1 Wakorint̯o 9:26 - Pokomo

²⁶ Ndiyo maana sidzid̯aramiye ḅasi, na sijwane dza muntu eyekudzipfanukiiyani makonde ḅasi ḅasi.

1 Wakorint̯o 9:26 ပူးပေါင်းရင်းမြစ်များ

Matayo 11:12

Hangu ngera ya Yohana aḍabviyeyo kusumwiiya hat̯a hi hii saasambi, haya maagu dzuu ya Uhaju wa Mbinguni yakupfingwani kula pfantu. Na hao hao wantu weokuyapfingani, wakutsakani kuukuya Uhaju wa Mbingu na nguvu.

Luka 13:24

“Jwaniani kunjia na hu muḍyango mutseke, koro hachi nyakumwambiani, ni wenji wadzeotsaka kuunjia, ela ntawakudzaweza.

1 Wakorint̯o 14:9

Hat̯a nanywi, muntu anaimukadze aya mwiyokunenani ikiwa kwamba mwakunenani na lugha ngeni zisizoimukika? Vyuuwo vyenu vinakwenda na mpepfo.

2 Wakorint̯o 5:1

Koro humanya ya kwamba, ikiwa kwamba hiḍi hema ḍya hi mii yehu hapfa lumwenguni ḍikujwa, huna nyumba ya Muungu mwenye ahumbakiiyeyo mbinguni. Wala iyo ntaikumbakwa na mikono ya wanaad̯amu, na inakaa maishi.

2 Wakorint̯o 5:8

Swiswi ntahufwe mojo meshi, na hunaona ni heri kuiyawa hi nyumba ya hi mii yehu hwende hukakae na Ḅwana.

Wagalatia 2:2

Nyenda kwa dzambo ḍya kwamba Muungu ewa kayanga kwamba nyende. Na nipfokwenda, niwaimusya hawa wayongozi wamanyikaniyeo t̯u hi Injili niyonasumwiiya kwa wantu wa vyeet̯i. Nihenda hivi ili kwamba haya niyokuhendani na hayaḍe niyohenda, yatsekudzatsovyegwa maana.

Waefeso 6:12

Koro viha vyehu hwivyokujwanani ntahukwakujwanani na mwazi na nyama dzaswi! Ela hwakujwanani na mahaju ya mpepfo nzuka na sirikali zao. Hwakujwanani na nguvu za kiza zizokujut̯awalani huju lumwengu na nguvu za mpepfo nzuka ziizo humu angani dzuu.

Wafilipi 1:21

Koro ami kivyangu, ninkiishi nagija kumukuzya Kirist̯o na nikifwa pia ni faiḍa kwangu.

Wakolosai 1:29

Ndiyo maana hi hii kazi nyakuihendani na hiḍu muno. Nyakujwanani kuihenda na nguvu zangu zonse za Kirist̯o animpiyezo.

2 Timoteo 1:12

Ndiyo maana niyokukuntani d̯ina dzevihivi. Ela sidzafwa mojo, koro huyu nimuhikiziye nimumanya ya kwamba ni ga. Nina uhakika wa kwamba, ana uwezo wa kuyamia haya animpiyeyo, mumpaka nsiku ya mwiso.

2 Timoteo 2:5

Na muntu anjiiye mashindano ya mbio, nkawezi kushinda apfegwe t̯ubvo, ikiwa kwamba nkakuuḅa hizi sharia za mbio.

2 Timoteo 4:7

Dza vya muntu jwa mbio, nihenda kula niwezeyecho na hizi mbio nizid̯arama nizisa, na faro yangu sikuiyekeza.

Waeburania 12:1

D̯ubva, kwa kwamba hwakuyojwani ni wingu kuu na kuu ḍya mashaahiḍi wayangiyeo faro zao, nahuyekeze kula chichonahugija-gija na huiyatse hi nabvise iyonatsaka kuhuhabvaka. Nahud̯arame na d̯iḍa hizi mbio hungizijwezo.

Waeburania 4:1

Hi ahad̯i ya Muungu ya kuhupfiika hiḍe nsi ya kuyavya hara, amaale ipfo. D̯ubva nahuchimizeni, kutsekudzawa hat̯a mumodza jwenu jwa kuonekana kwamba kashindwa kuinjia hi nsi ya kuyavya hara.

1 Pet̯ero 5:1

D̯ubva nyakumuusiani nywinywi wazee wa matsanganiko, nikimufunda dza muzee mwenzenu, na ninkiwa dza shaahiḍi jwa mad̯ina ya *Kirist̯o akuntiyeyo. Na kawii nyakumuusiani ninkiwa dza mumodza jwa hawaḍe wakupfokea haya marembo ya Ḅwana yadzeyoyanganywa ngera adzeyokudza.

2 Pet̯ero 1:10

D̯ubva wandugu zangu, hendani kula mwichonaweza ili muyange kwamba Muungu kamutsana na kamuhana ḍugha! Mukihenda hivyo ntamunagwa nabviseni meshi.