1 Wakorint̯o 1:20 - Pokomo

²⁰ D̯ubva awa wantu weo na mvidhyo, weo wasomi ambu weo mad̯ubat̯a wa huju huju lumwengu, wanawa ku? Muungu kayanga kwamba mvidhyo ya wantu wa huju huju lumwengu ni uḍyura muhupfu!

1 Wakorint̯o 1:20 ပူးပေါင်းရင်းမြစ်များ

Matayo 13:22

Hiziḍe mbeju zigwiyezo miwani ni dza hawaḍe weonakisikiiya chuuwo cha Muungu, ela mirumiru za maisha na makulekule ya ujabva wa huju lumwengu vinawalinga na kukishumpanya hichi chuuwo. Ndookomu hichi chuuwo ntakivyae matunda yaḍeyonse myojoni mwao.

Yohana 12:31

Ngera ya Muungu ya kujuhukumu lumwengu imaafika, na huyu haju jwa huju lumwengu anakujwa.

Mahendo 17:18

Waalimu wangine weonahanwa *Waepikuro na *Wasitoiko nao pia waḍaat̯iana nae. Wangine wamba, “Ḍyakunenani, aḍi karachacha aḍi?” Wangine wamba, “Kaa dza kwamba kakunenani dzuu ya miungu migeni.” Wanena dza hivi kwa dzambo ḍya kwamba Paulo ekisumwiiya dzuu ya Yesu na ufufuo.

Warumi 1:20

Hangu kuumbwa kwa lumwengu, wantu wesakuviona hiviḍe vyonse vya Muungu aumbiyevyo. Yani kuchiiya na kwa hivi aumbiyevyo, wanaad̯amu wesakuuona hu Umuunguwe na uwezowe usiwo chima, ingawa jeje mwenye nkaonekane na matso. Ndookomu ntawa kipfangizo kiḍechonse cha kutsamut̯ii Muungu!

Warumi 1:22

Wanakaa na kudziona kwamba ni makaro, na hali huku ni maḍyura.

1 Wakorint̯o 1:19

Koro humu matsoroni Muungu kamba, “Nidzainanga mvidhyo ya wantu makaro, na kuimuka kwao nidzakutsovya maana.”

1 Wakorint̯o 1:26

Wandugu, t̯adziyoweni nywinywi, Muungu epfomuhana mwiiwa wantu ga? Matsoni mwa wantu wa huju huju lumwengu, ni wachuchu muno kahi yenu weokuwa wamanyi, weokuwa wantu wamanyikaniyeo ambu weokuwa wantu wavyaijweo madzumba ya kihaju.

1 Wakorint̯o 1:27

Ela Muungu kavitsana nangere hivi vya hawa wantu wa huju lumwengu wevyonavihwaa kuwa uḍyura, apate kuyagiza yutswa haya makaro. Na kavitsana hivi vivyonahwajwa ni lumwengu kuwa vidhaifu, apate kuwagiza yutswa wenye nguvu.

1 Wakorint̯o 1:28

Muungu kawatsana hawa weonabalifwa na kunyirwa ni lumwengu, wakionegwa dza kwamba ntawakwaa kintu, apate kuwatsovya maana hawa weonahwajwa ni lumwengu kuwa na maana.

1 Wakorint̯o 11:32

Ḅwana kakuhuhukumuni na kuhubiga ili hutsekudzahukumigwa pfamodza na hawa walumwengu.

1 Wakorint̯o 2:6

Hat̯a vivyo, kwa hawaḍe wangoreyeo kiruhu, hivi hwivyokunenani ni vyuuwo vivyo na mvidhyo. Ela hi si mvidhyo ya wantu na wat̯awala wa huju huju lumwengu weokuyoweeyani mwiso wao.

1 Wakorint̯o 2:8

Ntaku hat̯a mumodza jwa hawa wat̯awala wa huju huju lumwengu eyeimanya hi hii mvidhyo. T̯ambere wandeewa kwamba waimanya, ntawandemupfatsika muhini mwa mpatsa Ḅwana jwa marembo.

1 Wakorint̯o 3:18

Muntu natsedzikulakula. Ikiwa kwamba yuḍejwonse kahi yenu kakudzihwaani dza karo jwa huju huju lumwengu, nadzihendeze ḍyura apate kuwa karo jwa ḍugha.

1 Wakorint̯o 3:19

Koro cha huju lumwengu jwichonakihwaa kuwa ukaro, kwa Muungu ni uḍyura muhupfu. Dza vya matsoro yambiyevyo, “Wantu makaro, Muungu anawagiza na ukaro wao.”

1 Wakorint̯o 6:2

Ntamudzi kwamba hawa wahikiza wadzajuhukumu huju lumwengu? D̯ubva, ikiwa kwamba nywinywi ndinywi wa kujuhukumu huju lumwengu, munashindwa ni d̯ubi ndoḍo ndoḍo dzezihizi?

Yakobo 4:4

Nywinywi mwiwo dza wake waḅari! Ntamudzi kwamba kutsaka lumwengu ni kudziwekea uad̯ui na Muungu? Ndivyo, yuḍejwonse atsakiye kuwa ḅamu jwa huju lumwengu, huyo anawa ad̯ui jwa Muungu.