1 Wakorint̯o 15:51 - Pokomo

^51-52 T̯anipfindiiyani, nyakumwambiani siri: Hwonse ntahukudzafwa tswee hat̯a. T̯arumbet̯a ya mwiso wa lumwengu idzepfobigwa, iyo saa, dza kupfesa hunakoranywa hi mii. Koro hi t̯arumbet̯a idzepfoiya, hawa wafwiyeo wanafufujwa na mii ya kutsaafwa kawii. Naswi mii yehu hwonse inakoranywa.

1 Wakorint̯o 15:51 ပူးပေါင်းရင်းမြစ်များ

1 Wakorint̯o 13:2

Na naweza kuwa na t̯ola ya kusumwiiya maagu ya Muungu, naweza kumanya kula kintu na kuimuka ngadzi zonse, naweza kuwa na faro ya kut̯osa kusamya mirima, ela ninkitsaawa na matsako kwa wangine, mimi si maana yaḍeyonse.

1 Wakorint̯o 15:18

Na vindeewa na maana ya kwamba, hawaḍe wafwiyeo wakiwa wamuhikiza Kirist̯o, wao waara.

1 Wakorint̯o 15:20

Ela viivyo ni kwamba, Kirist̯o kafufujwa kuyawa kwa wafu dza hakikisho kwamba hawaḍe wafwiyeo wadzafufujwa.

1 Wakorint̯o 15:6

Nyumae kadzakawat̯upukia wahikiza magana matsano kwa mweedha. Wangine wao wesakufwa, ela wenji wao amaale waa mojo.

1 Wakorint̯o 2:7

Hi mvidhyo hwiyokusumwiiyani, ni ngadzi ya mvidhyo ya Muungu eyoiwafitsa wantu. Ela ewa kahuna kuhungiza maremboni mwakwe hangu lumwengu jusidzaumbwa.

1 Wakorint̯o 4:1

Swiswi huhwaeni dza wahumisi wa *Kirist̯o hwiwo na kazi ya kusumwiiya hizi ngadzi za hachi ya Muungu.

2 Wakorint̯o 5:2

Na hi hii saasambi hwakufwani na t̯amaa ya kuvwikwa na dzuu mii yehu ya kimbinguni.

2 Wakorint̯o 5:4

Hukwaa humu mwa hiḍi hema ḍya mii yehu hunadziona kukandamizwa na hunauguya. Si ya kwamba hunatsaka kuivuya hi mii yehu, ela hunatsaka kuvwikwa na dzuu hi mii yehu ya kimbinguni, ili kwamba mii yehu iyonafwa iperuzwe kuwa mii isiyofwa.

Waefeso 1:9

kaihupfenwiiya hi ngadziye kuchiiya na kwa Kirist̯o. Kahenda hivi kwa kwamba wiwa ni mupangowe.

Waefeso 3:3

Muungu kainipfenwiiya hi ngadziye iyofitsika kwa wantu. Nami nisakumworea kwa uchuchu dzuu ya hi hii ngadzi.

Waefeso 5:32

Hapfa kuna siri nkuu iyokuneneani namuna ya Kirist̯o na hiḍi tsanganiko waivyo kintu kimodza.

Wafilipi 3:21

Adzepfokudza, hi mii yehu midhaifu kadzaiperuya na uwezowe, iwe dza hu mwiiwe wa marembo. Hu huu uwezowe ndiwo adzeoutumia awe mut̯awala jwa kula kintu.