1 Timoteo 5:9 - Pokomo

⁹ Muke muchiwa jwa kungizwa kwa hi orodha ya wake wachiwa wa tsanganiko, ni huyuḍe t̯u eye na myaka miyongo mihandahu na zaid̯i. Na ni had̯i awe ewa kahwajwa mweedha mumodza t̯u.

1 Timoteo 5:9 ပူးပေါင်းရင်းမြစ်များ

1 Timoteo 3:12

Muhumisi jwa tsanganiko ni had̯i awe muyume jwa muke mumodza, na eyenaweza kuwasumamia wanawe na nyumbaye urembo.

1 Timoteo 3:2

Muyongozi jwa tsanganiko ni had̯i awe muntu asiyealat̯ika. Ni had̯i awe muyume jwa muke mumodza t̯u, awe mutuvu, awe na mvidhyo, awe muntu jwa kuhilwa, awe muntu jwa kukaraḅisha wageni nyumbani mwakwe na awe muntu eyenaweza kuyongweeza wantu.

1 Timoteo 5:11

Ela wake wachiwa weo nsii ya myaka miyongo mihandahu, namutsewangiza humu mwa hi orodha ya wake wachiwa wa tsanganiko. Koro hamu zao za kimwii zikiwanjia, wadzat̯amani kuhwajwa. Ndookomu wanamuyatsa *Kirist̯o,

1 Timoteo 5:14

D̯ubva, ami nindetsaka hawa wake wachiwa waḍoḍo wahwajwe kawii, wavyae wana na wat̯unze madzumba yao, wapate kutsawapfa nyabva wehu kapfango ka kuhunenea mazuka.

1 Timoteo 5:16

Muke Mukirist̯o yuḍejwonse, nyumbani mwao kukiwa wake wachiwa, ni had̯i awat̯unze. Hu muzigo nka ruhusa ya kuupfaza tsanganiko, ili kwamba hiḍi tsanganiko ḍipate kuwat̯unza hawa wake wachiwa wasio na wantu t̯u.