1 Wakorint̯o 15:57 - Pokomo

⁵⁷ Ela nahumushad̯eni Muungu! Jeje anahupfa ushindi dzuu ya kufwa na dzuu ya nabvise kuchiiya na kwa Ḅwana jwehu Yesu Kirist̯o.

1 Wakorint̯o 15:57 ပူးပေါင်းရင်းမြစ်များ

Yohana 16:33

Nimwambia haya haya mambo yonse, ili mupate kuingamaa myojo kwa dzambo ḍya kuwa na uharia nami. Gula huju lumwengu junamukuntisa d̯ina, ela namutseefwa mojo, mimi nijushinda lumwengu.”

Mahendo 27:35

Epfokwisa kunena hivi Paulo kahwaa mukahe, kamuyaviza asant̯a Muungu usoni kwao wonse, makisa kauvunza na kaḍabva kuḍya.

Warumi 7:25

Ela namuyaviza ḍuḍa Muungu, koro ananipfonya kuchiiya na kwa Ḅwana jwehu Yesu Kirist̯o! Ndookomu munaona namuna viivyo. Humu mojoni mwangu natsaka kuit̯ii hi Sharia ya Muungu, ela kwa dzambo ḍya hu ubenaad̯amu wangu, nigala muhumwa jwa hi sharia ya nabvise.

Warumi 8:37

Ela kwa haya haya yonse huna ushindi mukuu muno kuchiiya na kwa huyu ahutsakiye!

1 Wakorint̯o 15:51

T̯anipfindiiyani, nyakumwambiani siri: Hwonse ntahukudzafwa tswee hat̯a. T̯arumbet̯a ya mwiso wa lumwengu idzepfobigwa, iyo saa, dza kupfesa hunakoranywa hi mii. Koro hi t̯arumbet̯a idzepfoiya, hawa wafwiyeo wanafufujwa na mii ya kutsaafwa kawii. Naswi mii yehu hwonse inakoranywa.

2 Wakorint̯o 1:11

mala mudzeyogija kuhuyombea. Wantu wenji wanahuyombea, na Muungu anasikia mayombo yao, anahuvodhya. Ndookomu wantu wenji wanamuyaviza Muungu ḍuḍa kwa kuhuvodhya.

2 Wakorint̯o 2:14

Ela Ḅwana ashad̯we! Swiswi hwiwo hariani mwa Kirist̯o, Muungu kahuweka dza maheka wa Kirist̯o. Kahuhendeza humuuḅe Kirist̯o dza maheka akwakuyangani ushindi wakwe. Muungu kakuhutumiani swiswi kusumwiiya haya maagu dzuu ya Kirist̯o kula pfantu, yakad̯achaa dza manunkanto.

2 Wakorint̯o 9:15

Hunamuyaviza Muungu ḍuḍa kwa hi nt̯unu yakwe ahupfiyeyo, husiyoweza kuipara na vyuuwo.

Waefeso 5:20

Muyavizeni ḍuḍa Muungu Baba jwehu kut̯wa kwa kula ḍiḍyokuhendekani, kwa kwamba mu wantu wa Ḅwana jwehu Yesu Kirist̯o.

Waeburania 2:14

Kwa dzambo ḍya kwamba hawa wana wa Muungu ni wanaad̯amu waumbijweo na mwazi na nyama, Yesu nae kawa dzao. Kahenda hivi ili kwamba, kwa kufwakwe aweze kumunanga-nanga Shaat̯ani eye na nguvu za kuyaga wantu.

Upfenuo wa Yohana 12:11

Hawa wenzehu wamushinda Shaat̯ani kwa dzambo ḍya hu mwazi wa huyu Mwana Mbuzi wihijweo na kwa dzambo ḍya ushuhuḍa wao weo nao. Koro ntawakuyahwaa maisha yao kuwa na maana, ela wewa t̯ayari hat̯a kufwa kwa dzambo ḍya Ḅwana.

Upfenuo wa Yohana 21:4

Na Muungu anawafuta mitsozi yao yonse. Ntakuwe vifo kawii wala masikit̯iko. Na wala ntakuwe chiiyo kawii ambu tsungu uḍewonse, koro ya kae yesakuchia.”