1 Timoteo 5:23 - Pokomo

²³ Nkudzokaiye kunwa madzi ḅasi, ela ikaa na kunwa mvinyo kachuchu kachuchu kwa dzambo ḍya hiḍi humboḍyo, koro u muntu jwa kujwaa kut̯wa.

1 Timoteo 5:23 ပူးပေါင်းရင်းမြစ်များ

Mahendo 18:5

Sila na Timoteo wepfokudza kuyawa Makedonia, d̯ubva Paulo kagija kazi ya kusumwiiya chuuwo t̯u, akiwayanga hawa Wayahud̯i ya kwamba Yesu ndiye huyu *Masiya.

Waefeso 5:18

Namutsekaiya kuruma, koro ulevi unananga maisha yenu. Ishinu muyatseni huyu Ruhu amudzaze na nguvuze.

1 Timoteo 3:3

Ni had̯i atseewa muntu jwa kuruma ambu muntu mundwani wala muchikodzo. Ela ni kuwa muntu mumpowe, na ni had̯i atseewa muntu jwa kutsaka fwedha.

1 Timoteo 3:8

Wahumisi wa matsanganiko nao, ni kuwa wantu wa t̯aḅia nyema na weonahikizika. Ni had̯i watseewa wantu wa kunwa mvinyo muno ambu wantu wahamile wa kudzilachia fwedha.

1 Timoteo 4:4

Koro kula cha Muungu aumbiyecho ni chema. Ntaku ruhusa ya kintu cha kudzizigwa, ela kula kintu ni kupfokejwa kwa mayombo ya ḍuḍa.

Tito 1:7

Na kwa kwamba muyongozi jwa tsanganiko ni muntu jwa kusumamia kazi ya Muungu, nka ruhusa ya kuwa na t̯amba zuka. Na ni had̯i atseewa muntu jwa kudziona, atseewa muntu jwa ngoro za mpuyani, atseewa muntu jwa kuruma, atseewa muntu mundwani ambu muntu muhamile jwa kudzilachia fwedha.

Tito 2:3

Na dza vivyo, wambe hawa wake wakuu waishi maisha ya udheru na watsekaiya mambo ya nyano ambu wawe wahumwa wa mvinyo. Ni had̯i wayongweeze yeyo mema,