1 Wakorint̯o 11:25 - Pokomo

²⁵ Wakimaaḍya wakisa, kahwaa hichi chikombe dza viviḍe evyohenda d̯ura, na kamba, “Hichi chikombe cha mvinyo ni ḍamano ipfya ḍya Muungu, ḍiwekejweḍyo na mwazi wangu. Kula mwipfonainwa, inweni kunikumbuka mimi.”

1 Wakorint̯o 11:25 ပူးပေါင်းရင်းမြစ်များ

Luka 22:20

Dza vivyo, kahwaa na hichi chikombe che mvinyo kachiwapfa wakisa kuḍya, kawamba, “Hichi ni chikombe cha ḍamano ipfya ḍya Muungu, ḍidzeḍyot̯imizwa ni mwazi wangu, mwazi udzeohigwa kwa dzambo ḍyenu.”

1 Wakorint̯o 10:16

Hukwakunwani achi chikombe kivodhyejwecho, hwichonakiyavia ḍuḍa kwa Muungu, ntahukwakuharianani mwazini mwa Kirist̯o? Na au mukahe hwionavunza hukaḍya, ntahukwakuharianani mwiini mwa Kirist̯o?

1 Wakorint̯o 11:24

kamuyaviza ḍuḍa Muungu, kisa kauvunza na kamba, “Hu ni mwii wangu uyavijweo kwa dzambo ḍyenu. Uḍyeni mupate kunikumbuka.”

2 Wakorint̯o 3:14

Akili zao zifinikizika. Na mumpaka yeo akili zao zifinikizwa na jujuḍe yuhadzi wakwakusomejwani vyuo vya ḍamano ḍya kae. Huju yuhadzi junavuka t̯u hapfaḍe pfa muntu epfonamuhikiza Kirist̯o.

2 Wakorint̯o 3:6

Jeje ndiye ahuwezesee kuwa wahumisi wa hiḍi ḍamano ipfya. Humu mwa hiḍi ḍamano ipfya wantu ntawat̯ii *Sharia yorejweyo, ela wanamut̯ii huyu Ruhu jwa Muungu. Hi Sharia yorejweyo inangiza wantu kufwani, ela huyu Ruhu anangiza wantu maisha ya kiruhu.

Waeburania 13:20

Muungu ndiye amufufwiiye Ḅwana jwehu Yesu, eye Mut̯ikisa Mukuu jwa hizi mbuzi. Jeje ni mut̯ikisa mukuu kwa dzambo ḍya kudziyavya kwakwe dza mvuugiya akifwa. Hu mwaziwe uwa ndiwo mwazi wa hiḍi ḍamano ḍya maishi kahi ya Muungu na wanaad̯amu.