1 Wakorint̯o 6:14 - Pokomo

¹⁴ Kwa nguvuze, Muungu kamufufuya Ḅwana kuyawa kwa wafu, na hat̯a naswi kadzahufufuya.

1 Wakorint̯o 6:14 ပူးပေါင်းရင်းမြစ်များ

Mahendo 17:31

Koro kesakutsana nsiku ya kujuhukumu lumwengu jwonse na hachi kuchiiya na kwa muntu amutsaniye. Hivi kaviyanga kwa kula muntu epfomufufuya huyu muntu kuyawa wafuni!”

Mahendo 2:24

Ela Muungu kamufufuya kuyawa kwa wafu. Kamunwiiya tsungu wa kufwa, kwa dzambo ḍya kwamba kifo ntachindeweza kumuweka mufungwa.

Mahendo 2:32

D̯ubva Muungu kamufufuya yuyo Yesu kuyawa kwa wafu, naswi hwonse humuona na matso yehu wenye.

Warumi 8:11

Na kwa kwamba huyu Ruhu jwa huyu Muungu amufufwiiye Kirist̯o Yesu kuyawa kwa wafu ka kuzimuni mwenu, ḅasi yuyuḍe amufufwiiye Kirist̯o anamumpa maisha mapfya nywinywi mwiwo na mii ya kufwa. Nevihivi anavihenda kuchiiya na kwa huyu Ruhu jwakwe eye kuzimuni mwenu.

1 Wakorint̯o 15:23

Kula muntu anafufujwa na waaḍye. Kirist̯o kafufujwa d̯ura, kisa adzepfokudza, hawaḍe wonse weo wakwe nao wanafufujwa.

2 Wakorint̯o 13:4

Hat̯a ingawa Kirist̯o kapfatsikwa muhini mwa mpatsa kwa dzambo ḍya kutsowa nguvu, sasa kakuishini kwa nguvu za Muungu. Hat̯a naswi, ntahu nguvu, ela hunaishi kwa nguvu za Muungu kumuhumikia nywinywi.

2 Wakorint̯o 4:14

Koro humanya ya kwamba, Muungu amufufwiiye Ḅwana Yesu, kadzahufufuya naswi dza evyomufufuya Yesu. Makisa anahuhwaa swiswi pfamodza nanywi, anahuweka usoni kwa Yesu.

Wafilipi 3:21

Adzepfokudza, hi mii yehu midhaifu kadzaiperuya na uwezowe, iwe dza hu mwiiwe wa marembo. Hu huu uwezowe ndiwo adzeoutumia awe mut̯awala jwa kula kintu.

1 Watesalonike 4:14

Dza huhikiziyevyo kwamba Yesu kafwa na kafufuka, ndivyo pia huhikiziyevyo kwamba, ngera ya Yesu adzeyokudza mweedha wa pfii, Muungu kadzawahwaa hawaḍe wonse wafwiyeo wakiwa kwamba wamuhikiza Yesu.