1 Timoteo 1:18 - Pokomo

¹⁸ Timoteo mwanangu, hi amuri nyakuikupfani wewe. Iuḅana na hivi vyuuwo vya unabii vinenejwevyo hangu kae na kae dzuuyo. Vigije hivi vyuuwo viwe dza vyeera vya kujwania ndwani nyema,

1 Timoteo 1:18 ပူးပေါင်းရင်းမြစ်များ

Mahendo 16:1

Paulo kenda Dabe makisa kenda Lusitira, kwikokukikaa mwanafund̯i ahanijwe Timoteo. Ewa mwana jwa muke Muyahud̯i muhikiza, kenge ise ewa Muyunani.

1 Wakorint̯o 4:17

Kwa hivyo nyakumuhumani Timoteo kwenu. Jeje ka dza mwanangu. Nimutsaka, na ni muhikizika kuzimuni mwa Ḅwana. Kadzamukumbusya dzuu ya mwenendo wangu kuzimuni mwa Kirist̯o Yesu; mwenendo niwonayongweeza kula tsanganiko ḍya kula pfantu nipfonakwenda.

1 Wakorint̯o 9:7

Kuna asikari ga eyenadziipfia gharama zakwe za kuwa ḍyeshini? Ambu, ni muntu ga eyenat̯ora mizabibu kisa akatsayaḍya haya matundaye? Ambu, kuna mut̯unga ga asiyenwa maziwa ya hu mwonawe eonat̯unga?

Wafilipi 2:22

Ela nywinywi wenye mumanya namuna ya Timoteo aivyo muntu mwema. Mimi nae hwiiwa dza muntu na mwanawe. Kanigijiija kuhenda kazi ya kuyasumwiiya haya *Maagu Mema.

1 Timoteo 1:2

Nyakukworeani wewe Timoteo, wiye dza mwanangu hachi faroni mwa Kirist̯o. Muungu Baba jwehu na Kirist̯o Yesu, eye Ḅwana jwehu, nakuvodhye nto, akufwiye t̯ei na kukupfa maisha ya naghea.

1 Timoteo 1:5

Na maana ya hi hii amuri ni kuhuhendeza swiswi na swiswi hutsakane na mojo mumodza. Ni had̯i hutsakane na myojo iyo na faro ya ḍugha na iyonahuhendeza humanye yeyo mema na mazuka.

1 Timoteo 4:14

Nkudzoyatse kuitumia hi t̯ola ya Ruhu upfegejweyo. Hi hii t̯ola iyanganywa hapfaḍe pfa hawa manabii wepfot̯aḅiri na hawa wazee wepfokupfaza mikono.

1 Timoteo 4:4

Koro kula cha Muungu aumbiyecho ni chema. Ntaku ruhusa ya kintu cha kudzizigwa, ela kula kintu ni kupfokejwa kwa mayombo ya ḍuḍa.

1 Timoteo 6:20

Timoteo, yat̯unze haya uyapfegejweyo kuyat̯unza. Dzit̯anye na vyuuwo vya kilumwengu na yuḍaat̯o jwa uḍyura, jwa wantu wangine wejonajuhana “umanyi,” kimatsowa.

2 Timoteo 1:2

nyakukworeani wewe Timoteo, mwanangu nitsakiye. Muungu Baba na Kirist̯o Yesu, eye Ḅwana jwehu, nakuvodhye nto, akufwiye t̯ei na kukupfa maisha ya naghea.

2 Timoteo 4:7

Dza vya muntu jwa mbio, nihenda kula niwezeyecho na hizi mbio nizid̯arama nizisa, na faro yangu sikuiyekeza.

Tito 1:4

Nyakukworeani wewe Tito, wiye mwanangu hachi kwa haya huhikiziyeyo hwonse. Muungu Baba na Kirist̯o Yesu mupfonya jwehu, nawakuvodhye na kukupfa naghea nto.

Filemoni 1:10

Nyakumuyombeani Onesimo kwako, eye mwanangu jwa kiruhu. Koro hivi hivi niivyo gerenzani nimusumwiiya nae kagala muhikiza.