1 Timoteo 5:14 - Pokomo

¹⁴ D̯ubva, ami nindetsaka hawa wake wachiwa waḍoḍo wahwajwe kawii, wavyae wana na wat̯unze madzumba yao, wapate kutsawapfa nyabva wehu kapfango ka kuhunenea mazuka.

1 Timoteo 5:14 ပူးပေါင်းရင်းမြစ်များ

Warumi 14:13

D̯ubva nyakumwambiani, manyani mutsehukumiana nywinywi na nywinywi kawii. Ishinu sasa hunani kutsahenda dzambo ḍiḍeḍyonse ḍya kwamba ḍinamuhendeza ndugu mwenziwo akolasike agwe nabviseni.

2 Wakorint̯o 11:12

Haya niyokuhendani nagija kuyahenda nangere, nipate kuwavingira hawa wangine weonakwambigwa ni ntumi, watsedzishad̯a kwamba nao wanahenda kazi dze vyehu hwivyonahenda kazi.

1 Timoteo 2:8

D̯ubva, kula saa ya mayombo, natsaka hawa wayume wadziyaviyeo kwa Muungu wawe ndiwo wa kuyomba. Na wepfonanwiiya dzuu mikono yao kuyomba, nawatseewa na ngoro ambu ngongea.

1 Timoteo 4:3

Hawa hawa wantu wanayongweeza wantu ya kwamba ntawa ruhusa ya kuhwaa wake ambu kuḍya vyakuḍya aina nsiku. Ela Muungu kaumba hivi vyakuḍya vyonse hupate kuviḍya. Naswi hwiwo wahikiza na humanyiyeo hi hachi ni kuviḍya ḅaad̯a ya mayombo ya ḍuḍa kwa Muungu.

1 Timoteo 5:11

Ela wake wachiwa weo nsii ya myaka miyongo mihandahu, namutsewangiza humu mwa hi orodha ya wake wachiwa wa tsanganiko. Koro hamu zao za kimwii zikiwanjia, wadzat̯amani kuhwajwa. Ndookomu wanamuyatsa *Kirist̯o,

1 Timoteo 6:1

Hawaḍe Wakirist̯o wonse weo wahumwa, ni kuwahila maḅwana zao na kula njia. Ni wahende hivi, ili kutseewa na muntu jwa kumunenea mazuka Muungu ambu haya mayongweezo yehu ya Kikirist̯o.

Tito 2:5

Ni had̯i wawayongweeze kuwa wake wa akili na wadheru na kuwa wahiḍu, weonawat̯ii wayume wao, ili kutseewa muntu jwa kuchinenea mazuka chuuwo cha Muungu.

Tito 2:8

Ikaa ukiyongweeza mambo yeyo sawa kaḅisa, ya kwamba ntayawezi kukungiza kualat̯wani, ili upate kuwakanyera hawa nyabvao, watseepata kintu kizuka kiḍechonse cha kunena dzuu yehu.

Waeburania 13:4

Ndoa naihilwe ni kula muntu! Ntaku ruhusa ya muke ambu muyume kuyawa nze, maanaye Muungu anawahukumu hawaḍe wonse weo waḅari na wantu wa ranga.