1 Wakorint̯o 14:34 - Pokomo

³⁴ hawa wake ni kukaa wakinyamaa mya wantu wepfonatsanganika kwa mayombo. Ntawa ruhusa ya kunena, dza vya *Sharia ya Musa yambiyevyo kwamba, ni had̯i wawe wantu wa kut̯ii.

1 Wakorint̯o 14:34 ပူးပေါင်းရင်းမြစ်များ

1 Wakorint̯o 11:13

Viyoweni nywinywi: Ni sawa kwa muke kumuyomba Muungu wekeani akiwa nkakudzifunga kit̯ambaa cha kitswa?

1 Wakorint̯o 11:3

Ela natsaka mumanye ya kwamba, Kirist̯o ndiye kitswa cha muyume. Huyu muyume ndiye kitswa cha mukaziwe, na Muungu ndiye kitswa cha Kirist̯o.

1 Wakorint̯o 11:5

Na muke yuḍejwonse eyenayomba na kusumwiiya Maagu ya Muungu pfasipfo kudzifunga kiḍechonse humu kitswani, huyo kakumugizani yutswa muumewe; ni sawa na kwamba kapfeejwa hiki kitswa.

1 Wakorint̯o 14:21

Dza vya matsoro yaneneyevyo yakyamba, “Ḅwana kamba, ‘Kwa njia ya manwa ya wageni, na kwa njia ya wantu weo na lugha ngeni, nanena na hawa wantu, ela hat̯a vivyo ntawat̯onisikia.’ ”

1 Wakorint̯o 14:35

Wakitsaka kuuza dzambo, ni kuwauza wayume wao madzumbani, koro ni yutswa kwa muke kunena usoni ya tsanganiko.

Waefeso 5:33

Hat̯a vivyo, haya yanamuhusu nanywi pia. D̯ubva kula muyume ni had̯i amutsake mukaziwe dza adzitsakiyevyo mwenye, na kula muke ni had̯i amuhile muumewe.

Wakolosai 3:18

Nywinywi wake, kula mumodza jwenu ni kudziweka nsii ya muumewe, koro ndivyo vya wake wa Kikirist̯o wevyonamala kuhenda.

Tito 2:5

Ni had̯i wawayongweeze kuwa wake wa akili na wadheru na kuwa wahiḍu, weonawat̯ii wayume wao, ili kutseewa muntu jwa kuchinenea mazuka chuuwo cha Muungu.