1 Wakorint̯o 3:11 - Pokomo

¹¹ Si ya kwamba kuna musinji ungine wa kuwekwa hat̯a, koro Muungu kesakumuweka Yesu Kirist̯o jeje heket̯u akae dza hu musinji.

1 Wakorint̯o 3:11 ပူးပေါင်းရင်းမြစ်များ

Matayo 16:18

Nami nyakukwambiani Pet̯ero, wewe u mwamba. Na dzuu ya hu huu mwamba naḍimbaka tsanganiko ḍyangu na hat̯a nguvu za kufwa ntazikudzaḍishinda.

1 Wakorint̯o 3:10

Kwa ubyeka wa Muungu animpiyeo, nihenda kazi ya byeka jwa kumbaka na niweka musinji, na wantu wangine wakumbakani dzuu ya hu huu musinji. Ela kula mumodza nat̯unze namuna evyokumbakani.

1 Wakorint̯o 3:12

Wantu wangine wanambaka na dhahaḅu, ambu mawe ya fwedha, ambu mawe yangine yaḍeyonse ya thamani dzuu ya hu musinji; na wangine wanambaka na mihi, nyasi ambu maḅuwa.

Waefeso 2:20

Nywinywi mwaa dza mawe yambakijweyo dzuu ya hu musinji uwekejweo ni hawa *ntumi na manabii. Na Yesu Kirist̯o mwenye ndiye hiḍi iwe muhimu ḍya mwiso.

2 Timoteo 2:19

Ela Muungu kaḍisumamisa hiḍi tsanganiko ḍyakwe dza musinji mumu gu usiosukusika. Na hu musinji woregwa hivi vyuuwo hivi: “Ḅwana kamanya weo wakwe.” Na kawii woregwa hivi: “Yuḍejwonse ambiye njwa Ḅwana, ni had̯i ayayatse mazukaye.”

1 Pet̯ero 2:4

*Kirist̯o ka dza iwe muhimu ḍya mwiso ḍya kumbakia *Hekalu ya Muungu. Katsanigwa dza iwe ḍya thamani ḍya kumbakia ela wantu waḍidziza. Kenge nywinywi nzoni kwakwe.