1 Timoteo 3:2 - Pokomo

² Muyongozi jwa tsanganiko ni had̯i awe muntu asiyealat̯ika. Ni had̯i awe muyume jwa muke mumodza t̯u, awe mutuvu, awe na mvidhyo, awe muntu jwa kuhilwa, awe muntu jwa kukaraḅisha wageni nyumbani mwakwe na awe muntu eyenaweza kuyongweeza wantu.

1 Timoteo 3:2 ပူးပေါင်းရင်းမြစ်များ

Luka 1:6

Wowii wewa wantu wahachi na wamutsakiza Muungu, wakiuḅa amuri na sharia zonse za Ḅwana.

Luka 2:36

Kwiwa *nabii muke jarisa, eyeakihanwa Hana. Ewa mwanamuke jwa Fanueli, jwa kyeet̯i cha Aseri. Kahwajwa, na ḅaad̯a ya myaka mifungahe muumewe kafwa.

Warumi 12:13

Hivi mwivyonawa navyo, wageyeni na wantu wa Muungu wangine weo na t̯uri. Na pia ikaani na kuwakaraḅisha wageni madzumbani mwenu.

Wafilipi 2:15

ili kwamba muweze kuwa wantu wasio t̯amba ambu alano iḍeyonse. Ni muwe dza wana wema wa Muungu weokuishini lumwengu jwa wantu wazuka na wanangikiyeo. Yangaani dza muyanga kahi yao,

1 Timoteo 3:12

Muhumisi jwa tsanganiko ni had̯i awe muyume jwa muke mumodza, na eyenaweza kuwasumamia wanawe na nyumbaye urembo.

1 Timoteo 3:8

Wahumisi wa matsanganiko nao, ni kuwa wantu wa t̯aḅia nyema na weonahikizika. Ni had̯i watseewa wantu wa kunwa mvinyo muno ambu wantu wahamile wa kudzilachia fwedha.

1 Timoteo 4:3

Hawa hawa wantu wanayongweeza wantu ya kwamba ntawa ruhusa ya kuhwaa wake ambu kuḍya vyakuḍya aina nsiku. Ela Muungu kaumba hivi vyakuḍya vyonse hupate kuviḍya. Naswi hwiwo wahikiza na humanyiyeo hi hachi ni kuviḍya ḅaad̯a ya mayombo ya ḍuḍa kwa Muungu.

1 Timoteo 5:10

Na ni had̯i awe muke amanyikaniye kwa mahendoye mema, dza mahendo ya kuyeya wanawe urembo, kukaraḅisha wageni nyumbani mwakwe, kukosa maguu ya wantu wa Muungu, kugija wantu weo d̯inani, na kudziyavya kuhendea wantu kula aina ya hendo dzema.

1 Timoteo 5:22

Nkudzorebve kumupfaza muntu mikono umuvodhye kwa kazi ya Ḅwana. Nkudzouwe na mukuruḅa na nabvise za wantu wangine, dziweke udheruni.

1 Timoteo 5:9

Muke muchiwa jwa kungizwa kwa hi orodha ya wake wachiwa wa tsanganiko, ni huyuḍe t̯u eye na myaka miyongo mihandahu na zaid̯i. Na ni had̯i awe ewa kahwajwa mweedha mumodza t̯u.

2 Timoteo 2:24

Na muhumisi jwa Ḅwana ni kutsaawa muntu jwa kuheha. Ni had̯i awe mumpowe kwa wantu wonse, na awe mwaalimu mwema na eyenait̯isa.

Tito 2:2

Wambe hawa wazee wa kiyume wawe wantu watuvu, wantu wa t̯aḅia nyema, wantu wa mvidhyo, na wawe wantu wa faro, wantu wa matsako, na wantu wa kuit̯isa.

Waeburania 13:2

Namutseyatsa kukaraḅisha wageni madzumbani mwenu. Koro wangine, kwa dzambo ḍya kutsayatsa kukaraḅisha wageni, wakaraḅisha malaika pfasipfo kuvimanya.

Waeburania 3:14

Koro hukigija kumuhikiza Kirist̯o na nguvu, dza viviḍe hwivyomuhikiza d̯ura, hunapfokea hayaḍe yonse ya Muungu adzeyowapfa hawaḍe weo wantu wa Kirist̯o.

1 Pet̯ero 4:7

Mwiso wa lumwengu umaawa hafufi. Ndookomu ni had̯i muzigwaze akili zenu na muwe wantu wa kudzimiza ili muweze kukaa na kuyomba.

1 Pet̯ero 4:9

Karaḅishanani madzumbani mwenu na myojo misafi, pfasipfo kuḅugumiana.

1 Pet̯ero 5:8

Pfyenuyani matso na muchimize! Koro huyu nyabva jwenu, Shaat̯ani, kakuzingani dza nsimba eyekuvumiizani, akilacha muntu jwa kumuḍya.