1 Wakorint̯o 15:16 - Pokomo

¹⁶ Maanaye, ikiwa kwamba hawa wafu ntawakwakudzafufujwa, ḅasi hat̯a Kirist̯o nae nkakufufujwa kuyawa kwa wafu.

1 Wakorint̯o 15:16 ပူးပေါင်းရင်းမြစ်များ

Warumi 8:11

Na kwa kwamba huyu Ruhu jwa huyu Muungu amufufwiiye Kirist̯o Yesu kuyawa kwa wafu ka kuzimuni mwenu, ḅasi yuyuḍe amufufwiiye Kirist̯o anamumpa maisha mapfya nywinywi mwiwo na mii ya kufwa. Nevihivi anavihenda kuchiiya na kwa huyu Ruhu jwakwe eye kuzimuni mwenu.

1 Wakorint̯o 15:15

Na zaid̯i ya hayo, hundeonekana kwamba hwakunenani nsuwe dzuu ya Muungu, hukyamba, kamufufuya Kirist̯o kuyawa kwa wafu. Koro ikiwa kwamba hawa wafu ntawakwakudzafufujwa, ḅasi Muungu nae nkakumufufuya Kirist̯o kuyawa kwa wafu.

1 Wakorint̯o 15:17

Na t̯ambere Kirist̯o andeewa nkakufufujwa kuyawa kwa wafu, ntamundeewa na kintu cha kuhikiza, na mundeewa amaale mwakut̯awaligwani ni nabvise zenu.

1 Wakorint̯o 15:29

Ikiwa kwamba ntaku kufufuka kwa wafu, awa weonat̯opyegwa kwa dzambo ḍya wafu wakuyoweeyani? Ambu t̯ambere wafu ntawakwakudzafufujwa, kuna haḍya ga ya kut̯opyegwa kwa dzambo ḍyao?

1 Wakorint̯o 15:4

Na ya kwamba kazikwa, na kafufujwa nsiku ya hahu, dza vya matsoro yaneneyevyo.