanimpa kuwatsaka wahikiza wenzangu, koro hwonse hwakuishini hariani mwa Kirist̯o Yesu.

1 Timoteo 2:3

Hivi ni urembo, na vinamutsakiza Muungu mupfonya jwehu,

Waeburania 10:36

Nywinywi munamala kuit̯isa ili mupate kut̯imiza miro ya Muungu makisa mupfokeye haya amuahid̯iyeyo.

Waeburania 11:17

Muungu epfomuḍema Iburahimu amuyavye mwanawe Isaka mvuugiya, Iburahimu ewa ka t̯ayari kwa kwamba ewa kamuserefat̯a Muungu. Muungu ewa kamuahid̯i kamwamba, “Huju yuvyee nikuahid̯iyejo unajupata kuchiiya na kwa Isaka,” na huku Iburahimu ewa ka t̯ayari kumuyavya dza mvuugiya mwanawe madiani.

Waeburania 13:21

Nyakumuyombeani kwamba, huyu Muungu eyenangiza naghea, amumpe kula kintu chema mwicho na t̯uri nacho mupate kuhenda miroye. Na nyakuyombani kwamba, kuchiiya na kwa Yesu Kirist̯o, Muungu ahende hayaḍe yeyonamutsakiza kuzimuni mwehu. Na Yesu ashad̯we maishi na maishi, Amina.

Waeburania 4:11

D̯ubva naswi nahujwaniye kunjia huku kuntu kwa kuyavya hara kwa Muungu ahuwekeeko. Nakutseewa hat̯a mumodza jwehu jwa kutsaat̯ii dza hawaḍe weokuwa hukuḍe yuwandani na wakishindwa kuinjia hi nsi ya kuyavya hara.

Waeburania 6:15

Iburahimu kait̯isa, na haya ya Muungu amuahid̯iiyeyo yamuwea.

1 Pet̯ero 3:4

Ela rembo ḍyenu naḍiwe kuzimu ya myojo yenu. Naḍiwe rembo ḍisiḍyosia, ḍya myojo mimpowe na iingamaiyeyo, iyo ya thamani nkuu usoni kwa Muungu.

1 Yohana 3:18

Wanangu watsakwa, matsako yehu ni kutsaawa matsako ya vyuuwo na kanwa ḅasi hat̯a! Ni had̯i yawe matsako ya ḍugha na huyayange na mahendo.

1 Yohana 3:21

D̯ubva watsakwa, ikiwa kwamba myojo yehu ntaikwakuhuḍiani, ntahuwezi kuwa na oga hukwakumuyombani Muungu.

1 Yohana 3:3

Kula muntu eyekudzikwat̯yani kumuona Kirist̯o, anadziweka udheruni, dza vya Kirist̯o aivyo Mudheru.

1 Yohana 5:3

Koro kumutsaka kwehu Muungu, ni kuzigija hizi amurize. Na kuzigija amuri zakwe si vyumu hat̯a,

Upfenuo wa Yohana 2:19

Mimi niyamanya mahendo yenu yonse. Nimanya matsako yenu, faro yenu, kuit̯isa kwenu na uhumisi wenu. Na nimanya kwamba haya mwiyokuhendani hi hii saasambi, yachia hayaḍe mwiyomukihenda d̯ura.

Upfenuo wa Yohana 3:10

Na kwa kwamba nywinywi muit̯isa dza nivyomuamuru, nami namuchinga ne d̯ina idzeyokudza kuwaḍema wantu wonse weo lumwenguni.