1 Wakorint̯o 4:11 - Pokomo

¹¹ Mumpaka hi saasambi hwakufwani nzaa na nchiu, hwakuvwaani nt̯and̯aro, hwakubigwani, na ntahu madzumba ya kukaa.

1 Wakorint̯o 4:11 ပူးပေါင်းရင်းမြစ်များ

Matayo 8:20

Ela Yesu kamwamba, “Hamabworama wana mpango zao, na nyuni wana vitsanza vyao. Ela mimi *Mwana jwa Ad̯amu, hat̯a pfantu pfa kujufinikiza yukopfe si kintu.”

Mahendo 14:19

Makisa kudza Wayahud̯i wangine kuyawa Antiokia ya ḍyimbo ḍya Pisidia na wangine kuyawa Ikonio. Wawahendeza hawa wantu wawapfyehukie hawa ntumi wowii. D̯ubva wamubiga Paulo na mawe na wamukururya wamuyavya nze ya hu mudzi, wakit̯ara kwamba ewa kamaafwa.

Mahendo 16:23

Wepfowabiga vyumuni wakisa wawangiza gerenzani, na huyu mwamia kapfegwa amuri ya kuwafungia gu.

Mahendo 23:2

Huyu *Mukohani Mukuu Anania epfovisikia hivi, kawaamuru hawaḍe weosumama hafufi na Paulo wamubige mapfi ya miyomu.

Warumi 8:35

D̯ubva ni ga eyenaweza kuhut̯anya na tsako ḍya Kirist̯o kwehu? Yuhangaiko ambu mad̯ina, vinaweza kuhut̯anya na tsako ḍya Kirist̯o? Kukuntiswa d̯ina, nzaa ambu umasikini vinaweza kuhut̯anya na tsakoḍye? Ehe hat̯ari iḍeyonse ambu kifo vinaweza kuhut̯anya? Moro ntaviwezi!

1 Wakorint̯o 9:4

Munamba mimi si hachi ya kupfegwa chakuḍya na madzi ya kunwa kwa kazi yangu dza ntumi?

2 Wakorint̯o 11:20

Munait̯isia hat̯a wantu weonamuhendeza nywinywi dza wahumwa, ambu weonadzihendeza dza ndumi kwenu, ambu weonamuḍyuurisa, ambu weonadzihwaa dza wakuu, ambu weonamuhendea mazuka yangine menji na menji.

2 Wakorint̯o 4:8

Hunakuntiswa d̯ina na kula njia, ela ntahudhimwe; kajela zinahunjia ela ntahufwe mojo.

Wafilipi 4:12

T̯uri niumanya na hali ya kuwa na vinji pia niimanya. Nidziyongweeza hi hii siri ya kwamba ngera zonse na pfaḍepfonse nipfonawa, ninkiwa na kufa ambu ninkiwa na nzaa, ninkiwa na vya kut̯osa ambu ninkiwa na t̯uri, mimi nafuruma na kula hali.

2 Timoteo 3:11

Kumanya namuna nionesejwevyo tsungu na kukuntiswa d̯ina nipfokuwa Antiokia, Ikonio na Lusitira. Yewa mad̯ina mazuka muno niit̯isiyeyo! Ela Ḅwana kaniyavyanya na haya haya mad̯ina yonse.