1 Timoteo 6:5 - Pokomo

⁵ na kuḍaat̯iana kusikosia. Haya yonse yanayawana na wantu weo na akili zifwiyezo na wasioimanya hi hachi. Wanat̯ara hat̯a ya kwamba ḍini ni njia ya kumuhendeza muntu awe jabva.

1 Timoteo 6:5 ပူးပေါင်းရင်းမြစ်များ

Matayo 12:33

Muhi unahambujwa na haya matunda wiyonavyaa. Muhi mwema unavyaa matunda mema, na muhi muzuka unavyaa matunda mazuka.

Matayo 21:13

Kawamba, “Vyoregwa kwamba, ‘Nyumba yangu inawa nyumba ya mayombo.’ Ela nywinywi muihendeza mpango ya wadhara!”

Matayo 23:13

Ela nywinywi Mafarisayo na waalimu wa Sharia mudzawa na d̯ina iyodze na umbiimbii wenu! Nywinywi kuunjia Uhaju wa Mbinguni ntamu haḍya, na hawaḍe weokutsakani kuunjia nao pia mwakuwafungiyani watseunjia!

1 Wakorint̯o 11:16

Ela muntu akiwa na yuḍaat̯o dzuu ya haya, swiswi na haya matsanganiko ya Muungu ntahudzi ad̯a ingine ya mayombo.

2 Watesalonike 3:6

Wandugu zangu, swiswi hwakumuamuruni kwa sari ḍya Ḅwana jwehu Yesu *Kirist̯o, kwamba, mudzit̯anye na Mukirist̯o yuḍejwonse asiyetsaka kuhenda kazi. Koro muntu dzae anawa nkakwakuyauḅani haya mayongweezo humuyongweezeyeyo.

1 Timoteo 1:6

Huko huko, kuna wantu wayayatsiyeo haya haya, na waara njia, wakaiya yuḍaat̯o jusijo maana.

1 Timoteo 3:3

Ni had̯i atseewa muntu jwa kuruma ambu muntu mundwani wala muchikodzo. Ela ni kuwa muntu mumpowe, na ni had̯i atseewa muntu jwa kutsaka fwedha.

1 Timoteo 3:8

Wahumisi wa matsanganiko nao, ni kuwa wantu wa t̯aḅia nyema na weonahikizika. Ni had̯i watseewa wantu wa kunwa mvinyo muno ambu wantu wahamile wa kudzilachia fwedha.

1 Timoteo 4:7

Ela nkudzokaiye kusikiiya ngano za nsuwe za kilumwengu. Ishinu dziyongweeze kuishi maisha ya kimuungu.

1 Timoteo 4:8

Mazowezi ya mwii yana maana, kwa dzambo ḍya kwamba yanaungiza nguvu hu mwii. Ela mazowezi ya kiruhu yana maana zaid̯i, koro yanayeha faiḍa kwa haya haya maisha ye saasambi na kwa maisha yadzeyokudza.

1 Timoteo 6:6

Gula kumuyomba Muungu na hachi kunamuhendeza muntu kuwa jabva ḍugha, ikiwa kwamba kat̯oseka na hivi evyonavyo.

2 Timoteo 3:5

Nanze wanaonekana wantu wachuuwo, ela mahendo yao yanayanga kwamba wakuikanani hi nguvu ye chuuwo cha Muungu. Dzit̯anye na wantu dzao.

2 Timoteo 3:8

Dza hiviḍe vya Yenesi na Yambure wamupfingiyevyo Musa, ndivyo vya hawa wantu wevyokuipfingani hi hachi. Hawa ni wantu weo na akili zifwiyezo na wasiomuhikiza *Kirist̯o ḍugha.

Tito 1:11

Ni had̯i wanyamazwe, kwa kwamba wakunangani faro za madzumba mazima mazima, kwa kuyongweeza haya mayongweezo ya nsuwe yasiyomala kuyongweezwa. Huju huju yutswa wakujuhendani kudzilachia fwedha.

2 Pet̯ero 2:15

Waiyatsa hi njia nyema na wagija njia zao waara; koro wauḅa hi njia ya Balamu mwana jwa Beori, eyekuwa t̯ayari kuhenda mazuka apate kuipfwa fwedha.

2 Pet̯ero 2:3

Kwa dzambo ḍya uhamile wao, hawa waalimu wa nsuwe wadzamusumwiiya mambo menji ya nsuwe ili mupate kuwapfa fwedha. Ela hukumu yao Muungu kaiwawekea iiḍe na hakika anawananga-nanga.

Yud̯a 1:11

Hachi wadzawa na d̯ina nkuu muno! Koro wakuhendani dza hiviḍe vya Kaini amuyagiyevyo ndugujwe. Wao ni wantu watsakiyeo fwedha dza hiviḍe vya Balamu evyokuwa. Na kwa kwamba wamutsowea Muungu, wananangwa-nangwa dza hiviḍe vya Kora evyotsowa na akinangwa-nangwa.

Upfenuo wa Yohana 18:13

Ntaku muntu jwa kudzaguya muḍalahasini, wala iliki, wala vumba, wala manemane ambu uḍi. Ntaku jwa kudzaguya mvinyo wala mafuha. Ntaku jwa kudzaguya unga wa nganu wala nganu isiyodzapaazwa. Ntaku jwa kudzaguya mbuzi za pee wala za hako. Ntaku jwa kudzaguya mafarasi wala magari ya kunuhwa ni mafarasi. Ntaku jwa kudzaguya muhumwa wala mwanaad̯amu yuḍejwonse.

Upfenuo wa Yohana 18:3

Koro uwahendeza wantu wa nsi zonse za lumwengu wahendeke dza kwamba waruma mvinyo nkali, kwa kuuḅa haya mahendoye machafu machafu. Mahaju ya huju lumwengu yayaa nae, na wantu weonahenda guzi wahenda majabva kwa dzambo ḍya ushudhawe usio mimpaka.”