1 Timoteo 6:18 - Pokomo

¹⁸ Waamuru wahende mema, wawe majabva wa mahendo mema, wawe wabalicha na wawe wantu wa kugeana wevyonavyo.

1 Timoteo 6:18 ပူးပေါင်းရင်းမြစ်များ

Matayo 5:42

Muntu akikuyomba kintu mumpe, na yuḍejwonse eyenatsaka umupfase kintu nkudzomudzizie.”

Luka 12:21

Ndookomu ndivyo vidzevyowa kwa hawaḍe wadziwekeeyeo ujabva, ela ntawa ujabva usoni kwa Muungu.”

Luka 3:11

Nae kawambukuya kamba, “Awee na nkanzu mbii namumpe modza huyuḍe asikintu, na awee na chakuḍya nahende vivyo.”

Mahendo 10:38

Musikia dzuu ya Yesu jwa Nazareti, na namuna ya Muungu amutsaniyevyo kwa kumumpa Ruhu Mudheru na uwezo. Kwa dzambo ḍya kwamba Muungu ewa nae, Yesu kenda kula pfantu akihenda mambo mema na kupfonya wantu wonse wa Shaat̯ani angiziyeo mikononi.

Mahendo 11:29

Hawa wahikiza wahuna kwamba kula mumodza jwao ayavye chima awezeecho wawasaiḍie hawa wandugu weowakiishi Yud̯aya.

Mahendo 9:36

Hukuḍe Yopa kwiwa na mwanafund̯i muke ahanijwe Tabita (Sariḍye kwa Kiyunani ndiye Dokasi, maanaye ni nkuyungu). Huyu muke meshi ekihenda mema na kuwagija masikini.

Warumi 12:13

Hivi mwivyonawa navyo, wageyeni na wantu wa Muungu wangine weo na t̯uri. Na pia ikaani na kuwakaraḅisha wageni madzumbani mwenu.

Warumi 12:8

Eye na t̯ola ya kuwangiza mojo wangine, nakae na kuwangiza mojo. Eye na t̯ola ya kuwagijiija wangine weonawa na t̯uri, nakae na kuwagijiija na mojo mumodza. Eye na t̯ola ya uyongozi, nayongoze na hiḍu. Apfegejwe mojo wa kuwafwiya t̯ei wangine weo mad̯inani nawafwiye t̯ei akiwa na tsekea yonse.

1 Wakorint̯o 16:2

Kula nsiku ya ḍyuma, kula mumodza jwenu ni kut̯enga chima cha fwedha mala ya haya mapatoye, muziweke, ili kutseewa na haḍya ya kuhwaa mvuugiya nidzepfokudza.

2 Wakorint̯o 8:12

Koro muntu eye na mojo wa kuyavya, Muungu anapfokea hichiḍe echonaweza kuyavya; si ya kwamba anamuyoweeya muntu ayavye asichokuwa nacho.

2 Wakorint̯o 8:9

Nywinywi mumanya namuna ya matsako ya Ḅwana jwehu Yesu *Kirist̯o yaivyo makuu kwehu! Jeje, na ujabvawe wonse wa kiruhu, kadza lumwenguni kadzihendeza masikini kwa dzambo ḍyenu. Kahenda hivi apate kumuhendeza nywinywi majabva ya kiruhu.

Wagalatia 6:10

D̯ubva, nahuhende mambo mema kwa wantu wonse kula hwipfonapata namfasi. Na haswa nahuwahendeye mema hawaḍe weo wahikiza wenzehu.

Waefeso 4:28

Ikiwa kwamba wiwa u mwivi, sasa yatsa wivi. Yavya hwekaḍyo kudzilachia kantu na upate cha kuwapfa na hawaḍe weo na t̯uri.

1 Timoteo 5:10

Na ni had̯i awe muke amanyikaniye kwa mahendoye mema, dza mahendo ya kuyeya wanawe urembo, kukaraḅisha wageni nyumbani mwakwe, kukosa maguu ya wantu wa Muungu, kugija wantu weo d̯inani, na kudziyavya kuhendea wantu kula aina ya hendo dzema.

Tito 2:14

Jeje kadziyavya maishaye kwa dzambo ḍyehu, ahupfonye na mazuka yonse na kuhudheresa na nabvise zehu, huwe wantuwe jeje heket̯u weo na hamu ya kuhenda mambo mema.

Tito 3:8

Hivi ni vyuuwo vya ḍugha. Natsaka uyangizie hiḍu haya mambo, ili kwamba hawaḍe wamuhikiziyeo Muungu, wamuud̯amie kuhenda mambo mema. Wakihenda hivi ni urembo na vina maana kwa kula muntu.

Waeburania 13:16

Namutseyatsa kuwahendea mema wangine. Gijiijanani na hiviḍe mwivyonavyo, maanaye mukihenda hivyo, ni dza kuyavya mvuugiya zizonamutsakiza Muungu.

Yakobo 2:5

Wandugu zangu watsakwa, nisikiiyani! Muungu katsana hawa weonahwajwa kuwa wantu makowesa wa huju lumwengu na kawahendeza kuwa majabva ya faro. Na ndiwo wadzeouḍala uhajuwe aahid̯iiyeo hawaḍe wonse wamutsakiyeo.

1 Pet̯ero 3:11

Ni had̯i ayatse kuhenda mazuka na ahende mambo mema. Ni had̯i alache naghea na ailache na hiḍu.

1 Yohana 3:17

Ikiwa kwamba muntu kaona ndugujwe eye na t̯uri, ela kakumya umu kumusaiḍia na hali jeje ni muntu eye na chakwe, huyo huyo anawadze na matsako ya Muungu?

3 Yohana 1:11

Mutsakwa, nkudzot̯aḅe myenendo mizuka, t̯aḅa myenendo myema. Kula eyenahenda mema huyo njwa Muungu. Ela kula eyenahenda mazuka nkadzamumanya Muungu.