1 Timoteo 6:13 - Pokomo

¹³ Na nyakukuamuruni usoni kwa Muungu, eyenapfa viumbe vyonse maisha, na usoni ya Kirist̯o Yesu, ayaviye ushuhuḍa wa hachi usoni ya Pontio Pilato:

1 Timoteo 6:13 ပူးပေါင်းရင်းမြစ်များ

Matayo 27:11

D̯ubva Yesu kasumamiswa usoni ya Pilato, eyekuwa liwali jwa Kirumi. Na Pilato kamuuza Yesu kamwamba, “Wewe ndiwe ayu Haju jwa Wayahud̯i?” Yesu kamwambukuya kamwamba, “Kuvinena wewe mwenye!”

Matayo 27:2

D̯ubva wamufunga-funga na wamupfiika kwa Pilato, eyekuwa liwali jwa Kirumi jwa ḍyimbo ḍya Yud̯aya.

Yohana 14:6

Yesu kamwamba, “Mimi ndimi njia, ndimi hachi na ndimi niyenawapfa wantu maisha ya kuunga na yuungo. Muntu nkawezi kwenda kwa Baba pfasipfo kuchiiya na kwangu.

Yohana 19:11

Yesu kamwamba, “Wewe nkundeewa na uwezo uḍewonse dzuu yangu t̯ambere nkukuupfegwa ni Muungu. Ela huyu aningiziye mikononi mwako ana nabvise nkuu kukuchia wewe.”

Yohana 5:21

Na dza hiviḍe vya huyu Baba evyonawafufuya wafu akawapfa maisha, huyu Mwana nae pia anawapfa maisha hawaḍe atsaniyeo.

Yohana 5:26

Na dza hiviḍe vya huyu Baba aivyo sina ḍya maisha yonse, ndivyo vya huyu Mwana evyonaweza kupfa wantu maisha.

Mahendo 17:25

Na wala nka haḍya ya kiḍechonse cha wantu wechonamumpa kwa kumuhendea kazi. Koro ndiye eyenapfa wantu wonse maisha na nsoho za kupfaza na kususya na kingine kiḍechonse.

2 Wakorint̯o 9:13

Kuyavya kwenu kunayanga mojo mwiwo nao, na wantu wenji wanamushad̯a Muungu kwa hivi muyahikiziyevyo haya *Maagu Mema dzuu ya *Kirist̯o na kwa namuna mwivyonayat̯ii. Wanamushad̯a Muungu pia, kwa myojo yenu ya ubalicha kwao na kwa wangine.

Wagalatia 3:26

Nyonse mu wana wa Muungu kwa njia ya faro hariani mwa Kirist̯o Yesu.

1 Timoteo 1:12

Namumpa ḍuḍa Kirist̯o Yesu, Ḅwana jwehu, animpiye nguvu za kuhendea hi kazi yangu. Namumpa ḍuḍa kwa kunihwaa nami dza muntu, akinitsana nimuhumikiye,

1 Timoteo 1:15

Hu muneno wambiyeo, Kirist̯o Yesu kadza lumwenguni adzeawapfonye wanabvise, ni muneno wa ḍugha wa kwamba wantu wauhikize. Nami mimi mwenye, niiwa ndimi munabvise mukuu jwa mwiso.

1 Timoteo 2:5

Koro kuna Muungu mumodza, na kuna na muntu jwa kahi mumodza kahi ya Muungu na wanaad̯amu, nae ni huyu muntu eyenahanwa *Kirist̯o Yesu.

1 Timoteo 5:21

Nyakukuamuruni usoni kwa Muungu, usoni kwa Kirist̯o Yesu na kwa malaika wadheru, uzigije hizi amuri pfasipfo kuyatsa hat̯a modza. Na wala nkudzohende mambo kimwana abo na kimwana ano.

1 Timoteo 6:12

Dza vya muntu jwa mbio evyonamuud̯ama akiwa kud̯aramani, nawe henda mala wiyonaweza uwe Mukirist̯o wiyenahikizika, upate kupata t̯ubvo ḍya maisha ya kuunga na yuungo. Koro ndiyo maisha ya Muungu akuhaniiyeyo, wipfot̯ima faro yako usoni ya mashaahiḍi wenji na wenji.

Upfenuo wa Yohana 21:6

Kisa kanyamba, “Visakusiya! Mimi ndimi Ḍabvu na Mwiso. Ndimi niyenaḍabvisa mambo yonse na ndimi niyenayesa. Yuḍejwonse eye na nchiu, namumpa madzi ya ḅure yeyonayawa kwa matsana ya madzi yeyonapfa wantu maisha ya kuunga na yuungo.

Upfenuo wa Yohana 22:1

Kisa huyuḍe malaika kaniyanga tsana iyo na madzi masafi yeyonapfa wantu maisha ya kuunga na yuungo. Haya madzi yewa meupe pee, na yekingara dza kiyoo. Hi tsana iyawa na hapfaḍe pfe kiti cha kihaju cha Muungu na huyu Mwana Mbuzi.

Upfenuo wa Yohana 3:14

Yesu kagija kunena nami kanyamba, “Kwa huyu malaika jwa tsanganiko ḍya Laodekia, mworeye umwambe, ‘Huyu eyenahanwa Amina, eye shaahiḍi muhikizika jwe hachi na ambaye kula kintu kiumbwa kuchiiya na kwakwe, kamba hivi: