1 Timoteo 5:15 - Pokomo

¹⁵ Koro wake wachiwa wangine wesakuperuka na wakumuuḅani Shaat̯ani.

1 Timoteo 5:15 ပူးပေါင်းရင်းမြစ်များ

Matayo 4:10

Ela Yesu kamwamba, “Ninukia hapfa Shaat̯ani! Koro vyoregwa matsoroni kwamba, ‘Umuhile Ḅwana Muungujo na umuhumikie jeje heket̯u!’ ”

1 Timoteo 1:20

Wangine wao ni aḍe Hamena na Alekizanda, niwangiziyeo mikononi mwa Shaat̯ani, wapate kudziyongweeza kutsamukufuru Muungu.

2 Timoteo 1:15

Dza umanyiyevyo, wantu wonse wa ḍyimbo ḍya Asia wanifat̯ula. Na wangine wao ni aḍe Figelo na Hamogene.

2 Timoteo 2:18

Hawa wantu wowii waiyatsa hi njia ya hachi, na wakunangani-nangani faro za hawa wahikiziyeo. Wanayongweeza kwamba, hu ufufuo si dzambo ḍidzeḍyohendeka, ela wanakwamba wisakuhendeka.

2 Timoteo 4:10

Koro D̯ema kahekeka na mambo ya huju huju lumwengu, na kanid̯arama kachia Tesalonike. Ae Kireseni kenda Galatia, na Tito kachia Dalimatia.

2 Pet̯ero 2:2

Hat̯a vivyo, wenji wa hawa wantu wahikiziyeo wadzat̯aḅa hi myenendo yao mizuka. Na kwa dzambo ḍya mahendo yao, wantu wadzainenea mazuka hi Njia ya hachi.

2 Pet̯ero 3:16

Kuzimuni mwa ḅaruwaze zonse, kora dzevihivi kula akwakunenani dzuu ya haya haya mambo. Hizi ḅaruwa zakwe zina mambo yangine momu yasiyoimukika kirahisi. Wantu wasiomanya kintu na weonaheeka kirahisi, wanakaa na kuyeleza kimatsowa, dza wevyonahenda kwa haya matsoro yangine. Ndookomu wakudziyeheyani kufwa wao wenye.

1 Yohana 2:19

Hawa hawa wantu weonamupfinga Kirist̯o wayawa kahi yehu, ela haswa haswa, ntaweewa wantu wa kit̯aro chehu, na ndiyo maana wayawananiyeo naswi. T̯ambere wandeewa mbwa kit̯aro chehu ntawandeyawana naswi. Ela wayawana naswi kuyanga ya kwamba ntaku hat̯a mumodza jwao eyekuwa jwa kit̯aro chehu.

Upfenuo wa Yohana 12:9

Ndookomu ḍifat̯ulwa nsii lumwenguni ḍiḍyo na malaikawe. Hiḍi hiḍi ḍyoka ni iiḍe nyoka ya hangu kae na kae, iyonahanwa Muzuka ambu Shaat̯ani. Na huyu ndiye eyekujwaaryani huju lumwengu jwonse.