1 Wakorint̯o 9:17 - Pokomo

¹⁷ Koro t̯ambere hi hii kazi nindeewa nyakuihendani kwa kutsaka kwangu, nindeewa na hachi ya kuipfwa; ela si kwa kutsaka kwangu mwenye, ni kazi Muungu kainimpa.

1 Wakorint̯o 9:17 ပူးပေါင်းရင်းမြစ်များ

Matayo 10:41

Yuḍejwonse amupfokeeye *nabii jwa Muungu kwa dzambo ḍya kwamba huyu nabii ni muhumisi jwa Muungu, huyo anapfokea t̯ubvo ḍiḍyonapfegwa manabii. Na yuḍejwonse amupfokeeye muntu muhachi kwa dzambo ḍya kwamba ni muntu mwema, huyo nae anapfokea t̯ubvo ḍiḍyonapfegwa wantu wahachi.

Matayo 24:25

D̯ubva chimizani, haya haya mambo nimayamwambia d̯ura yasidzahendeka.

Luka 12:42

Ḅwana kamwambukuya kamwamba, “Muhumisi mwema na eye muhikizika ni dza yu? Ni huyuḍe jwa kwamba huyu ḅwana jwakwe anaweza kumumpa muzigo wa kuit̯unza hi nyumbaye na kuwapfa chakuḍya hawa wantu wa hapfaḍe balabalani.

Yohana 4:36

Na hawa wavunai wamaakuipfwani kwa kazi yao weyokuhendani. Wechokuvunani ni hawaḍe wantu weokuhikizani, wadzeopfokea maisha ya kuunga na yuungo. Ndookomu hangu huyu eyenaima hat̯a eyenavuna, wonse wadzatsaika pfamodza.

1 Wakorint̯o 3:14

Na cha muntu ambakiyecho nacho hapfa musinjini kikipfona na hu moho, anapfegwa t̯ubvo.

1 Wakorint̯o 3:8

Huyu eyenaihodza hi mbeju na huyu eyenaihiiya madzi, wonse lengo ḍyao ni modza, na kula mumodza Muungu anamuipfa mala ya hwekaḍye ayaviyeḍyo.

1 Wakorint̯o 4:1

Swiswi huhwaeni dza wahumisi wa *Kirist̯o hwiwo na kazi ya kusumwiiya hizi ngadzi za hachi ya Muungu.

1 Wakorint̯o 9:16

Ela si hachi ya kudziona at̯i kwa dzambo ḍya kusumwiiya hi injili. Hangu d̯ura, nipfegwa amuri ya kuisumwiiya. Na nikitsaisumwiiya Muungu ananihukumu.

1 Wakorint̯o 9:18

Aya maipfo yangu ya kupfegwa ni kintu ga mani? Maipfo yangu ni huku kut̯oseka na kusumwiiya haya Maagu Mema pfasipfo kuhwaa kiḍechonse. Hizi hachi zangu nizonazo dza muntu jwa kusumwiiya haya Maagu Mema, mimi sizidzilachie.

2 Wakorint̯o 8:12

Koro muntu eye na mojo wa kuyavya, Muungu anapfokea hichiḍe echonaweza kuyavya; si ya kwamba anamuyoweeya muntu ayavye asichokuwa nacho.

Wagalatia 2:7

D̯ubva wahambuya kwamba Muungu kanitsana nisumwiiye Maagu Mema kwa wantu wasiokuwa Wayahud̯i, dza viviḍe evyomutsana Pet̯ero kuwasumwiiya hawa Wayahud̯i.

Wakolosai 1:25

Muungu kanitsana niwe muhumisi jwa hiḍi tsanganikoḍye. Jeje kanimpa kazi ya kumusumwiiya nywinywi wantu wa vyeet̯i, kula kintu dzuu ya hichi chuuwo chakwe.

1 Watesalonike 2:4

Kusumwiiya kwehu hunasumwiiya dza wantu wa Muungu atsakizijweo nao. Jeje kahuona wantu wahikizika na kahupfa kazi ya kusumwiiya *Maagu Mema dzuu ya Yesu *Kirist̯o. Naswi hukwakusumwiiyani, ntahusumwiiye kutsakiza wantu, hunasumwiiya kumutsakiza Muungu aimanyiye hi myojo yehu.

Filemoni 1:14

Ela sikutsaka kuhenda dzambo ḍiḍeḍyonse pfasipfo ruhusa yako. Na nihenda hivi ili ugijo uḍewonse udzeotsaka kunimpa, uweze kuunimpa kwa miro yako wewe mwenye pfasipfo kusharut̯iswa.