1 Timoteo 6:17 - Pokomo

¹⁷ Waamuru hawaḍe weo majabva huju huju lumwengu, watsedziona na wala watsedzikwat̯ya hu huu ujabva usiwo maana. Ishinu nawadzimukwat̯ye Muungu, eye mubalicha jwa kuhupfa kula kintu cha kuhutsekeza.

1 Timoteo 6:17 ပူးပေါင်းရင်းမြစ်များ

Matayo 12:32

Yuḍejwonse aneneye chuuwo kizuka dzuu yangu mimi Mwana jwa Ad̯amu anaweza kuyatsijwa. Ela muntu akimukufuru Ruhu Mudheru nkawezi kuyatsijwa huju huju lumwengu na hat̯a lumwengu jwijokudzani.

Matayo 19:23

Makisa Yesu kanena na hawa wanafund̯iwe kawamba, “Hachi nyakumwambiani, ni vyumu muno kwa muntu jabva kuunjia Uhaju wa Mbinguni!

Matayo 25:16

Huyuḍe muntu apfegejwe t̯alant̯a nsano za fwedha, nkakukawa kaḍabva kuzihendea guzi na kapata faiḍa ya t̯alant̯a zingine nsano za fwedha.

Matayo 27:57

Ipfofika mioro, kudza muntu jabva mumodza jwa kuyawa mudzi wa Arimataya, eyeakihanwa Yusufu. Huyu huyu muntu ewa ni mumodza jwa hawaḍe wamuhikiziyeo Yesu.

Matayo 6:32

Koro mambo dzayahaya ndiyo ya walumwengu yeyonawamud̯a muno. Ela Baba jwenu jwa yuwinguni kamanya kwamba haya haya yonse munayahit̯aḍyi.

Marko 10:24

Hivi vyuuwo viwamakisa muno hawa wanafund̯iwe. Ela Yesu kanena nao kawii kawamba, “Wanangu, ni vyumu muno kuunjia Uhaju wa Muungu!

Luka 19:2

Humuḍe mudzini kwiwa mukuu jwa *wahwaa kuwa eyekuwa jabva, sariḍye ndiye Zakayo.

Luka 3:11

Nae kawambukuya kamba, “Awee na nkanzu mbii namumpe modza huyuḍe asikintu, na awee na chakuḍya nahende vivyo.”

Mahendo 14:17

Hat̯a vivyo Muungu nkakuyatsa kudziyanganya na haya mambo mema eyonamuhendea. Anamunyesea mvuya na yuwinguni na kumumpa mavuno ngera za mavuno. Anamumpa chakuḍya na kumungiza tsekea myojoni mwenu.”

Mahendo 14:27

Wepfofika Antiokia, waḍit̯ut̯aisa tsanganiko ḍyonse pfamodza, na wawasumwiiya hawa wantu hayaḍe yonse ya Muungu ahendeyeyo pfamodza nao, na namuna awapfiyevyo namfasi wantu wa vyeet̯i vingine kuwa wahikiza.

Mahendo 17:25

Na wala nka haḍya ya kiḍechonse cha wantu wechonamumpa kwa kumuhendea kazi. Koro ndiye eyenapfa wantu wonse maisha na nsoho za kupfaza na kususya na kingine kiḍechonse.

Warumi 11:20

Ni hachi. Ela kumbukani kwamba hawa Waisiraeli wadzizigwa dza mahambi yasiyovyaa kwa kwamba ntawakumuhikiza Muungu. Nanywi munakaa imara kwa kwamba mumuhikiza. Ela hiyo hiyo naitseewa saḅaḅu ya kwamba mudzione hat̯a. Ikaani mukimushooga Muungu.

Waefeso 5:5

Ni mumanye hakika kwamba, muntu muḅari ambu eye na mahendo machafu machafu ambu muntu muhamile, huyo nkawezi kuwa na uḍalo Uhajuni mwa Muungu na Kirist̯o. Koro muntu muhamile ni sawa na muntu eyenayomba masanamu.

Wakolosai 3:16

Hichi chuuwo cha Kirist̯o nachikae myojoni mwenu meshi. Yongweezanani na kufundana na mvidhyo. Ikaani mukimuyaviza ḍuḍa Muungu kwa kumukwimbia meya ya zaburi na meya yangine ya kumushad̯a.

1 Watesalonike 1:9

Hao wantu wonse hao, wakunenani namuna muhukaraḅishiyevyo urembo hwipfokudza kwenu. Na wakunenani na namuna muyatsiyevyo kuyomba miungu ya masanamu mukimuperukia huyu Muungu jwa ḍugha eye mojo.

1 Timoteo 1:3

Dza nivyokwambia nipfonikyenḍa Makedonia, natsaka ukae kuko Efeso. Huko huko, kuna wantu weokuyongweezani mayongweezo ya nsuwe, na ni had̯i uwambe wayatse haya mayongweezo yao ya nsuwe.

1 Timoteo 3:15

Ela ikiwa kwamba nikawa kudza, hi ḅaruwa inakumanyisa hivi hwivyonamala kudzihwaa kuzimuni mwa tsanganiko ḍya wantu wa huyu Muungu eye mojo. Hiḍi tsanganiko ndiḍyo hi nguzo na musinji wa faro ya Kikirist̯o.

1 Timoteo 4:10

Ndiyo maana hwiyokumuud̯amani na kuhenda kazi na hiḍu kwa kwamba hwakudzimukwat̯yani Muungu eye mojo. Jeje ndiye mupfonya jwa wantu wonse, na haswa jwa hawaḍe wahikiziyeo.

1 Timoteo 5:21

Nyakukuamuruni usoni kwa Muungu, usoni kwa Kirist̯o Yesu na kwa malaika wadheru, uzigije hizi amuri pfasipfo kuyatsa hat̯a modza. Na wala nkudzohende mambo kimwana abo na kimwana ano.

1 Timoteo 6:13

Na nyakukuamuruni usoni kwa Muungu, eyenapfa viumbe vyonse maisha, na usoni ya Kirist̯o Yesu, ayaviye ushuhuḍa wa hachi usoni ya Pontio Pilato:

1 Timoteo 6:9

Ela wantu weokutsakani kuwa majabva, wananjia maḍemoni, Shaat̯ani akawagiza. Anawagiza na hamu nyinji na nyinji nzuka nzuka na za uḍyura, zizonawangiza mananzini na kunangwani-nangwani.

2 Timoteo 4:10

Koro D̯ema kahekeka na mambo ya huju huju lumwengu, na kanid̯arama kachia Tesalonike. Ae Kireseni kenda Galatia, na Tito kachia Dalimatia.

Tito 2:12

Hayo hayo matsakoye, yakuhuyongweezani kwamba huyatse kuishi maisha mazuka na t̯amaa za kilumwengu, huishi maisha ya kudzimiza, yeyo madheru, na ya kimuungu humu humu lumwenguni,

Tito 3:6

Muungu kamuhukakanyia Ruhu Mudheru kwa winji, kuchiiya na kwa Yesu *Kirist̯o mupfonya jwehu,

2 Pet̯ero 1:11

Ndookomu nanywi mudzapfokejwa urembo, muunjie hu uhaju wa kuunga na yuungo, wa Ḅwana na mupfonya jwehu Yesu Kirist̯o.