1 Wakorint̯o 12:28 - Pokomo

²⁸ Humu tsanganikoni, Muungu katsana wantu. Wa d̯ura ni hawa *ntumi, wa pfii ni hawa weonasumwiiya Maagu ya Muungu, na wa hahu ni hawa waalimu. Kisa kuna na wahenda mambo ya mafara, wakiuḅwa ni hawaḍe weo na mat̯ola ya kupfoza wajwazi na hawaḍe weonaweza kusaiḍia wasiodziweza. Kisa kuna na hawaḍe weo na mat̯ola ya kusumamia wantu na hawaḍe weonaweza kunena na lugha ngeni.

1 Wakorint̯o 12:28 ပူးပေါင်းရင်းမြစ်များ

Marko 16:17

Na hivi vihambwiizo hivi vinauḅana na hawaḍe wahikiziyeo: Wadzayavya mpepfo nzuka kwa sari ḍyangu, na wadzanena na lugha ngeni.

Luka 6:14

Hawaḍe eotsana wewa ni hawa: Simioni eyeakihanigwa Pet̯ero, na ndugujwe eyeakihanigwa And̯erea. Wangine ni Yakobo na Yohana, Filipo na Bat̯olomayo,

Mahendo 11:27

Hiziḍe ngera manabii wangine wanuka na Yerusalemi wenda Antiokia.

Mahendo 20:28

Dzit̯unzeni wenye na kuwat̯unza wahikiza wonse wayatsijweo mikononi mwenu ni Ruhu Mudheru. Wani wat̯ikisa wa tsanganiko ḍya Muungu, aḍidzigwiiyeḍyo kwa mwazi wa Mwanawe.

1 Wakorint̯o 10:32

Ikaani na njia ya kwamba ntamuwezi kumuhendeza Muyahud̯i ambu muntu asikwaa Muyahud̯i, ambu tsanganiko ḍya Muungu kugwa nabviseni.

1 Wakorint̯o 12:18

Ela hivi viivyo ni kwamba, kula kiiriiri humu mwiini, Muungu kachiweka dza atsakiyevyo mwenye.

1 Wakorint̯o 12:29

Si wonse kwamba ni ntumi, wala wasumwiiya maagu ya Muungu, ambu waalimu. Na si wonse weo na mat̯ola ya kuhenda mambo ya mafara,

1 Wakorint̯o 12:30

ambu ya kupfoza wajwazi, ambu ya kunena lugha ngeni, ambu ya kuimusya wantu haya yeyonanenwa na hizi lugha.

1 Wakorint̯o 14:2

Muntu eyenanena na lugha ngeni wantu ntawamuimuke. Kwa nguvu za Ruhu jwa Muungu huyu muntu ananena mambo yasiyoimukika. Kunena kwakwe ndiye na Muungu t̯u, nkanene na wantu wangine.

1 Wakorint̯o 14:4

Muntu eyenanena na lugha ngeni anadzimbaka jeje heket̯u, ela muntu jwa kusumwiiya maagu ya kuyawa kwa Muungu anaḍimbaka tsanganiko zima.

1 Wakorint̯o 14:5

Gula nindetsaka kula mumodza jwenu anene na lugha ngeni. Ela zaid̯i, nindetsaka muwe na t̯ola ya kusumwiiya Maagu ya kuyawa kwa Muungu. Koro muntu eyenasumwiiya maagu ya kuyawa kwa Muungu ana maana zaid̯i kuchia muntu eyenanena na lugha ngeni, lamud̯a t̯u kuwe muntu jwa kuimusya wantu haya eyokunenani ili tsanganiko zima ḍipate kumbakika.

Waefeso 2:20

Nywinywi mwaa dza mawe yambakijweyo dzuu ya hu musinji uwekejweo ni hawa *ntumi na manabii. Na Yesu Kirist̯o mwenye ndiye hiḍi iwe muhimu ḍya mwiso.

Waefeso 3:5

Hangu kae na kae hi hii ngadzi ntaikumanyigwa ni muntu. Ela sasa, Ruhu Mudheru kaiwapfenwiiya hawaḍe wantu watsanijweo byeka ni Muungu kuwa *ntumi na manabii wakwe.

1 Timoteo 5:17

Hawa wazee weonahenda kazi nyema ya uyongozi, na haswa hawaḍe weonasumwiiya na kuyongweeza na hiḍu, wanamala kuhilwa na kuipfwa urembo.

Waeburania 13:17

Wat̯iini wayongozi wenu na muuḅe hivi wevyonamwambia. Wao wakudzitsovyani nsoho kwa dzambo ḍya kumumuud̯amia nywinywi, maanaye ni had̯i wadzewamuyange Muungu hi kazi yao wahendeyeyo. Wat̯iini wapate kuihenda kazi yao na tsekea. Mukitsawat̯ii, kazi yao inawa nyumu na wanaihenda na tsungu, ndookomu hi kazi yao ntaimufaiḍi na kintu.

Waeburania 13:24

Hukedhyeyeni wayongozi wenu na wantu wonse wa Muungu. Hawa wandugu wa Ut̯aliano nao wamukedhya nto.