1 Timoteo 5:18 - Pokomo

¹⁸ Koro haya matsoro yamba, “Nkudzoifunge kanwa ngombe ikwakukuvuniani bvaro.” Na “Kula muhenda kazi anamala t̯ubvoḍye.”

1 Timoteo 5:18 ပူးပေါင်းရင်းမြစ်များ

Matayo 10:10

na wala namutsetsukuya minkoḅa ya kuwekea fwedha. Namutsetsukuya nguo zingine za kuperuya wala kuhwaa viyahu ambu kutsukuya nsimbo za kwenendea. Namutsedziwaryeghea kiḍechonse koro nywinywi mu wahenda kazi wangu, na kula muhenda kazi anamala kuḍya.

Luka 10:7

Nyumba iḍeyonse mudzeyosukia, ikaani mumo. Ḍyani na kunwa kiḍechonse mudzechopfegwa. Koro nywinywi mu wahenda kazi wangu, na kula muhenda kazi anamala t̯ubvoḍye. Namutsekwenda na kusama-sama madzumba.

Warumi 10:11

Haya matsoro yamba, “Yuḍejwonse amuhikiziye nkanagizwa yutswa meshi.”

Warumi 11:2

Muungu nkakuwajibat̯a wantuwe eotsana hangu kae. Munakumbuka avi vya aya matsoro yaneneyevyo dzuu ya namuna ya Eliya awawakiyevyo kwa Muungu kuwahusu Waisiraeli?

Warumi 4:3

Koro haya matsoro yamba, “Iburahimu kamuserefat̯a Muungu, nae Muungu kamuhwaa kuwa muntu muhachi.”

Warumi 9:17

Koro humu matsoroni Muungu kamwamba Farao, “Nikuweka haju nangere ili niweze kuyanga uwezo wangu, na sari ḍyangu ḍipate kushad̯wa lumwengu yuzima.”

1 Wakorint̯o 9:14

Dza vivyo, Ḅwana kaamuru kwamba, hawaḍe weonasumwiiya injili wanaḍya kuyawana na hi injili.

Wagalatia 3:8

Haya matsoro yeevinena d̯ura kwamba, Muungu kadzawahwaa wantu wa vyeet̯i vingine kuwa wahachi ikiwa kwamba wamuserefat̯a jeje. Hivi vimanyikana na hapfaḍe pfa Muungu epfomwambia Iburahimu haya Maagu Mema akimwamba, “Kuchiiyana nawe, navivodhya vyeet̯i vyonse vya humu lumwenguni.”

Yakobo 4:5

Ambu avi vya aya matsoro yaneneyevyo yakyamba, “Huyu Ruhu jwa Muungu amuwekeye kuzimuni mwehu ni mwivu,” mwakut̯arani kwamba ni vyuuwo vya ḅasi?