1 Wakorint̯o 7:14 - Pokomo

¹⁴ Koro huyu muyume mulumwengu anakuḅalika kwa Muungu kwa dzambo ḍya mukaziwe, na huyu muke mulumwengu anakuḅalika kwa Muungu kwa dzambo ḍya muumewe. T̯ambere si hivyo, hawa wana wao ntawandeewa wadheru, ela viivyo ni kwamba nao ni wadheru.

1 Wakorint̯o 7:14 ပူးပေါင်းရင်းမြစ်များ

Mahendo 10:23

D̯ubva Pet̯ero kawakaraḅisha hawaḍe wantu wayae pfapfaḍe. Chamukoche Pet̯ero kagijana na wandugu wangine wa Yopa, wanjia charoni pfamodza na hawaḍe wantu wahumijweo.

Warumi 11:16

Ikiwa kwamba muntu kayavya kiḍinku cha mukahe kwa Muungu, ḅasi hu mukahe wonse unawa mbwa Muungu. Koro sina ḍya muhi ḍikiwa ndya Muungu, ḅasi hu muhi wonse nao unawa mbwa Muungu.

1 Wakorint̯o 7:13

Na ikiwa kwamba muke Mukirist̯o ana muyume mulumwengu akuḅaliye kukaa nae, huyu muke ni kutsamuyawa huyu muyume.

1 Timoteo 4:5

Kwa dzambo ḍya kwamba, hichi chuuwo cha Muungu na haya mayombo, yanavihendeza viwe vidheru.

Tito 1:15

Kwa hawaḍe weo wadheru, ntaku kisichokuwa kidheru. Ela kwa hawaḍe wanangijweo ni nabvise na wasiohikiza, ntaku chicho kidheru, koro akili zao na myojo yao inangwa ni nabvise.